ລັດຖະບານຝຣັ່ງ ສັ່ງໃຫ້ລີກເອີງ ແຂ່ງຂັນແບບປິດເຖີງ 15 ເມສານີ…!

ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ: ທ່ານ ໂຣຊານ່າ ມຣາຊິເນຍນູ ລັດຖະມົນຕີກະຊວງກີລາຝຣັ່ງ ອອກມາຖະແຫລງຂ່າວໃຫ້ ບານເຕະລີກເອີງ ຕ້ອງແຂ່ງຂັນແບບປິດ (ຫ້າມແຟນບານເຂົ້າຊົມ) ຈົນເຖີງວັນທີ່ 15 ເມສານີ້ ເພື່ອປ້ອງກັນການຕິດເຊື້ອໄວຣັສ COVID-19 ພ້ອມຍັງສັ່ງຫ້າມນັກກີລາສຳພັດມືກັນກ່ອນເລີ່ມການແຂ່ງຂັນ.

    ຂະນະທີ່ລາຍການແຂ່ງຂັນບານເຕະອຸ່ນເຄື່ອງຂອງທີມຊາດຝຣັ່ງຈະພົບກັບ ທີມຊາດຢູເຄນ ແລະ ທີມຊາດຟິນແລນ ໃນທ້າຍເດືອນນີ້ກໍ່ຕ້ອງແຂ່ງຂັນແບບປິດເຊັ່ນດຽວກັນ.