ອານຸສອນ ຄວ້າແຊ້ມທໍາອິດຂອງປີ 2020 ລາຍການ The Sun Games 2020

ອານຸສອນ ໄຊສາ ນັກກີລາແລ່ນ-ລານທີມຊາດລາວ ເຈົ້າຂອງຫຼຽນທອງ ໃນງານມະຫະກໍາກິລາຊີເກມ ຄັ້ງທີ 30 ໃນທ້າຍປີ 2019 ຫຼ້າສຸດເປີດປີ 2020 ໄດ້ຢ່າງໂດດເດັ່ນດ້ວຍການຄວ້າແຊ້ມລາຍການ The Sun Games 2020 ຫຼື ກິລາມະຫາວິທະຍາໄລແຫ່ງປະເທດໄທ ຄັ້ງທີ 47 ທີ່ມະຫາວິທະຍາໄລຣັງສິດ ນະຄອນຫຼວງບາງກອກ ປະເທດໄທ ໃນວັນທີ 14 ມັງກອນ 2020

ລາຍການດັ່ງກ່າວຈັດຂຶ້ນລະຫວ່າງວັນທີ 10-19 ມັງກອນ 2020 ໂດຍ ອານຸສອນ ໄຊສາ ເລ່ນໃຫ້ກັບ ມະຫາໄລກຸງເທບທົນບຸຣີ ປະເພດແລ່ນຂ້າມຮົ້ວ 110 ແມັດຊາຍມີນັກກິລາເຂົ້າຮ່ວມ 16 ຄົນຈາກມະຫາວິທະຍາໄລທົ່ວປະເທດໄທ ຜົນປາກົດວ່າ: ອານຸສອນ ຜ່ານເຂົ້າຮອບຊີງ (ມີ 8 ຄົນ) ກ່ອນທີ່ຈະເຂົ້າເສັ້ນໄຊເປັນອັນດັບ 1 ດ້ວຍເວລາ 14,16 ວິນາທີ ບຽດເອົາຊະນະອັນດັບ 2 ພານຸວັນ ຂວັນຢືນ ທີ່ເຂົ້າເສັ້ນໄຊດ້ວຍເວລາ 14,74 ວິນາທີ ພ້ອມນີ້ ອານຸສອນ ໄຊສາ ເປັນນັກກິລາໜື່ງດຽວໃນປະຫວັດສາດຂອງລາວເຮົາທີ່ໄດ້ຫຼຽນຄຳຈາກລາຍດັ່ງກ່າວ