ຮັກກັນໄດ້ພຽງ 3 ວັນ, ຜູ້ສາວພ້ອມທີ່ຈະໃຫ້ຄວາມສຸກບົນຕຽງກັບຂ້ອຍ
ລູກເມືອງພວນ
ຂ້ອຍອາຍຸ 27 ປີ, ຜູ້ສາວ 23 ປີ. ພວກຂ້ອຍຮູ້ຈັກກັນຜ່ານທາງສື່ອອນລາຍ. ຜ່ານການລົມກັນເຫັນວ່າເຂົ້າກັນດີ, ມີມື້ໜຶ່ງພວກຂ້ອຍໄດ້ນັດໄປຫຼີ້ນນຳກັນ, ມື້ນັ້ນຂ້ອຍໄດ້ຂໍຮັກກັບເຂົາ, ເຂົາກໍຕອບສະໜອງທັນທີ.
ແຕ່ລະຄັ້ງທີ່ຢູ່ກັບເຂົາຂ້ອຍຮູ້ສຶກມີຄວາມສຸກທີ່ສຸດ ແລະ ບໍ່ສາມາດຈະກັນຫ້າມໄດ້ເລື່ອງຢາກມີເພດສຳພັນກັບເຂົາ, ພາຍຫຼັງຮັກໄດ້ 3 ວັນຂ້ອຍໄດ້ຊວນເຂົາເຂົ້າເຮືອນພັກເພື່ອເລື່ອງດຽວນັ້ນແຫຼະ.
ໃນໃຈກໍຄິດວ່າຢາກມີຄວາມສຸກກັບເຂົາ, ແຕ່ກໍຄິດຢູ່ວ່າ ຫາກໍຮັກກັນໃໝ່ ນາງຄືຈະບໍ່ໄດ້ໃຫ້ງ່າຍປານນັ້ນດອກ, ແຕ່ແລ້ວໃນເມື່ອຂ້ອຍຂໍຄວາມສຸກກັບເຂົາ, ເຂົາກໍງຶກຫົວທັນທີ. ເມື່ອໄດ້ງ່າຍຄືແນວນັ້ນ ຈຶ່ງເຮັດໃຫ້ຂ້ອຍມີຄວາມລັ່ງເລໃຈບໍ່ໜ້ອຍ.
ມື້ນັ້ນພວກຂ້ອຍມີຄວາມສຸກນຳກັນເປັນເທື່ອທຳອິດຢູ່ເຮືອນພັກຈົນຊອດແຈ້ງທີ່ບໍ່ອາດຈະຫຼົງລືມໄດ້ໃນຊີວິດ ແຕ່ບໍ່ແມ່ນເທື່ອທຳອິດໃນຊີວິດຂອງແຕ່ລະຄົນ. ກ່ອນໜ້ານັ້ນຂ້ອຍເຄີຍຮັກກັບຍິງຄົນໜຶ່ງມາກ່ອນແລ້ວ ແລະ ເຄີຍມີເພດສຳພັນກັບເຂົາຄົນນັ້ນມາກ່ອນ. ສ່ວນນາງກໍຍອມຮັບວ່າເຂົາເຄີຍຫຼີ້ນກັບຊາຍຄົນອື່ນມາກ່ອນແລ້ວ.
ຄວາມຈິງກໍຈະແມ່ນຄືກັບນາງຍອມຮັບແທ້ ເພາະມີຫຼາຍທ່າ ນາງເປັນເຈົ້າການເອົາເອງ ຈົນເຮັດໃຫ້ຂ້ອຍແປກໃຈ.
ຂ້ອຍມີຄວາມສຸກຍ້ອນໄດ້ຮັບການຕອບສະໜອງຈາກແຟນຢ່າງເຕັມທີ່. ແຕ່ນັ້ນມາເຮັດໃຫ້ຂ້ອຍມີຄວາມກັງວົນໃຈຫຼາຍຂຶ້ນ. ຂ້ອຍຄິດວ່າ ເປັນຫຍັງຮັກກັນໄດ້ພຽງ 3 ວັນ ເຂົາຈຶ່ງຍອມໃຫ້ຂ້ອຍທຸກຢ່າງທີ່ຂ້ອຍຕ້ອງການໃນຕົວຂອງເຂົາ? ບໍ່ແມ່ນສາວໃຈງ່າຍເກີນໄປບໍ?
ບໍ່ຮູ້ວ່ານອກຈາກຂ້ອຍແລ້ວ, ເຂົາຍັງມີຊາຍຄົນໃດອີກບໍ? ສົມຄວນບໍທີ່ຂ້ອຍຈະຕ້ອງຮັກຄົນທີ່ໃຈງ່າຍແບບນີ້ຕໍ່ໄປ? ຢ້ານວ່າພົບກັບຊາຍຄົນອື່ນເຂົາກໍຈະໃຈງ່າຍແບບນີ້ຄືກັນ. ແຍກທາງດີບໍ ຫຼື ຈະສືບຕໍ່ໄປ? ຂໍຄຳເຫັນນຳທ່ານຜູ້ອ່ານທັງຫຼາຍ.
