ຂ້ອຍຢາກປະກັບແຟນ ພາຍຫຼັງໄດ້ທົດລອງ “ເລື່ອງອັນນັ້ນ”ນຳກັນ
ລູກເມືອງພວນ
ຂ້ອຍເປັນສາວ ອາຍຸ 26 ປີ, ເປັນພະນັກງານຫ້ອງການ, ຂ້ອຍຍັງໂສດໆສົດໆ. ພໍ່ແມ່ລ້ຽງດູຂ້ອຍຕາມຕາມຮີດຄອງປະເພນີເປັນຢ່າງດີ. ເມື່ອມາເຖິງຕົ້ນປີນີ້, ຂ້ອຍໄດ້ເກີດແນວຄວາມຄິດບໍ່ຢາກປະຕິບັດຕາມຄຳສັ່ງສອນຂອງພໍ່ແມ່ອີກ ຈົນເຖິງມື້ເອົາຜົວ.
ເມື່ອເດືອນເມສາຜ່ານມາ, ຂ້ອຍໄດ້ຂຽນຈົດໝາຍເຖິງ ບກ ໃນຄໍລຳ “ນັດພົບ”. ຈຸດປະສົງຂອງຂ້ອຍໃນຈົດໝາຍນັ້ນບໍ່ແມ່ນເລື່ອງທີ່ຂ້ອຍຢາກແຕ່ງງານ, ແຕ່ຫາກແມ່ນເລື່ອງຂ້ອຍຢາກທົດລອງ “ເລື່ອງອັນນັ້ນ”. ຫຼັງຈາກນັ້ນຂ້ອຍໄດ້ຮັບການຕອບຮັບຈາກຊາວເພຈ 40 ເພຈ, ຂ້ອຍໄດ້ສົ່ງຮູບຂອງຕົນກັບຄືນໃຫ້ 10 ເພຈ. ໃນຈຳນວນ 10 ຄົນນັ້ນ, ເມື່ອຮູ້ວ່າຂ້ອຍເປັນກຳມະກອນເຂົາກໍ ບ໊ອກ ເພຈ ຂອງຂ້ອຍເລີຍ ບໍ່ຕິດຕໍ່ກັບຂ້ອຍອີກ ແຕ່ເຂົາຢາກລົມສາຍກັບຂ້ອຍຜ່ານ ວີດິໂອ, ຂ້ອຍຕໍ່ສາຍລົມກັບເຂົາໄດ້ໄລຍະໜຶ່ງ ແລະ ຂ້ອຍກໍຢູດເຊົາ ເພາະຂ້ອຍເປັນຄົນບໍ່ມັກສົ່ງຂໍ້ຄວາມປານໃດ.
ໃນທີ່ສຸດຂ້ອຍໄດ້ພົບກັບສອງຄົນ ໃນຈຳນວນ 10 ຄົນນັ້ນ ແລະ ໄດ້ເລຶອກເອົາພຽງຄົນດຽວເປັນເພື່ອນ ເພາະເບິ່ງເຂົາຄືວ່າເປັນຄົນສັດຊື່, ຈິງໃຈ ແລະ ເວົ້າໜ້ອຍ. ພວກຂ້ອຍໄດ້ກາຍເປັນແຟນຜູ້ທຳອິດໃນຊີວິດຂອງກັນ ແລະ ກັນ, ຕ່າງຝ່າຍຕ່າງບໍ່ທັນມີບົດຮຽນໃນຄວາມຮັກ. ມີມື້ນຶ້່ງພວກຂ້ອຍໄປເບິ່ງຮູບເງົານຳກັນຢູ່ໃນໂຮງ, ເຂົາຄົນນັ້ນບໍ່ປາກບໍ່ຕີງຕະຫຼອດ 2 ຊົ່ວໂມງ. ເມື່ອກັບເມືອຮອດເຮືອນ ຂ້ອຍແຊັດຖາມເຂົາວ່າ: ເປັນຫຍັງເຈົ້າບໍ່ກອດຂ້ອຍແດ່? ເຂົາຕອບຂ້ອຍຄືນວ່າ: ມັນຈະບໍ່ເປັນການຟ້າວຟັ່ງເກີນໄປບໍ? ຂ້ອງທັງເກີດໃຈຮ້າຍ ທັງຢາກຫົວ.
ຮັກກັນໄດ້ 3 ເດືອນ ເຂົນກໍຖືກໄປວຽກທາງໄກ ແລະ ເຂົາໄດ້ຊວນຂ້ອຍໄປນຳເຂົາ. ພວກຂ້ອຍຢູ່ຮ່ວມຫ້ອງດຽວກັນ ແຕ່ເນື່ອງຈາກວ່າບໍ່ທັນມີປະສົບການ ຈຶ່ງມີແຕ່ກອດຈູບກັນເທົ່ານັ້ນ. ໃນຄະນະນັ້ນ ເຂົາໄດ້ເຫັນຮອຍແປ້ວປາດເຕົ້ານົມຂອງຂ້ອຍໃນຫ່ວາງປີກາຍນີ້. ຂ້ອຍເລົ່າສູ່ເຂົາຟັງ ແລະ ສະແດງຄວາມຢາກແຍກທາງກັບເຂົາ ເພື່ອໃຫ້ເຂົາໄປຫາຄົນໃໝ່ ແຕ່ເຂົາບໍ່ເຫັນດີ. ແລະຈາກນັ້ນມາ ພວກຂ້ອຍໄດ້ເຮັດ “ເລື່ອງນັ້ນ”ນຳກັນຢ່າງເປັນທາງການ. ເມື່ອໄດ້ຕາມຈຸດປະສົງແຕ່ດົນທີ່ຂ້ອຍລໍຄອຍແລ້ວ ຂ້ອຍກໍຢາກແຍກທາງກັບເຂົາ ເຖິງແມ່ນວ່າເຂົາເປັນຄົນດີກໍຕາມ. ເຂົາບອກຂ້ອຍວ່າ: ຖ້າມີທ້ອງຂ້ອຍຈະນັບຜິດຊອບ ແຕ່ຂ້ອຍກໍຍັງຢາກແຍກທາງເຂົາຢູ່ ເພາະເຫດຜົນດັ່ງນີ້:
ເງິນເດືອນຂອງຂ້ອຍແມ່ນຢູ່ໃນລະດັບທຳມະດາ ແຕ່ກໍພໍລ້ຽງຕົນເອງໄດ້ ແຕ່ຖ້າຫາກມີລູກອີກ ແນ່ນອນແມ່ນບໍ່ກຸ້ມກິນແນ່ນອນ. ຂ້ອຍບໍ່ຢາກມີລູກໃນສະຖານະການທີ່ບໍ່ທັນສາມາດລ້ຽງລູກກຸ້ມ ແລະ ໃນສະພາບຂາດໆເຂີນໆ ແລະ ຂ້ອຍກໍເປັນຄົນທີ່ມັກດຳລົງຊີວິດຢູ່ຄົນດຽວ, ມັກຄວາມເປັນອິດສະຫຼະ, ເມື່ອເຖິງປີໜ້າຂ້ອຍຄິດວ່າຈະຂໍລາອອກຈາກວຽກ ແລະ ໄປທ່ອງທ່ຽວໄລຍະໜຶ່ງກ່ອນ ແລະ ກໍບໍ່ທັນມີແຜນການວ່າຈະເຮັດຫຍັງຫຼັງຈາກນັ້ນ. ຂ້ອຍບອກກັບເຂົາວ່າ: ຊອກຄົນອື່ນສາ ແຕ່ເຂົາບໍ່ຍອມ. ເມື່ອເປັນເຊັ່ນນີ້ ຈຶ່ງມີຄວາມລຳບາກໃຈຫຼາຍ, ບໍ່ຮູ້ວ່າຈະຕັດສິນໃຈແນວໃດດີ. ຂໍຄຳແນະນຳຈາກຊາວ ເພຈ ທັງຫຼາຍດ້ວຍ.
