ຍີ່ປຸ່ນໃຫ້ການຊ່ວຍເຫລືອໂຄງການສຶກສາ ຄວາມສ່ຽງລະເບີດບໍ່ທັນແຕກ

      ລັດຖະບານຍີ່ປຸ່ນ ໄດ້ໃຫ້ການຊ່ວຍເຫລືອລ້າເປັນຈໍານວນເງິນ 213.927 ໂດລາສະຫະລັດ ເພື່ອຈັດຕັ້ງປະຕິບັດໂຄງການສຶກສາຄວາມສ່ຽງຂອງລະເບີດບໍ່ທັນແຕກ ແລະ ສະໜັບສະໜູນການພັດທະນາເສດຖະກິດ ​ເຊິ່ງພິທີຮ່ວມລົງນາມໂຄງການຊ່ວຍເຫລືອລ້າດັ່ງກ່າວໄດ້ຈັດຂຶ້ນທີ່ສະຖານທູດຍີ່ປຸ່ນປະຈໍາ ສປປ ລາວ ໃນວັນທີ 5 ມີນາຜ່ານມາ ລະຫວ່າງ ທ່ານ ທາເກວາກະ ເຄໂຊ ເອກອັກຄະຣາຊະທູດຍີ່ປຸ່ນປະຈຳ ສປປ ລາວ ແລະ ທ່ານ ນາງ ອິຊູມິໄຕ ຜູ້ຈັດການອົງການຟື້ນຟູວິທະຍາການໂລກ ແຫ່ງປະເທດຍີ່ປຸ່ນ (Terra Renaissance) ເຊິ່ງເປັນອົງການບໍ່ຫວັງຜົນກຳໄລເປັນຜູ້ຈັດຕັ້ງປະຕິບັດໂຄງການນີ້ ​ເຊິ່ງສະໜັບສະໜູນຄັ້ງທຳອິດຈະມີອາຍຸປະຕິບັດງານ 3 ປີ ໂດຍມີເປົ້າໝາຍຊ່ວຍໃຫ້ໄວຫນຸ່ມເຍົາວະຊົນ ສາມາດຫລີກເວັ້ນການເກີດອຸປະຕິເຫດຈາກລະເບີດທີ່ບໍ່ທັນແຕກ. ພ້ອມຈະຊ່ວຍຝຶກອົບຮົມວິຊາຊີບທີ່ຈໍາເປັນໃຫ້ແກ່ພວກເຂົາສາມາດຮັບມືກັບບັນຫາລະເບີດ ແລະ ພັດທະນາຊີວິດການເປັນຢູ່ຂອງຕົນດີຂຶ້ນ.