4 ເຫດຜົນທີ່ ລິເວີ້ພູລ ຕ້ອງຄວ້າແຊ້ມສະໂມສອນໂລກ

    ສະໂມສອນລິເວີ້ພູລ ທີມຈ່າຝູງໃນຕົ້ນລະດູການນີ້ຂອງພຣີເມຍລີກອັງກິດ ພາຍໃຕ້ການຄຸມທີມຂອງ ເຢີເກັ້ນຄ໋ອບ ທີ່ຕັ້ງໃຈວ່າຕ້ອງຄວ້າແຊ້ມລາຍການນີ້ໃຫ້ໄດ້ເພື່ອເປັນຂວັນກຳລັງໃຈຂອງທັບນັກກີລາຫົງແດງ ເຖິງແມ່ນວ່າການແຂ່ງຂັນນີ້ຈະຕ້ອງເດີນທາງໄປແຂ່ງຂັນໄກກໍຕາມ ອິກທັງຍັງຕ້ອງພົບກັບໂປຣແກມການແຂ່ງຂັນທີ່ຊັບຊ້ອນ ພ້ອມນີ້ຍັງມີ 4 ເຫດຜົນທີ່ຫົງແດງຕ້ອງຄວ້າແຊ້ມໃຫ້ໄດ້ດັ່ງນີ້ :

1.  ຄັ້ງທຳອິດໃນປະຫວັດສາດສະໂມສອນ : ຫົງແດງລິເວີ້ພູລ ທີມແຊ້ມ UCL 6 ສະໄໝຍັງບໍ່ເຄີຍຄວ້າແຊ້ມລາຍການນີ້ເລີຍນັບຕັ້ງແຕ່ກໍ່ຕັ້ງສະໂມສອນມາ ໂດຍຄັ້ງລ່າສຸດເມື່ອປີ 2005 ລິວີ້ພູລເສຍໃຫ້ ເຊົາເປົາໂລ 1-0 ທີ່ນະຄອນໂຕກຽວ ດັ່ງນັ້ນໃນປີນີ້ຖ້າຫາກລິເວີ້ພູລສາມາດຄວ້າແຊ້ມລາຍການດັ່ງກ່າວໄດ້ຖືວ່າເປັນທີມທີ່ 2 ຈາກອັງກິດຕໍ່ຈາກ ແມນເຊັດເຕີ້ຢູໄນເຕັດ ທີີ່ເຄຍເປັນເເຊ້ມລາຍການນີ້ມາແລ້ວເມື່ອປີ 2008
2. ຢ່າງໜ້ອຍກໍ່ມີແຊ້ມຕິດມື : ໃນລະດູການນີ້ເປັນລະດູການທີ່ຫົງແດງລິເວີ້ພູລ ມີສິດລຸ້ນແຊ້ມຫຼາຍລາຍການເຊັ່ນ ຢູຟ້າແຊ້ມປ້ຽນລີກ,ພຣີເມຍລີກອັງກິດ,ເອຟເອຄັຟ ແລະ ມີລຸ້ນຄວ້າແຊ້ມສະໂມສອນໂລກ ແຕ່ເຖິງຢ່າງໃດກໍຕາມຍັງບໍ່ສາມາດຄາດເດົາໄດ້ວ່າທັບນັກກີລາຂອງລີເວີ້ພູລຈະສາມາດຄວ້າແຊ້ມທຸກລາຍການ
3. ທຳສະທິຕິຄວ້າແຊ້ມຫຼາຍກວ່າແມນເຊັດເຕີ້ຢູໄນເຕັດ : ຂໍ້ນີ້ຖືເປັນເສີກແຫ່ງສັກສີທີ່ກິນກັນບໍ່ລົງ ເພາະຫາກວ່າລິເວີ້ພູລສາມາດຄວ້າແຊ້ມລາຍການສະໂມສອນໂລກໄດ້ຈະກາຍເປັນທີມທີ່ໄດ້ເເຊ້ມລະດັບເມເຈີຫຼາຍທີ່ສຸດ (ບໍ່ນັບຄອມມູນິຕີີ້ຊິວ) ເຖີງ 47 ລາຍການໜີຫ່າງຄູ່ແຂ່ງແມນເຊັດເຕີ້ ຢູໄນເຕັດ ທີ່ຕອນນີ້ມີ 44 ແຊ້ມ ໂດຍໃນຕອນນີ້ີ ຫົງແດງ ເປັນແຊ້ມລະດັບເມເຈີແລ້ວ 46 ລາຍການໄດ້ເເກ່ ແຊ້ມລີກສູງສຸດ 18 ສະໄໝ,ຢູໂລປ້ຽນຄັຟ(ຢູຟ້າແຊ້ມປ້ຽນລີກ) 6 ສະໄໝ,ຢູໂລປ້າລີກ 3 ສະໄໝ,ຢູຟ້າຊຸບເປີ້ຄັຟ 4 ສະໄໝ,ເອັຟເອຄັຟ 7 ສະໄໝ ແລະ ລີກຄັຟ 8 ສະໄໝ
4. ເປັນຂວັນກຳລັງໃຈໃຫ້ຄວ້າແຊ້ມພຣີເມຍລີກ : ຫົງແດງລີເວີ້ພູລຍັງບໍ່ສາມາດຄວ້າແຊ້ມພຣິີເມຍລີກໄດ້ເລີຍເປັນປີທີ 30 ຕິດຕໍ່ກັນ ເມື່ອລະດູການທີ່ແລ້ວເຮັດໄດ້ດີທີ່ສຸດຄືເປັນຮອງແຊ້ມ ກັບມາໃນລະດູການນີ້ຫົງແດງໂຊຟອມໄດ້ດີ ແລະ ຍັງເປັນຈ່າຝູ່ງມີສິດຄວ້າແຊ້ມພຣີເມຍລີກ ຫາກທີມພວກເຂົາຍັງຮັກສາຟອມເກ່ງເອົາໄວ້ໄດ້ ກໍ່ຖືວ່າມີລຸ້ນໃນໄລຍະຍາວຫຼັງຈາກສະໂມສອນຫ່າງຫາຍຈາກການເປັນແຊ້ມພຣີເມຍລີກມາແລ້ວເຖີງ 30 ປີ