ບໍ່ຄາດຝັນ…! ເຈົ້າເມືອງຢືນຢັນພົບຜູ້ປ່ວຍ COVID-19 ໃນເມືອງລີເວີ້ພລູ

ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ: ທ່ານ ໂຈ ແອນເດີສັນ ນາຍົກເທດສະບານເມືອງລີເວີ້ພລູ ປະເທດອັງກິດ, ອອກມາຢືນຢັນເມື່ອວັນທີ່ 4 ມີນາທີ່ຜ່ານມາວ່າ ພົບຜູ້ປ່ວຍ COVID-19 ເປັນຄົນທຳອິດໃນເມືອງລີເວີ້ພລູ.

            ສຳຫຼັບຄົນທີ່ກວດພົບວ່າຕິດເຊື້ອໄວຣັສ COVID-19 ນີ້ຄາດວ່າຈະຕິດເຊື້ອໄວຣັສດັ່ງກ່າວ ໃນຊ່ວງເວລາທີ່ເດີນທາງໄປທາງພາກເໜືອຂອງປະເທດອີຕາລີ, ໂດຍ ທ່ານ ໂຈ ແອນເດີສັນ ນາຍົກເທດສະບານເມືອງລີເວີ້ພລູ ໄດ້ກັກຕົວ, ພ້ອມຊ່ວຍເຫຼືອ ຮັກສາຄົນທີ່ຕິດເຊື້ອໄວຣັສດັ່ງກ່າວ ແລະ ໄດ້ເພີ່ມຄວາມເຂັ້ມງວດໃນການປ້ອງກັນເຊື້ອໄວຣັສບໍ່ໃຫ້ແຜ່ລະບາດອອກໄປພາຍໃນເມືອງ.

            ພ້ອມດຽວກັນນີ້ີຈາກຂໍ້ມູນຂອງມະຫາວິທະຍາໄລ ຈອນ ຮ໋ອບກິນ ໃນປະເທດສະຫະລັດອາມາຣິກາໄດ້ລະບຸວ່າ: ໃນເວລານີ້ມີຜູ້ໄດ້ຮັບການຢືນຢັນວ່າຕິດເຊື້ອໄວຣັສ COVID-19 ທົ່ວໂລກຫຼາຍກວ່າ 91.310 ຄົນ ໂດຍໃນຈຳນວນດັ່ງກ່າວຮັກສາຫາຍຂາດໄດ້ແລ້ວກວ່າເຄີ່ງໜື່ງ, ສ່ວນຜູ້ເສຍຊີວິດຈາກເຊື້ອໄວຣັສດັ່ງກ່າວຫຼາຍກວ່າ 3.117 ຄົນ.