ຜູ້ຕິເຊື້ອໄວຣັດ nCoV ຄົນໜຶ່ງ ເຂົ້າຮ່ວມກອງປະຊຸມກັບ ທຣຳ

ລູກເມືອງພວນ
ຜູ້ຕິດເຊື້ອ nCoV ຄົນໜຶ່ງໄດ້ເຂົ້າຮ່ວມກອງປະຊຸມກັບ ທຣຳ ພ້ອມດ້ວຍເຈົ້າໜ້າທີ່ຂອງລັດຖະບານສະຫະລັດຫຼາຍຄົນ ທີ່ຈັດຂຶ້ນຢູ່ໃກ້ກັບ ວໍຊິງຕັນດີຊີ.
ກອງປະຊຸມດຳເນີນການທາງການເມືອງຂອງພວກອານຸລັກນິຍົມໄດ້ຈັດຂຶ້ນຢູ່ທີ່ລັດ Maryland ຂອງສະຫະລັດອາເມລິກາ ແຕ່ວັນທີ 26-29/2 ມີຜູ້ເຂົ້າຮ່ວມຫຼາຍພັນຄົນ. ປະທານາທິບໍດີ ໂດນັນທຣຳ ແລະ ຮອງປະທານາທິບໍດີ Mike Pence ພ້ອມກັບເຈົ້າໜ້າທີ່ລະດັບສູງໃນທຳນຽບຂາວ ແລະ ໃນລັດຖະບານຂອງສະຫະລັດອາເມລິກາເຂົ້າຮ່ວມນຳດ້ວຍ.
ສຳມາພັນນັກອານຸລັກນິຍົມສະຫະລັດ, ຜູ້ຈັດກອງປະຊຸມດັ່ງກ່າວ ໄດ້ຂຽນລົງໃນ ທະວິດເຕີວ່າ: ” ເຂົາຄົນນັ້ນຕິດເຊື້ອມາກ່ອນແລ້ວ ກ່ອນທີ່ຈະມາຮ່ວມກອງປະຊຸມນີ້. ໂຮງໝໍທີ່ New Jersey ໄດ້ແຍກປ່ຽວ ແລະ ດຳເນີນການກວດເຊື້ອໃຫ້ຜູ້ກ່ຽວຢູ່ໃນສູນຄວບຄຸມ ແລະ ປ້ອງກັນພະຍາດຂອງສະຫະລັດນັ້ນ ໄດ້ຢັ້ງຢືນວ່າຜົນກວດ ເປັນບວກ “

ແຈ້ງການຂອງສຳມະພັນນັກອານຸລັກນິນົມຂຽນວ່າ: ” ຜູ້ຕິດເຊື້ອຄົນດັ່ງກ່າວບໍ່ໄດ້ສຳພັດກັບປະທານາທິບໍດີ ແລະ ຮອງປະທານາທິບໍດີແຕ່ຢ່າງໃດ ແລະ ກໍບໍ່ໄດ້ມີໜ້າຢູ່ໃນສະຖານທີ່ປະຊຸມໃຫ່ຍ. ອຳນາດການປົກຄອງຂອງປະທານາທິບໍດີ ທຣຳ ໄດ້ຮັບຮູ້ເຫດການທັງໝົດທີ່ເກີດຂຶ້ນແລ້ວ ແລະ ພວກເຮົາກຳລັງສືບຕໍ່ປະສານງານກັບເຈົ້າໜ້າທີ່ຂອງລັດຖະບານຢູ່ “.
ທຳນຽບຂາວຍັງບໍ່ທັນໄດ້ອອກມາຊີ້ແຈງຕໍ່ກັບບັນຫາດັ່ງກ່າວແຕ່ຢ່າງໃດ.
ເວລານີ້ຢູ່ໃນສະຫະລັດມີຜູ້ຕິດເຊື້ອທັງໝົດ 437 ຄົນ, ໃນນັ້ນມີ 19 ຄົນເສຍຊີວິດ. ລັດວໍຊິງຕັນ, California, Florida, Maryland ແລະ New York ໄດ້ປະກາດພາວະສຸກເສີນກ່ຽວກັບພະຍາດ Covid-19 ແລ້ວ. ພະຍາດໄດ້ແຜ່ລະບາດຢູ່ ອູຮັ່ນ ປະເທດຈີນ ແຕ່ເດືອນ 12/2019 ແລະ ໄດ້ແຜ່ລາມໄປໃສ່ 102 ປະເທດ ແລະ ຂົງເຂດໃນປັດຈຸບັນ ຊຶ່ງລວມມີຜູ້ຕິດເຊື້ອທັງໝົດ 106.000 ຄົນ ແລະ ເກືອບ 3.600 ຄົນເສຍຊີວິດ ແລະ ເກືອບ 59.000 ຄົນໄດ້ຮັບການປິ່ນປົວດີ.