ໄທລີກນຳໃຊ້VARເປັນປະເທດທຳອິດຂອງອາຊ້ຽນຢ່າງເປັນທາງການ

ເມື່ອວັນທີີ່ 16 ມັງກອນທີ່ຜ່ານມານີ້ ພົນຕຳຫຼວດເອກ ສົມຍົດ ພຸ່ມພັນມ່ວງ ນາຍົກສະມາຄົມບານເຕະໄທ ເຊັນ MOU ໃນການໃຊ້ VAR ເຂົ້າໃນການຕັດສິນການເເຂ່ງຂັນໄທລີກຢ່າງເປັນທາງການ ເຊີ່ງເປັນຊາດທຳອິດໃນອາຊ້ຽນ, ໂດຍຜ່ານ ເດວິດ ເອວເລເຣ ຜູ້ອຳນວຍການເທັກນິກຂອງ IFAB ຫຼືຄະນະກຳມະການຕັດສິນລະຫວ່າງປະເທດ
ນາຍົກສະມາຄົມບານເຕະໄທໄດ້ກ່າວວ່າ: ຕອນນີ້ທັ້ງຜູ້ຕັດສິນລວມເຖິງຄວາມພ້ອມໃນຈຸດຕິດຕັ້ງ VAR ຂອງສະໜາມຕ່າງໆໃນເສິກການແຂ່ງຂັນໄທລີກຜ່ານການຮັບຮອງຈາກ IFAB ສຳເລັດຮ້ຽບຮ້ອຍແລ້ວ

ຈຶ່ງໄດ້ມີການເຊັນສັນຍາຮ່ວມກັນຢ່າງເປັນທາງການ ຫຼັງຈາກການປະຊຸມກໍ່ມີການບັນລະຍາຍໃຫ້ຄວາມຮູ້ກ່ຽວກັບການໃຊ້ VAR ທີ່ຖືກຕ້ອງໃຫ້ກັບຕົວແທນສະໂມສອນໃນບານເຕະໄທລີກ
ທາງສະມາຄົມບານເຕະໄທ ຄາດຫວັງວ່າ VAR ຈະເຂົ້າມາຊ່ວຍຍົກລະດັບບານເຕະໄທ ເພາະວ່າເປັນປະເທດທຳອິດໃນອາຊ້ຽນທີ່ນຳໃຊ້ VAR ຢ່າງເຕັມຮູບແບບ ແລະ ຖ້າຫາກວ່າຜົນຕອບຮັບໃນລະດູການນີ້ ອອກມາໃນທິດທາງທີ່ດີກໍ່ຈະນຳໄປໃຊ້ໃນບານເຕະໄທລີກ 2 ຕໍ່ໄປອີກດ້ວຍ