ບໍລິສັດນິວຈິບເຊັງຮ່ວມກັບພະແນກສືກສາທິການແລະກີລາຈັດການແຂ່ງຂັນກີລາແລ່ນ 31 ຂາ ຄັ້ງທີ່ 5 ປະຈຳສົກຮຽນ 2019-2020
ໃນວັນທີ່ 21 ກຸມພານີ້ທີ່ ສະໜາມກີລາມະຫາວິທະຍາໄລແຫ່ງຊາດ
ໄດ້ມີການຮ່ວມມືກັນລະຫວ່າງ ກຸ່ມບໍລິສັດນິວຈິບເຊັງຈຳກັດ ແລະ ພະແນກສືກສາທິການ ແລະ ກີລານະຄອນຫຼວງວຽງຈັນ
ຮ່ວມຈັດການແຂ່ງຂັນກີລາແລ່ນ 31 ຂາ ຄັ້ງທີ່ 5 ປະຈໍາສົກຮຽນ 2019-2020 , ເປັນກຽດເຂົ້າຮ່ວມເປັນປະທານໂດຍ
ທ່ານ ຂັນໄຊ ກຽດສີທະນາກອນ ປະທານກຸ່ມບໍລິສັດນິວຈິບເຊັງ ຈຳກັດ ແລະ ທ່ານ ວິລະວັນ
ບຸນສຸກໄທ ຫົວໜ້າກົມພະລະແລະສີນລະປະສືກສາ ພ້ອມດ້ວຍນ້ອງນັກຮຽນ,ຜູ້ປົກຄອງ,ແຂກຜູ້ມີກຽດເຂົ້າຮ່ວມ.
ສຳຫຼັບການແຂ່ງຂັນກີລາແລ່ນ 31 ຂາໃນຄັ້ງນີ້ມີທີມກີລາເຂົ້າຮ່ວມທັງ ໝົດ 27 ໂຮງຮຽນພາຍໃນ 9 ຕົວເມືອງນະຄອນຫຼວງວຽງຈັນ,ມີນັກກິລາເຂົ້າຮ່ວມທັງໝົດ 490 ຄົນ ສ່ວນນັກກີລາທັງໝົດນີ້ແມ່ນໄດ້ຮັບການຈັດຕັ້ງປະຕິບັດໂດຍການຊີ້ນຳຂອງກະຊວງສືກສາທິການ ແລະ ກີລາ, ກົມພະລະ ແລະ ສີນລະປະສືກສາ.
ຈຸດປະສົງໃນການຈັດການແຂ່ງຂັນກີລາແລ່ນ 31 ຂາໃນຄັ້ງນີ້ ເພື່ອສ້າງໃຫ້ເຍົາວະຊົນມີຄວາມສາມັກຄີກັນ,ເປັນໝູ່ຄະນະ,ຊ່ວຍເຫຼື່ອເຊີ່ງກັນ
ແລະ ກັນ,ມີສຳມາທິ,ມີລະບຽບວິໄນແກ່ຕົນເອງ,ໃຫ້ມີສຸຂະພາບແຂງແຮງ ແລະ ຫ່າງໄກຈາກສິ່ງເສບຕິດ,ປູກຈິດສຳນຶກໃຫ້ກ້າສະແດງອອກ,ໄດ້ສ້າງປະສົບການໃໝ່ໆ
ສ່ວນກະຕິກາການແຂ່ງຂັນແລ່ນ 31 ຂາແມ່ນບໍ່ໄດ້ຈຳແນກເພດຍິງ-ຊາຍ ສາມາດຮ່ວມທີມນຳກັນໄດ້
ແລ້ວຄັດເລືອກທີມທີ່ທຳເວລາໄດ້ດີທີ່ສຸດໃນການແລ່ນໄລຍະ 50 ແມັດ.
ຜົນການແຂ່ງຂັນກີລາແລ່ນ 31 ຂາຄັ້ງທີ່ 5 ປະຈຳສົກຮຽນ 2019-2020 ຮອງຊະນະເລີດອັນດັບທີ່
3 ໄດ້ແກ່ໂຮງຮຽນ ມ.ສ ໄພ່ລ້ອມ ເມືອງໄຊທານີ ທຳເວລາໄດ້ 9.96 ວິນາທີ ຄວ້າຂັນລາງວັນພ້ອມເງິນສົດ
3.000.000 ລ້ານກີບ, ຮອງຊະນະເລີດອັນດັບທີ່ 2 ໄດ້ແກ່ໂຮງຮຽນ ຈັນສະຫວ່າງ
ເມືອງສີໂຄດຕະບອງ ທຳເວລາໄດ້ 9.46 ວິນາທີ ຄວ້າຂັນລາງວັນພ້ອມເງີນສົດ 4.000.000
ລ້ານກີບ ແລະ ຊະນະເລີດອັນດັບທີ່ 1 ໄດ້ແກ່ໂຮງຮຽນ ດອນສະຫວ່າງ ເມືອງຫາດຊາຍຟອງ ທຳເວລາໄດ້
9.32 ວິນາທີ ຄວ້າຂັນລາງວັນຊະນະເລີດການແຂ່ງຂັນກີລາແລ່ນ 31 ຄັ້ງທີ່ 5 ປະຈຳສົກຮຽນ
2019-2020 ພ້ອມຮັບເງີນສົດ 6.000.000 ລ້ານກີບຈາກກຸ່ມບໍລິສັດນິວຈິບເຊັງຈຳກັດ
