ຫລາຍແຫ່ງສະຫລອງວັນເດັກນ້ອຍສາກົນ ແລະ ປູກໄມ້

ເນື່ອງໃນໂອກາດວັນເດັກນ້ອຍສາກົນ ແລະ ວັນປູກໄມ້ແຫ່ງຊາດທີ  1 ມິຖຸນານີ້, ຫລາຍແຫ່ງຕ່າງກໍໄດ້ຈັດກິດຈະກຳຕ່າງໆ ເພື່ອວັນດັ່ງກ່າວຂຶ້ນຢ່າງເປັນຂະບວນຟົດຟື້ນຄື: ໃນວັນທີ 2 ມິຖຸນານີ້, ທ່ານ ຄຳແພງ ໄຊສົມແພງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ປະທານຄະນະກຳມະການບ້ານຊ່ວຍເຫລືອເດັກ SOS ໄດ້ເຂົ້າຮ່ວມ ງານສະເຫລີມສະຫລອງວັນເດັກ ນ້ອຍສາກົນທີ່ບ້ານຊ່ວຍເຫລືອ ເດັກ SOS ເພື່ອເປັນການໃຫ້ກຳລັງໃຈແກ່ການສຶກສາຮ່ຳຮຽນ ຂອງເດັກກຳພ້າກຳພອຍດັ່ງກ່າວ  ແລະ ໃນໂອກາດນີ້, ທ່ານ ຄຳແພງ ໄຊສົມແພງໄດ້ມີຄຳເຫັນວ່າ: ວັນທີ 1 ມິຖຸນາ ແມ່ນ ວັນເດັກນ້ອຍສາກົນທີ່ທົ່ວໂລກ ພ້ອມກັນ ສະເຫລີມສະຫລອງເປັນວັນ ທີ່ມີຄວາມໝາຍຄວາມສຳຄັນທີ່ປະຊາຊາດທົ່ວ ໂລກໄດ້ຮັບຮູ້ສິດທິ ຂອງເດັກນ້ອຍ, ເພື່ອໃຫ້ເດັກນ້ອຍ ໄດ້ຮັບການປົກປ້ອງ ແລະ ເບິ່ງແຍ່ງພາຍໃຕ້ກົດໝາຍ. ສ່ວນຢູ່ປະເທດເຮົາ ເຊິ່ງ ເວລາໃດພັກ  ແລະ ລັດຖະບານເຮົາກໍໄດ້ສຸມທຸກ ກຳລັງແຮງເຂົ້າໃສ່ໃນ ການພັດທະນາກໍຄືຍົກ ສູງການປົກປ້ອງ ແລະ ເບິ່ງແຍງ ເດັກນ້ອຍ ເຊິ່ງແມ່ນອານາຄົດຂອງຊາດ.

+ ໂຕໂຍຕາ ຈັດກິດຈະກຳໃຈດີໃຫ້ນ້ອງ ສະຫລອງວັນ ເດັກນ້ອຍສາກົນ

+ ສະຫວັນນະເຂດສະຫລອງວັນເດັກນ້ອຍສາກົນ ແລະ ປູກໄມ້

+ ລັດຖະບານອອກແຈ້ງການສ້າງຂະບວນການປູກຕົ້ນໄມ້ແຫ່ງຊາດ ແລະ ວັນເດັກສາກົນໃຫ້ມີບັນຍາກາດຟົດຟື້ນ

ສະນັ້ນ, ເດັກນ້ອຍຕ້ອງໄດ້ ຮັບຄວາມຢູ່ຫລອດປອດໄພ, ໄດ້ ຮັບການພັດທະນາ, ໄດ້ຮັບຄວາມອົບອຸ່ນຈາກຄອບຄົວ ແລະ  ມີສ່ວນຮ່ວມໃນສັງຄົມເພື່ອກາຍເປັນຜູ້ສືບທອດປ່ຽນແທນ, ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນ ອານາຄົດ ແລະ ພ້ອມນີ້, ທ່ານ ຄຳແພງ ໄຊສົມແພງ ຍັງໄດ້ນຳເອົາເຂົ້າໜົມ ແລະ ນົມຈຳນວນໜຶ່ງມອບໃຫ້ນ້ອງນັກຮຽນດັ່ງ ກ່າວຕື່ມອີກ.

ຂ່າວໃຫ້ຮູ້ອີກວ່າ:ໃນໂອກາດດຽວກັນອຳນາດການປົກຄອງແຂວງບໍ່ແກ້ວກໍໄດ້ຈັດງານສະເຫລີມສະຫລອງວັນເດັກນ້ອຍສາ ກົນຂຶ້ນທີ່ຫ້ອງການປົກຄອງ ແຂວງດ້ວຍບັນຍາກາດຟົດຟື້ນ ໂດຍການໃຫ້ກຽດເຂົ້າຮ່ວມຂອງ ທ່ານ ຄຳພັນ ເຜີຍຍະວົງ ເຈົ້າແຂວງ ບໍ່ແກ້ວ, ພ້ອມຖືໂອກາດນີ້, ຈັດງານຕະຫລາດນັດສິນຄ້າໂອດ໋ອບລາວ-ໄທ ຂຶ້ນທີ່ແຂວງ ຂອງຕົນລວມມີຫລາຍກວ່າ 100 ຮ້ານຈາກ ຫົວໜ່ວຍທຸລະກິດ ແລະ ເມືອງຕ່າງໆ ເຂົ້າຮ່ວມ ດ້ວຍບັນຍາກາດໄມຕີຈິດ ມິດຕະພາບອັນເບີກບານມ່ວນຊື່ນ.

ໃນໂອກາດດຽວກັນແຂວງ  ບໍລິຄຳໄຊ ໄດ້ຈັດພິທີປູກໄມ້ ໂດຍ ຕິດພັນກັບການປູກຈິດສຳນຶກ ໃຫ້ນ້ອງນ້ອຍນັກຮຽນຮູ້ປົກຮັກ ສາສິ່ງແວດລ້ອມ, ດັ່ງນັ້ນແຂວງ ໄດ້ກຳນົດເອົາບໍລິເວນໂຮງຮຽນ ມສ ໜອງບົວ ເມືອງປາກຊັນ ເປັນສະຖານທີ່ປູກຕົ້ນໄມ້ ໂດຍ ການເຂົ້າຮ່ວມໃນຂອງທ່ານ ກອງແກ້ວ ໄຊສົງຄາມ ເຈົ້າ ແຂວງບໍລິຄຳໄຊ ແລະ ອຳນາດການປົກຄອງເມືອງ ແລະ ບ້ານຕ່າງໆຕະ ຫລອດຮອດນ້ອງນ້ອຍນັກຮຽນເຂົ້າຮ່ວມເປັນຈຳ ນວນຫລາຍ, ເຊິ່ງຄາດວ່າການປູກໄມ້ປີນີ້ແຂວງບໍລິຄຳໄຊຈະປູກໃຫ້ໄດ້ຢ່າງ ໜ້ອຍ 33 ພັນກວ່າເບ້ຍ, ໃນນັ້ນມີໄມ້ປະດັບ ແລະ ໄມ້ອຸດສະຫະກຳພາຍໃຕ້ ຄຳຂວັນທີ່ວ່າ: ປູກໄມ້ໃນວັນນີ້ ເພື່ອຊີວິດທີ່ດີໃນ ວັນໜ້າ, ປູກໄມ້ ໃຫ້ເປັນປ່າ ເພື່ອພັດທະນາປະເທດຊາດ ສຳລັບໄມ້ທີ່ນຳມາປູກຢູ່ໂຮງຮຽນ ມສ ໜອງບົວ ໃນຄັ້ງນີ້ມີ 226 ເບ້ຍ, ໃນນັ້ນມີໄມ້ປະດັບເຊັ່ນ: ຕົ້ນຄູນ, ຕົ້ນດອກກະເລົາ ແລະ ຕົ້ນໄມ້ໃຫ້ໝາກລວມ ມີ 100 ເບ້ຍ ແລະ ໄມ້ອຸດສະຫະກຳຄື: ໄມ້ດູ່, ໄມ້ຂະຍຸງ ແລະ ອື່ນໆ.

ພ້ອມດຽວກັນເມືອງລະ ມາມ ແຂວງເຊກອງກໍໄດ້ຈັດພິ ທີປູກຕົ້ນໄມ້ເພື່ອທົດແທນປ່າໄມ້ ທີ່ຖືກທຳລາຍຄືນສູ່ສະພາບເດີມ,   ຂຶ້ນທີ່ສວນໄມ້ເຂດບ້ານໜອງບົງ ເຊິ່ງມີສຳນັກງານອົງການອ້ອມ ຂ້າງເມືອງ, ນັກທຸລະກິດ ແລະ ປະຊາຊົນບັນດາບ້ານອ້ອມຂ້າງ ເຂົ້າຮ່ວມຢ່າງຫລວງຫລາຍ. ເພື່ອແນໃສ່ປະຕິບັດຕາມພາລະ ບົດບາດ ແລະ ໜ້າທີ່ຂອງຫ້ອງ ການກະສິກຳ ແລະ ປ່າໄມ້ເມືອງ ແລະ ທັງເປັນການສະເຫລີມສະ ຫລອງວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາໃຫ້ເປັນຂະບວນຟົດຟື້ນ.ດັ່ງນັ້ນເມືອງລະມາມຈະສູ່ຊົນ ປູກໃຫ້ໄດ້ 42 ເຮັກຕາ, ມີ ໄມ້ແຄນ, ໄມ້ຂະຍຸງ ແລະ ໄມ້ດູ່ ໃນນີ້ປູກຢູ່ສວນໄມ້ເຂດບ້ານ ໜອງບົງຈຳນວນ 3 ເຮັກຕາ,  ບໍລິສັດ ປູກຈຳ ນວນ 15 ເຮັກຕາ ແລະ ປະຊາຊົນປູກ 21 ເຮັກຕາ;   ນອກຈາກນີ້ກໍໄດ້ປູກຕາມແລວ ສາຍທາງຂອງເທສະບານເມືອງອີກຈຳນວນ ໜຶ່ງ.

ປັດຈຸບັນເມືອງລະມາມ ມີ ເນື້ອທີ່ປ່າໄມ້ປົກຫຸ້ມກວມເອົາ 71,9% ຂອງເນື້ອທີ່ທົ່ວເມືອງ ແລະ ໃນນັ້ນມີເນື້ອທີ່ປ່າໄມ້      ຖືກທຳລາຍ ເຊິ່ງບໍ່ທັນໄດ້ຮັບ ການຟື້ນຟູມີປະມານ 200 ກວ່າເຮັກຕາ.