ທ່ານ ທຣຳ ຫລຸດພາສີເງິນເດືອນ ສູ້ໄວຣັສ
March 10, 2020 - 11:01 AM
ທ່ານ ທຣຳ ກຽມໃຊ້ມາດຕະການຄັ້ງໃຫຍ່ໃນການຟື້ນຟູເສດຖະກິດ, ຫລຸດພາສີເງິນເດືອນ ສູ້ໄວຣັສ.
ເປັນຍ້ອນສະຖານະການພະຍາດຕິດເຊື້ອໄວຣັສໂຄໂຣນາ 2019 ຫລື ໂຄວິດ-19 (Coronavirus Disease 2019 (COVID-19) ລະບາດໜັກໄປທົ່ວໂລກ, ຫລ້າສຸດ ລັດຖະມົນຕີ ແລະ ສສ ຕິດເຊື້ອໄວຣັສ ແລະ ອິຕາລີ ສັ່ງປິດປະເທດ ສົ່ງຜົນກະທົບຕໍ່ເສດຖະກິດຢ່າງໜັກ.
ຈຶ່ງເປັນທີ່ມາເຮັດໃຫ້ ປະທານາທິບໍດີ ໂດນັລ ທຣຳ ຂອງອາເມລິກາ ຈະໃຊ້ມາດຕະການຄັ້ງໃຫຍ່ໃນການຟື້ນຟູເສດຖະກິດ ເຊິ່ງລວມທັງການຫລຸດພາສີເງິນເດືອນ (payroll tax) ໂດຍຄະນະບໍລິຫານຂອງທ່ານຈະຮຽກຮ້ອງໃຫ້ສະພາຄອງເກຣດຜ່ານຮ່າງກົດໝາຍຫລຸດພາສີເງິນເດືອນ ແລະ ມາດຕະການຮີບດ່ວນອື່ນໆ ເພື່ອບັນເທົາຜົນກະທົບຈາກການແຜ່ລະບາດຂອງໄວຣັສໂຄວິດ-19.
