14 ເຫດການເດັ່ນທົ່ວໂລກໃນປີ 2019

    ລູກເມືອງພວນ

ໜຶ່ງປີ ຜ່ານມາ, ທົ່ວໂລກມີເຫດການມາກມາຍຫຼາຍກໍລະນີເກີດຂຶ້ນ ອັນໄດ້ສົ່ງຜົນກະທົບກະເທືອນຕໍ່ ສັນຕິພາບ, ຄວາມໝັ້ນຄົງ, ເສດຖະກິດ, ວັດທະນະທຳ- ສັງຄົມຂອງໂລກ ນັບທັງທາງດ້ານບວກ ແລະ ດ້ານລົບມີດັ່ງນີ້:

ອັນດັບ14. ເຄັຣດຕາ ທັນເບີກ(Greta Thunberg)  ສາວນ້ອຍ ສະວີເດັນ, ອາຍຸ 16 ປີ ກັບຂະບວນການປະທ້ວງຕໍ່ຕ້ານສະພາບໂລກຮ້ອນ, ໄດ້ເຮັດໃຫ້ຜູ້ນຳຫຼາຍປະເທດເດືອດຮ້ອນໄປຕາມໆກັນ.

ອັນດັບ13. ໄຟປ່າ ອາເມຊອນ ທີ່ ບຣາຊີລເກີດຂຶ້ນເຖິງ 70.000 ຄັ້ງ. ອັນໄດ້ສ້າງຄວາມເສຍຫາຍຕໍ່ນິເວດວິທະຍາ ແລະ ມົນລະພິດຢ່າງຮ້າຍແຮງ.

ອັນດັບ 12. ເຫດການ 39 ສົບຊາວອົບພະຍົບລັກລອບເຂົ້າເມືອງຜິດກົດໝາຍໃນຕູ້ລົດຄອນເທັນເນີແຊ່ແຂງທີ່ປະເທດ ອັງກິດ.

ອັນດັບ 11. ການສັງຫານໝູ່ 50 ຄົນ ໃນໂບດ Christchurch ທີ່ New Zealand, ໃນວັນທີ 15 ມີນາ.

ອັນດັບ 10. ການ ເບັຣກຊິດ (ການຖອນຕົວ) ອອກຈາກສະຫະພາບ ຍຸໂຣບ ຂອງອັງກິດ. ນາຍົກລັດຖິມົນຕີ ອັງກິດ  Theresa May ຕ້ອງລາອອກຈາກຕຳແໜ່ງ.

ອັນດັບ 9. ອຸບັດຕິເຫດ ແລະ ຂ່າວຮ້າຍເກີດຂຶ້ນກັບຍົນ ໂບອິ້ງ 737 MAX  ຊື່ງເກີດຂຶ້ນ 2 ຄັ້ງຕິດຕໍ່ກັນບໍ່ເຖິງ 1 ເດືອນ, ຂ້າຜູ້ຄົນເຖິງ 346 ຄົນ.

ອັນດັບ 8. ໄຟໄໝ້ມະຫາວິຫານ ຍາແມ່, ອາຍຸ ເກົ່າແກ່ 850 ປີທີ່ ຝຣັ່ງ

ອັນດັບ 7. ໄຟໄໝ້ພາລາຊະວັງ Zhuri ມໍລະດົກໂລກ, ອາຍຸເກົ່າແກ່ 600 ປີທີ່ ຍີ່ປຸ່ນ.

ອັນດັບ 6. ຫົວໜ້າ  ISIS ຖືກສະຫະລັດອາເມລິກາສັງຫານໃນບັ້ນສຸ່ມດັກໂຈມຕີຢູ່ທາງພາກເໜືອຂອງ ຊີຣີ.

ອັນດັບ 5. ການໂຄ່ນລົ້ມປະທານາທິບໍດີ ເວເນຊູເອລາ Nicolas Maduro.

ອັນດັບ 4. ຂະບວນການປະທ້ວງຢູ່ ຮົງກົງ ຕໍ່ຕ້ານກົດໝາຍສົ່ງຜູ້ຮ້າຍຂ້າມແດນ ຍືດເຍືອເຖິງ 6 ເດືອນ

ອັນດັບ 3. ສະພາຕໍ່າສະຫະລັດດຳເນີນຂະບວນການຖອດຖອນ ປະທານາທິບໍດີ ສະຫະລັດ ໂດນັລທຣຳ ອອກຈາກຕຳແໜ່ງ ເປັນຜູ້ທີ 3 ໃນປະຫວັດສາດ ສະຫະລັດ.

ອັນດັບ 2. ປະທານາມິບໍດີສະຫະລັດ ໂດນັລທຣຳ ພົບປະກັບ ປະທານ ກີມຈອງອູນ ສປ ເກົາຫຼີ 2 ຄັ້ງທີ່ ສິງກະໂປ ແລະ ຫວຽດນາມ ກ່ຽວກັບການປົດອາວຸດ ນິວເຄຣຍ ຢູ່ແຫຼມ ເກົາຫຼີ ບໍ່ປະສົບຜົນສຳເລັດ.

ອັນດັບ 1. ສົງຄາມການຄ້າລະຫ່ວາງສະຫະລັດອາເມລິກາ ກັບ ສປ ຈີນ ອັນໄດ້ ກະທົບກະເທືອນຕໍ່ເສດຖະກິດທົ່ວໂລກ.