ທົ່ວປະເທດມີນັກສອບເສັງຈົບຊັ້ນມຕົ້ນ ແລະ ມປາຍເກືອບ 160.000 ຄົນ
ປັດຈຸບັນຫລາຍໂຮງຮຽນ ໃນຂອບເຂດທົ່ວປະເທດທັງພາກລັດ ແລະ ເອກະຊົນຕ່າງກໍໄດ້ຈັດການສອບເສັງເລື່ອນຊັ້ນມັດທະ ຍົມສຶກສາເປັນທີ່ຮຽບຮ້ອຍແລ້ວ, ໃນຂະນະທີ່ຊັ້ນ ມ4 ແລະ ມ7 ຕ່າງກໍເລັ່ງກະກຽມສອບເສັງຈົບຊັ້ນໃນກາງເດືອນມິຖຸນານີ້, ໂດຍຄາດວ່າທົ່ວປະເທດຈະມີ ນັກສອບເສັງທັງໝົດ 159.349 ຄົນ.
+ ລາວຈັດສອບເສັງນັກຮຽນເກັ່ງລະດັບຊາດ ຊັ້ນ ມ4 ແລະ ມ7 ປະຈຳປີ 2017
+ ຍີ່ປຸ່ນໃຫ້ທືນສະໜັບສະໜູນການອອກແບບປັບປຸງໂຮງຮຽນມັດທະຍົມຕອນຕົ້ນຢູ່ພາກກາງ ແລະ ພາກໃຕ້ລາວ
+ ສິນໄຊໂຮງຮຽນຕົວແບບສອນດີ-ຮຽນເກັ່ງ
ຕາມການລາຍງານຂອງກະຊວງສຶກສາທິການ ແລະ ກິລາໃຫ້ຮູ້ວ່າ: ສໍາລັບຊັ້ນ ມ4 ຈະໄດ້ຈັດຂຶ້ນໃນວັນທີ 13-15 ມິຖຸນາ ນີ້. ມີ 6 ວິຊາ ຄື: ວິຊາຄະນິດສາດ, ວິທະຍາສາດທໍາມະຊາດ, ພາສາລາວ-ວັນນະຄະດີ, ວິທະຍາສາດສັງຄົມ, ສຶກສາພົນລະເມືອງ ແລະ ພາສາອັງກິດ, ເຊິ່ງຈະມີນັກສອບເສັງທັງໝົດ 97 ພັນກວ່າຄົນໃນສູນສອບເສັງ 600 ກວ່າແຫ່ງທົ່ວປະເທດ, ຫ້ອງສອບເສັງ 4 ພັນ ກວ່າຫ້ອງ.
ສ່ວນຊັ້ນ ມ7 ຈະໄດ້ຈັດຂຶ້ນ ໃນວັນທີ 20-21 ມິຖຸນາ ນີ້, ມີ 4 ວິຊາຄື:ວິຊາຄະນິດສາດ, ພາສາລາວ-ວັນນະຄະດີ, ຟີຊິກສາດ ແລະ ປະຫວັດສາດ, ມີນັກສອບເສັງທັງໝົດ 62 ພັນກວ່າຄົນໃນສູນສອບເສັງ 200 ກວ່າແຫ່ງໃນທົ່ວປະເທດ.
