ສະພາປະຊາຊົນແຂວງສະຫວັນນະເຂດ ແລະ ກວາງຈິ ເພີ່ມທະວີການຮ່ວມມືສອງຝ່າຍ
ວັນທີ 5 ມິຖຸນາ 2017 ນີ້ ຄະນະຜູ້ແທນຂັ້ນສູງສະພາປະຊາຊົນແຂວງກວາງຈິ ສສ ຫວຽດນາມນຳໂດຍສະຫະ ຫງວຽນ ດຶກ ຢຸງ ຄະນະປະຈຳພັກແຂວງ, ຮອງປະທານ, ຜູ້ປະຈຳການສະພາປະຊາຊົນແຂວງກວາງຈິ ໄດ້ເດີນທາງມາຢ້ຽມຢາມ ແລະ ເຮັດວຽກ ຢູ່ ແຂວງສະຫວັນນະເຂດ; ໂດຍໄດ້ຮັບການຕ້ອນຮັບຢ່າງອົບອຸ່ນຂອງສະຫາຍ ຄຳເຜີຍ ຜັນທະຈອນ ຮອງເລຂາພັກແຂວງ, ປະທານ ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງທີ 13, ປະທານສະພາປະຊາຊົນແຂວງສະຫວັນນະເຂດ.
+ ຫລວງພະບາງຍັງມີຫລາຍແຫ່ງທ່ອງທ່ຽວ
+ ວັດອິນແປງ ວໍຣະວິຫານ ສະຖາປັດຕະຍະກຳອັນໂດດເດັ່ນ
ໃນການພົບປະສອງຝ່າຍ ຕ່າງກໍໄດ້ລາຍງານສະພາບການຈັດຕັ້ງປະຕິບັດວຽກງານຂອງຕົນໃນຜ່ານມາ ເພື່ອເປັນການແລກ ປ່ຽນບົດຮຽນຮ່ວມກັນ, ກ່ຽວກັບບັນຫາການຕິດຕາມກວດກາການຈັດຕັ້ງປະຕິບັດແຜນພັດທະນາເສດຖະກິດ- ສັງຄົມຂອງທ້ອງ ຖິ່ນ ແລະ ການ ເຄື່ອນໄຫວເຮັດໜ້າທີ່ເປັນເສນາທິການໃຫ້ແກ່ສະພາປະຊາຊົນ ແຂວງ ແລະ ບາງບັນຫາ ທີ່ທັງສອງຝ່າຍໃຫ້ຄວາມ ສົນໃຈ, ແລະ ໃນໂອກາດນີ້, ສະພາປະຊາຊົນແຂວງກວາງຈິງ ເຫັນດີຈະຊ່ວຍຍົກລະດັບວິຊາການໄລຍະສັ້ນໃຫ້ພະນັກງານ ແລະ ສະ ມາຊິກສະພາປະຊາຊົນແຂວງ ສະຫວັນນະເຂດໃນຫົວຂໍ້ຕ່າງໆທີ່ຈຳເປັນ ແລະ ພ້ອມກັນນັ້ນກໍຍັງຈະຊ່ວຍສ້າງເວບໄຊ ແລະ ສະ ໜອງເຄື່ອງຮັບໃຊ້ຫ້ອງການຈຳນວນໜຶ່ງຕາມຄວາມອາດສາມາດຂອງແຂວງກວາງຈິ.
ການເດີນທາງມາຢ້ຽມຢາມ ແລະ ເຮັດວຽກຂອງຄະນະຜູ້ແທນຂັ້ນສູງສະພາປະຊາຊົນ ແຂວງກວາງຈິ ຄັ້ງນີ້ໄດ້ໄປຢ້ຽມຊົມ ສູນພັດທະນາ ແລະ ບໍລິການກະສິກຳ-ປ່າໄມ້ໜອງເຕົ່າຊົມພະທາດອິງຮັງ, ແລະ ສະຖານທີ່ທ່ອງທ່ຽວອື່ນໆອີກ.
