ໂຮງໝໍເດັກແລະເສດຖາທິຣາດ ເຜີຍແຜ່ຄວາມຮູ້ເພື່ອປ້ອງກັນ COVID19 ໃຫ້ໂຮງຮຽນສີຫາວົງ ວິທະຍາ

ວັນທີ 11 ມີນານີ້ ໂຮງໝໍເດັກ ຮ່ວມກັບ ໂຮງໝໍເສດຖາທິຣາດ ໄດ້ລົງຈັດກິດຈະກຳກວດສຸຂະພາບ ແລະ ໃຫ້ຄວາມຮູ້ໃນການປ້ອງກັນ COVID19 ຢູ່ໂຮງຮຽນສີຫາວົງ ວິທະຍາ ໂດຍທ່ານນາງ ສົມມະນີພອນ ຜາງມະນີໄຊ ຜູ້ອຳນວຍການໂຮງໝໍເດັກ ແລະ ທ່ານ ໄພວັນ ແກ້ວປະເສີດ ຜູ້ອຳນວຍການໂຮງໝໍເສດຖາທິຣາດ ພ້ອມທີມແພດຂອງຕົນ.

ຜູ້ອຳນວຍການໂຮງໝໍເດັກ ໃຫ້ຮູ້ວ່າ: ການລົງເຜີຍແຜ່ຄວາມຮູ້ດັ່ງກ່າວກໍເພື່ອສ້າງຄວາມເຂົ້າໃຈ ແລະວິທີການປ້ອງກັນໄວຣັສ COVID19 ໃຫ້ແກ່ຄູອາຈານ ແລະ ນັກຮຽນມີຄວາມເຂົ້າໃຈ ແລະ ຮູ້ຮັກສາສຸຂະພາບຂອງຕົນດີຂຶ້ນ.ນອກຈາກນີ້ໂຮງໝໍເດັກຍັງຈະສືບຕໍ່ສ້າງກິດຈະກຳດັ່ງກ່າວຢູ່ໂຮງຮຽນແຫ່ງອື່ນໆອີກ, ເພາະເດັກນ້ອຍເປັນໄວທີ່ມີຄວາມສ່ຽງສູງຕໍການຕິດເຊື້ອພະຍາດຕ່າງໆ.