ງານມະຫາກຳກີລາແຫ່ງຊາດຄັ້ງທີ່ 11 ຊຽງຂວາງເກມ ມີ 2 ຊະນິດກີລາຍ້າຍມາຈັດການແຂ່ງຂັນທີ່ນະຄອນຫຼວງວຽງຈັນ

ການແຂ່ງຂັນກີລາແຫ່ງຊາດຄັ້ງທີ່ 11 ຊຽງຂວາງເກມ ໄດ້ມີການຍ້າຍ 2 ຊະນິດກີລາມາແຂ່ງຂັນທີ່ນະຄອນຫຼວງວຽງຈັນກໍ່ຄື ກີລາລອຍນ້ຳ ແລະ ກິລາຍິງປືນ

ການແຂ່ງຂັນກິລາລອຍນໍ້າ ໃນງານມະຫາກຳກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງເປັນເຈົ້າພາບ ເປັນໜຶ່ງໃນສອງປະເພດກິລາທີ່ນຳມາແຂ່ງຂັນຢູ່ນະຄອນຫຼວງວຽງຈັນ ພ້ອມກັບກິລາຍິງປືນ ເນື່ອງຈາກສະ ໜາມແຂ່ງຂັນບໍ່ໄດ້ມາດຕະຖານ

ອີງຕາມການລາຍງານຂອງວິຊາການສະຫະພັນລອຍນໍ້າແຫ່ງຊາດລາວ ໃນນາມຜູ້ຮ່ວມຈັດການແຂ່ງຂັນໄດ້ໃຫ້ຮູ້ວ່າ: ການແຂ່ງຂັນກິລາລອຍນໍ້າໃນງານກິລາແຫ່ງຊາດຄັ້ງນີ້ ມີແຂວງແຈ້ງເຈດຈຳນົງເຂົ້າຮ່ວມການແຂ່ງຂັນຄື: ນະຄອນຫຼວງວຽງຈັນ, ແຂວງຊຽງຂວາງເຈົ້າພາບ, ແຂວງສະຫວັນນະເຂດ, ແຂວງຈຳປາສັກ, ແຂວງຫຼວງພະບາງ ແລະ ແຂວງວຽງຈັນ. ຊິງຫຼຽນຄຳໃນ 27 ລາຍການ, ປະເພດດ່ຽວ 26 ລາຍການ ແລະ ປະເພດທີມປະສົມ 1 ລາຍການ. ຈະເລີ່ມການແຂ່ງຂັນໃນວັນທີ 2-5 ມີນາ 2020 ທີ່ສະລອຍນໍ້າສະໜາມກິລາແຫ່ງຊາດຫຫຼັກ 16

ສ່ວນການແຂ່ງຂັນກິລາຍິງປືນ ເປັນກິລາທີ່ຢູ່ກັບງານກິລາແຫ່ງຊາດມາຫຼາຍຄັ້ງ ແລະ ມີການຊິງຫຼຽນຄຳຫຼາຍສົມຄວນ ໂດຍສະເພາະໃນງານມະຫາກຳກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງເປັນເຈົ້າພາບ ມີລາຍການຊິງຫຼຽນທັງໝົດ 32 ຫລຽນຄຳ ແຕ່ເລືອກມາແຂ່ງຂັນທີ່ນະຄອນຫຼວງວຽງຈັນ ເນື່ອງຈາກສະໜາມແຂ່ງຂັນທີ່ແຂວງຊຽງຂວາງເຈົ້າພາບບໍ່ໄດ້ມາດຕະຖານສາກົນ ເປັນໜຶ່ງໃນສອງປະເພດກິລາທີ່ນຳມາແຂ່ງຂັນຢູ່ນະຄອນຫຼວງວຽງຈັນ ຕໍ່ຈາກກິລາລອຍນໍ້າ

ການແຂ່ງຂັນປະເພດປືນເປົ້າຈັດການແຂ່ງຂັນທີ່ສະໜາມກິລາແຫ່ງຊາດ ຫຼັກ 16 ສ່ວນປະເພດປືນອັດລົມຍາວ, ປືນອັດລົມສັ້ນ ແລະ ປືນສັ້ນມາດຕະຖານ ຈັດການແຂ່ງທີ່ຂັນສະໜາມຍິງປືນ 5 ເມສາ ໂດຍຈະແຂ່ງຂັນໃນວັນທີ 8-17 ມີນາ 2020