ສສ. ອີຣານ 23 ຄົນ ຕິດໄວຣັສໂຄໂຣນາ ຫລ້າສຸດກຽມໃຫ້ທະຫານມາຊ່ວຍຄວບຄຸມໂຣກ
ໂຄສົກລັດຖະບານອີຣານ ທ່ານ ອັບດຸລ ເຣຊາ ມິສຣີ ເປີດເຜີຍວ່າ: ສະມາຊິກສະພາຜູ້ແທນລາຊະດອນ (ສ.ສ) ຂອງອີຣານ 23 ຄົນ ຕິດເຊື້ອໄວຣັສໂຄໂຣນາສາຍພັນໃໝ່ 2019.
ຂະນະທີ່ຕົວເລກສະສົມຂອງຜູ້ທີ່ຕິດເຊື້ອ ແລະ ເຄີຍຕິດເຊື້ອພາຍໃນປະເທດມີ 2.336 ຄົນ (ໃນຕອນເຊົ້າວັນທີ 4 ມີນາ) ຫລື ເພີ່ມຂຶ້ນ 835 ຄົນ, ຂະນະທີ່ຈຳນວນຜູ້ເສຍຊີວິດມີ 77 ຄົນ.
ຜ່ານມາ ເຈົ້າໜ້າທີ່ລະດັບສູງ 2 ຄົນຂອງອີຣານກໍເສຍຊີວິດຈາກໂຣກໂຄວິດ-19 ທີ່ເກີດຈາກໄວຣັສຊະນິດດັ່ງກ່າວມາແລ້ວ, ຂະນະທີ່ເຈົ້າໜ້າທີ່ລະດັບສູງອີກຫລາຍຄົນກຳລັງປ່ວຍດ້ວຍໂຣກດັ່ງກ່າວເຊັ່ນກັນ.
ຜູ້ນຳສູງສຸດຂອງອີຣານ ອະຍາຕຸລເລາະ ອາລີ ຄາເມນີ ສັ່ງໃຫ້ກອງທັບກວ່າ 300.000 ຄົນ ໃຫ້ການຊ່ວຍເຫລືອເຈົ້າໜ້າທີ່ດ້ານສາທາລະນະສຸກໃນການຄວບຄຸມການແຜ່ລະບາດຂອງໂຣກໂຄວິດ-19.
ອີຣານກາຍເປັນປະເທດໜຶ່ງທີ່ການແຜ່ລະບາດຂອງໄວຣັສໂຄໂຣນາສາຍພັນໃໝ່ 2019 ເກີດຂຶ້ນຢ່າງວ່ອງໄວ ຄາດວ່າໜຶ່ງໃນສະພາທີ່ສູນກາງການແຜ່ລະບາດຂອງໂຣກນີ້ ຄືສາສະນະສະຖານແຫ່ງໜຶ່ງໃນເມືອງກອມ ທາງໃຕ້ຂອງນະຄອນຫລວງເຕຮາລານ ທີ່ປະຊາຊົນຈຳນວນຫລາຍເຂົ້າໄປສັກກາລະບູຊາ ແລະ ມີການສຳຜັດ ແລະ ຈູບຜິວຂອງສາສະນະສະຖານ.
