ສະຫວັນນະເຂດຈັດງານຕະຫລາດນັດແຮງງານ

ເພື່ອເປັນການເປີດໂອກາດໃຫ້ຜູ້ອອກແຮງງານໃນນີ້ແມ່ນເນັ້ນໃສ່ບັນດານັກສຶກສາປີສຸດທ້າຍຂອງມະຫາວິທະຍາໄລສະຫວັນ ນະເຂດ ໄດ້ພົບກັບຜູ້ໃຊ້ ແຮງງານ ໂດຍສະເພາະແມ່ນ ບັນດາຜູ້ລົງທຶນໃນເຂດເສດຖະ ກິດພິເສດສະຫວັນ-ເຊໂນ (ຂສສຊ) ເຮັດໃຫ້ ທັງສອງຝ່າຍໄດ້ແລກປ່ຽນຂໍ້ມູນໃນລະຫວ່າງວັນ ທີ 30-31 ພຶດສະພານີ້, ແຂວງ ສະຫວັນນະເຂດໄດ້ຈັດງານຕະຫລາດນັດ ແຮງງານ ຂຶ້ນທີ່ມະຫາວິທະຍາໄລສະຫວັນນະເຂດໂດຍການເຂົ້າຮ່ວມຂອງ ທ່ານ ສັນຕິພາບ ພົມວິຫານເຈົ້າແຂວງດັ່ງກ່າວພ້ອມດ້ວຍຫົວ ໜ່ວຍທຸລະກິດ ແລະ ນັກສຶກສາທີ່ມາຈາກສະຖາບັນການສຶກສາພາກລັດ ແລະ ເອກະຊົນເຂົ້າຮ່ວມເປັນຈຳນວນຫລາຍ ເພື່ອແນໃສ່ຕອບສະໜອງຄວາມຕ້ອງການແຮງງານຂອງຂະແໜງການຕ່າງໆໃຫ້ພຽງພໍ.

+ ສະຫວັນນະເຂດສະຫລອງວັນເດັກນ້ອຍສາກົນ ແລະ ປູກໄມ້

+ ກະຊວງແຮງງານກຽມເປີດໂທລະສັບສາຍດ່ວນຮັບຟັງຄຳເຫັນຂອງສັງຄົມ

+ ຮອງນາຍົກ ສອນໄຊ ສີພັນດອນ ພົບປະໂອ້ລົມຄົນເຊື້ອຊາດລາວ ແລະ ນັກສຶກສາຢູ່ປະເທດຍີ່ປຸ່ນ

      ທ່ານຫົວໜ້າຄະນະບໍດີມະຫາວິທະຍາໄລດັ່ງກ່າວມີຄຳເຫັນວ່າ:ແຮງງານແມ່ນປັດໄຈໜຶ່ງທີ່ສຳຄັນທີ່ສຸດຂອງຜູ້ລົງທຶນຖ້າເຮົາມີຄວາມພ້ອມທາງດ້ານແຮງງານທີ່ມີຄຸນນະພາບແລ້ວ,ກໍຈະເຮັດໃຫ້ການດຳເນີນງານຂອງໂຮງຈັກໂຮງ ງານ ແລະ ໂຄງການລົງທຶນຕ່າງໆ ມີປະສິດທິພາບສູງຂຶ້ນ. ດັ່ງນັ້ນການຈັດງານຕະຫລາດນັດແຮງງານນີ້ ຂຶ້ນກໍເພື່ອສ້າງໂອກາດໃຫ້ຜູ້ ອອກແຮງງານ ແລະ ຜູ້ໃຊ້ແຮງ ງານໄດ້ພົບປະກັນໂດຍກົງ. ມາຮອດປັດຈຸບັນນີ້ໄດ້ມີ 83 ບໍລິສັດ ຈາກພາຍໃນ ແລະ ຕ່າງປະເທດລົງທຶນຢູ່ ຂສສຊ ສາມາດສ້າງວຽກ ເຮັດງານທຳໃຫ້ແກ່ແຮງງານລາວໄດ້ແລ້ວ 4.228 ຄົນ, ເຊິ່ງເປັນການປະກອບສ່ວນສ້າງອາຊີບ ແລະ ລາຍໄດ້ທີ່ໝັ້ນ ຄົງໃຫ້ປະຊາ ຊົນທ້ອງຖິ່ນຊ່ວຍ ໃຫ້ເຂົາເຈົ້າມີລາຍຮັບ ແລະ ສາ ມາດຫລຸດພົ້ນອອກຈາກຄວາມທຸກຍາກໄດ້ເທື່ອລະກ້າວ. ສຳລັບໃນປີ 2017 – 2018 ສະເພາະໃນ ຂສສຊ ແມ່ນມີຄວາມ  ຕ້ອງການແຮງງານຢູ່ປະມານ 3.000-5.000 ຄົນເພື່ອປະກອບເຂົ້າເຮັດວຽກ ຢູ່ບັນດາ ຫົວໜ່ວຍການບໍລິການ, ການຄ້າ ແລະ ຜະລິດ,ໂດຍສະເພາະແມ່ນແຮງງານທີ່ຈະປະກອບເຂົ້າໃນຂະແໜງ ການປະກອບເຄື່ອງ ເອເລັກໂຕຣນິກເຊິ່ງມີຄວາມຕ້ອງການແຮງງານຫລາຍເຖິງ 3.000 ຄົນ.

ໃນໂອກາດກ່າວເປີດງານ ຕະຫລາດນັດດັ່ງກ່າວທ່ານເຈົ້າແຂວງໄດ້ຍ້ຳເຖິງບັນຫາການ ພັດທະນາຊັບພະຍາກອນມະນຸດ ເຊິ່ງນັບເປັນປັດໄຈສຳຄັນໃນການຂັບເຄື່ອນການພັດທະນາເສດຖະກິດ-ສັງຄົມ, ສະນັ້ນຈິ່ງໄດ້ຮຽກຮ້ອງທຸກພາກສ່ວນ ຈົ່ງ ໄດ້ພ້ອມກັນສືບຕໍ່ຍົກລະດັບສີມືແຮງງານຂອງຕົນໃຫ້ໄດ້ທັງດ້ານປະລິມານ ແລະ ຄຸນນະພາບ ເພື່ອປະກອບສ່ວນເຂົ້າໃນ   ການພັດທະນາປະເທດກໍຄື ແຂວງສະຫວັນນະເຂດກ້າວຂຶ້ນຢ່າງບໍ່ຢຸດຢັ້ງ.