ກະຊວງການຕ່າງປະເທດ ແຈ້ງເລື່ອນກອງປະຊຸມຜູ້ນຳແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 3, ກອງປະຊຸມສຸດຍອດ ACMECS ຄັ້ງທີ 9, ກອງປະຊຸມສຸດຍອດ CLMV ຄັ້ງທີ 10 ແລະ ກອງປະຊຸມສຸດຍອດ CLV ຄັ້ງທີ 11

ເນື່ອງຈາກສະພາບການລະບາດຂອງ ພະຍາດອັກເສບປອດຈາກເຊື້ອຈຸລະໂລກສາຍພັນໄໝ່ (COVID-19) ນັບມື້ເພີ່ມຂຶ້ນ ແລະ ແຜ່ລາມອອກໄປສູ່ຫຼາຍປະເທດໃນໂລກ ແລະ ອົງການອະນາໄມໂລກໄດ້ປະກາດເປັນການລະບາດຂອງທົ່ວໂລກ, ພ້ອມເຕືອນໃຫ້ທຸກປະເທດຕ້ອງເພີ່ມທະວີການປ້ອງກັນ ແລະ ສະກັດກັ້ນ ແລະ ສປປ ລາວເຮົາ ກໍ່ເຊັ່ນກັນ.ດັ່ງນັ້ນລັດຖະບານ ລາວ ຈິ່ງໄດ້ຕົກລົງ ເລື່ອນກອງປະຊຸມຜູ້ນຳແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 3, ກອງປະຊຸມສຸດຍອດ ACMECS ຄັ້ງທີ 9, ກອງປະຊຸມສຸດຍອດ CLMV ຄັ້ງທີ 10 ແລະ ກອງປະຊຸມສຸດຍອດ CLV ຄັ້ງທີ 11 ທີ່ມີແຜນຈະຈັດຂຶ້ນໃນວັນທີ 25-27 ມີນານີ້ ທີ່ນະຄອນຫລວງວຽງຈັນ ອອກໄປກ່ອນຈົນກວ່າສະພາບການແຜ່ລະບາດຂອງພະຍາດ COVID-19 ຈະມີ ທ່າອ່ຽງຫລຸດລົງ ແລະ ສາມາດຄວບຄຸມໄດ້ໃນລະດັບທີ່ແນ່ນອນ.