ທະນາຄານແຫ່ງ ສປປ ລາວປູກໄມ້

ທະນາຄານແຫ່ງ ສປປ ລາວ ໄດ້ຈັດຕັ້ງຂະບວນການ ອອກແຮງງານປູກໄມ້ ເນື່ອງວັນ ປູກໄມ້ແຫ່ງຊາດ ແລະ ວັນເດັກ ນ້ອຍສາກົນ ເຊິ່ງໄດ້ຈັດຂຶ້ນທີ່ ສວນໄມ້ຂອງທະນາຄານແຫ່ງ ສປປ ລາວ ທີ່ບ້ານໂພນຕ້ອງສະ ຫວາດເມືອງຈັນທະບູລີ ນະຄອນຫຼວງວຽງຈັນ ໃນວັນທີ 1 ມິຖຸນານີ້ໂດຍການເຂົ້າຮວມ ຂອງທ່ານ ສົມພາວ ໄຟສິດກໍາມະການສູນກາງພັກ, ຜູ້ວ່າການທະນາຄານແຫ່ງ ສປປ ລາວ, ພ້ອມນີ້ກໍມີຮອງຜູ້ວ່າການທະນາຄານແຫ່ງ ສປປ ລາວ,  ແລະ ບັນດາກົມກອງອ້ອມຂ້າງເຂົ້າຮ່ວມເປັນຈຳນວນຫລາຍ.

+ ທະນາຄານແຫ່ງ ສປປ ລາວ (ທຫລ) ຫວນຄືນມູນເຊື້ອກຳມະກອນສາກົນ

+ ທະນາຄານ ຫວຽດຕິນ ລາວຈຳກັດ

+ ອະນຸບານທະນາຄານສະຫລອງວັນເດັກນ້ອຍສາກົນ

      ຮອງຫົວໜ້າຫ້ອງການ ທະນາຄານແຫ່ງ ສປປ ລາວ, ຄະນະຮັບຜິດຊອບຂະບວນການ ໄດ້ແຈ້ງໃຫ້ຮູ້ວ່າ: ພວກເຮົາໄດ້ ນໍາເອົາໄມ້ 2 ຊະນິດມາປູກໃນນີ້ ມີໄມ້ອຸດສາຫະກໍາໄມ້ໃຫ້ໝາກ ຈໍານວນໜຶ່ງ ເຊິ່ງການສ້າງຂະບວນການດັ່ງກ່າວແມ່ນສ່ວນ ໜຶ່ງຂອງການປະກອບສ່ວນເຂົ້າໃນການຈັດຕັ້ງປະຕິບັດຄໍາຂັວນ 6 ສ ທີ່ນະຄອນຫຼວງວຽງຈັນວາງອອກໂດຍສະ ເພາະແມ່ນ  ສ ສີຂຽວ ເຊິ່ງເປັນຈຸລັງໜຶ່ງທີ່ ຕິດພັນກັບນະໂຍບາຍຂອງລັດຖະບານໃນ ການປູກຕົ້ນໄມ້ໃຫ້ເປັນປ່າແຕ່ນີ້ຫາປີ 2020 .

ໃນວັນທີ 1 ມິຖຸນາ ເປັນວັນປູກໄມ້ແຫ່ງຊາດ ແລະ ພ້ອມດຽວກັນກໍເປັນວັນເດັກນ້ອຍສາກົນ ເຊິ່ງຖືເປັນວັນສໍາຄັນອີກ ວັນໜຶ່ງ, ສະນັ້ນ ບັນດາສໍານັກງານ-ອົງການ, ສະຖາບັນການສຶກສາ, ຫົວໜ່ວຍການຜະລິດ, ການບໍລິຫານທາງພາກລັດ- ພາກປະຊາຊົນໃນທົ່ວປະເທດກໍໄດ້ພາກັນຈັດຕັ້ງການປູກ ແລະ ບົວລະບັດຮັກສາປ່າໄມ້ ເຊິ່ງແມ່ນຊັບພະຍາກອນທໍາມະຊາດອັນລໍ້າຄ່າ ແລະທັງເປັນການອະນາໄມສ່ວນໜຶ່ງອອກເພື່ອ ປ້ອງກັນບໍ່ໃຫ້ເປັນແຫຼ່ງເພາະພັນຂອງຍູງລາຍ ເຊິ່ງໃນຂະນະນີ້ ຍັງ ມີການຕິດຕາມທ່າອ່ຽງໃນວຽກງານເຝົ້າລະວັງກໍລະນີພະຍາດໄຂ້ຍູງຕາມຄໍາສັ່ງເລກທີ 08/ນຍ; ລົງວັນທີ 19 ພຶດສະພາ 2017 ແລະກວດກາເນື້ອທີ່ດິນເພື່ອບໍ່ໃຫ້ພວກຄົນບໍ່ດີເຂົ້າມາ ມົ້ວສຸມສິ່ງຜິດກົດໝາຍນໍາອີກ.