ນະຄອນຫລວງມອບເງິນຊົດເຊີຍໂຄງການທາງດ່ວນໝາຍເລກ 1 ເປັນຄັ້ງທີ 5 ແລະ ຮຽກຮ້ອງໃຫ້ຜູ້ທີ່ຍັງບໍ່ທັນມາແຈ້ງຕອນດິນຈົ່ງໄດ້ຮີບຮ້ອນ

       ພິທີມອບ-ຮັບເງິນຊົດເຊີຍ ໂຄງການກໍ່ສ້າງທາງດ່ວນ ນະຄອນຫລວງວຽງຈັນ ໝາຍເລກ 1 ໄດ້ສືບຕໍ່ເປັນຄັ້ງທີ 5ໃນວັນທີ 5 ມີນາຜ່ານມາ ຢູ່ສະໂມສອນເມືອງໄຊເສດຖາ ນະຄອນຫລວງວຽງຈັນ, ໂດຍທ່ານ ບຸນທາມ ພຸດທະວົງສາ ຫົວໜ້າພະແນກຊັບພະຍາກອນທຳ ມະຊາດ ແລະ ສິ່ງແວດລ້ອມ ນະຄອນຫລວງ, ລວມມີຈຳນວນເງິນທັງຫມົດ ຫລາຍ ກວ່າ 199 ຕື້ກີບ ມອບໃຫ້ແກ່ເຈົາຂອງດິນທີ່ໄດ້ຮັບຜົນກະທົບ ຈຳນວນ 534 ຕອນ ທີ່ສຳຫລວດ ແລະ ວັດແທກແລ້ວ ແລະ ສິ່ງປຸກສ້າງ 134 ຫຼັງ ໃນເນື້ອທີ່ 91,9 ເຮັກຕາ

     ຜ່ານມາທາງຄະນະຮັບຜິດຊອບໂຄງການໄດ້ມີການມອບ–ຮັບຄ່າຊົດເຊີຍມາແລ້ວຫລາຍຄັ້ງ ເຊິ່ງໄດ້ຮັບຄວາມຮ່ວມມືຈາກຜູ້ມີສິດຖືຄອງທີ່ດິນ ແລະ ສິ່ງປຸກສ້າງທີ່ໄດ້ຮັບຜົນກະທົບຈາກໂຄງການດັ່ງກ່າວຕະຫລອດມາ.

                ໃນໂອກາດນີ້, ອົງການປົກຄອງນະຄອນຫລວງວຽງຈັນກໍໄດ້ຮຽກຮ້ອງໃຫ້ປະຊາຊົນຜູ້ທີ່ຍັງບໍ່ທັນເຂົ້າມາແຈ້ງຕອນດິນຂອງຕົນໃຫ້ຮີບຮ້ອນມາແຈ້ງກັບພາກສ່ວນຮັບຜິດຊອບເພື່ອມາຮັບເອົາຄ່າຊົດເຊີຍທີ່ດິນຂອງຕົນນັ້ນໃຫ້ທັນເວລາທີ່ກຳນົດໄວ້ໂດຍໄວ. ເພື່ອສ້າງຄວາມສະດວກໃຫ້ແ່ການກໍ່ສ້າງທາງດ່ວນດັ່ງກາວສຳເລັດລົງໂດຍໄວເພື່ອຄວາມສະດວກໃນການສັນຈອນໄປມາຂອງນະຄອນຫລວງວຽງຈັນໃນອະນາຄົດ.