ການນໍາຂັ້ນສູງຂອງລາວເຂົ້າຮວມພິທີປິດປີທ່ອງທ່ຽວ ລາວ-ຈີນ ທີ່ນະຄອນຫລວງປັກກິ່ງ
ທ່ານ ກິແກ້ວ
ໄຂຄຳພິທູນ ເລຂາທິການສູນກາງພັກ, ລັດຖະມົນຕີ ກະຊວງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ ໄດ້ເຂົ້າຮ່ວມການປິດປີທ່ອງທ່ຽວ ລາວ-ຈີນ ທີ່ນະຄອນຫຼວງປັກກິ່ງ ສປ ຈີນ ຢ່າງຍິ່ງໃຫຍ່ ໂດຍໄດ້ຈັດຂຶ້ນທີ່ຫໍພິພິທະພັນແຫ່ງຊາດ ສປ ຈີນ ໃນວັນທີ 16 ທັນວານີ້
ເຊິ່ງເປັນກຽດເຂົ້າຮ່ວມຂອງທ່ານ ນາງ ປານີ ຢາທໍ່ຕູ້
ກຳມະການກົມການເມືອງສູນກາງພັກ, ປະທານສະພາແຫ່ງຊາດ, ທ່ານ ປ້າຍມ້າ ສືຫລີນ ຮອງປະທານຄະນະປະຈໍາສະພາປະຊາຊົນແຫ່ງຊາດຈີນ ແລະ ແຂກທັງພາຍໃນ-ຕ່າງປະເທດໄດ້ເຂົ້າຮ່ວມຢ່າງຫລວງຫລາຍ.
ໃນພິທີ, ທ່ານ ປ້າຍມ້າ ສືຫລີນ ໄດ້ກ່າວຕ້ອນຮັບ ແລະ ຕີລາຄາສູງຕໍ່ການນຳສູງສຸດຂອງສອງຝ່າຍ ລາວ ແລະ ຈີນ ໄດ້ເສຍສະຫລະເວລາເຂົ້າຮ່ວມພິທີດັ່ງກ່າວ ເຊິ່ງໄດ້ເປັນສັນຍາລັກໃໝ່ໃນການຮ່ວມມືດ້ານວຽກງານການທ່ອງທ່ຽວ ເພື່ອອຳນວຍຄວາມສະດວກໃຫ້ປະຊາຊົນທັງສອງປະເທດໄດ້ໄປມາຫາສູ່ກັນຖານບ້ານໃກ້ເຮືອນຄຽງທີ່ດີຕໍ່ກັນ.
ຈາກນັ້ນ, ທ່ານ ກິແກ້ວ ໄຂຄຳພິທູນ ກໍໄດ້ກ່າວປາໄສຕໍ່ພິທີວ່າ: ສປປ ລາວ ແລະ ສປ ຈີນ ໄດ້ຈັດໃຫ້ປີ 2019 ເປັນປີທ່ອງທ່ຽວ ລາວ-ຈີນ ຂຶ້ນ ເພື່ອປະຕິບັດຕາມຄວາມມຸ້ງມາດປາດຖະໜາຂອງສອງຜູ້ນຳສູງສຸດ ລາວ-ຈີນ ຄືສະຫາຍ ເລຂາທິການໃຫຍ່ ປະທານປະເທດ ບຸນຍັງ ວໍລະຈິດ ສປປ ລາວ ແລະ ສະຫາຍ ເລຂາທິການໃຫຍ່ ປະທານປະເທດ ສປ ຈີນ ສີຈິ້ນພິງ ທີ່ຢາກເຫັນປະຊາຊົນທັງສອງປະເທດໄປມາຫາສູ່ກັນຖານບ້ານໃກ້ເຮືອນຄຽງຫລາຍຂຶ້ນ.
ທ່ານ ກິແກ້ວ ໄຂຄຳພິທູນ ກ່າວວ່າ: ການເປີດປີທ່ອງທ່ຽວ ລາວ-ຈີນ 2019
ປະຊາຊົນທັງສອງປະເທດໃນການໄປມາຫາສູ່ກັນຖານບ້ານໃກ້ເຮືອນຄຽງທີ່ດີຕໍ່ກັນແຕ່ອະດີດເຖິງປັດຈຸບັນຈາກສາຍພົວພັນແບບຍຸດທະສາດຮອບດ້ານຍາວນານໝັ້ນຄົງຕາມທິດ
4 ດີ
(ບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ) ຈົນກາຍເປັນ “ຄູ່ຮ່ວມຊະຕາກຳ
ສັງຄົມນິຍົມ” ທີ່ບໍ່ມີຫຍັງສາມາດທັບມ້າງໄດ້.
ລັດຖະບານແຫ່ງ ສປປ ລາວ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍໍ່ການຈັດຕັ້ງະຕິບັດປີທ່ອງທ່ຽວ ລາວ-ຈີນ ເຊິ່ງທັງສອງຝ່າຍໄດ້ພ້ອມກັນເອົາໃຈໃສ່ຈັດຕັ້ງປະຕິບັດຢ່າງໄດ້ຮັບຜົນດີຫຼາຍດ້ານ, ເຊັ່ນຜ່ານມາພວກເຮົາໄດ້ຈັດງານສັບປະດາວັດທະນະທໍາຈີນ ຄຽງຄູ່ກັບການວາງສະແດງຮູບພາບ ແລະ ງານສະແດງສິລະປະຈີນຂຶ້ນ ໃນລະຫວ່າງວັນທີ 29 ພຶດສະພາ- 3 ມິຖຸນາ 2019 ທີ່ນະຄອນຫລວງວຽງຈັນ, ຈັດງານບຸນໄຫວ້ພະຈັນ ພາຍໃຕ້ຫົວຂໍ້ “ມອບບົດກາວີໃຫ້ພະຈັນ” ລວມທັງຕ້ອນຮັບຄະນະສິລະປະຈາກແຂວງເສສວນ ທີ່ເຂົ້າມາສະແດງຢູ່ລາວ ໃນລະຫວ່າງວັນທີ 23-28 ກັນຍາ 2019 ເນື່ອງໃນໂອກາດທີ່ ສະຫາຍ ຫວາງ ຢາງ ກໍາມະການກົມການເມືອງພັກກອມມູນິດຈີນ, ປະທານສະພາທີ່ປຶກສາການເມືອງທົ່ວປະເທດຈີນ ເຄື່ອນໄຫວຢ້ຽມຢາມລັດຖະກິດທີ່ ສປປ ລາວ ໂດຍສະເພາະແຂວງຫລວງພະບາງ ລະຫວ່າງວັນທີ 17-18 ພະຈິກ 2019 ທີ່ຜ່ານມາ ແລະ ໄດ້ຈັດຕັ້ງການຕ້ອນຮັບຂະບວນລົດຄາຣາວານນັກທ່ອງທ່ຽວຈີນ ຈໍານວນ 20 ຄັນ ເຂົ້າ ສປປ ລາວ ຈາກຊາຍແດນບໍ່ເຕນລົງໄປເຖິງດ່ານຊາຍແດນໜອງນົກຂຽນ ເພື່ອສືບຕໍໍ່ໄປກໍາປູເຈຍ.
ຄຽງຄູ່ກັນນີ້ ຝ່າຍຈີນຍັງໄດ້ຈັດຕັ້ງຊຸດຝຶກອົບຮົມພະ ນັກງານລາວນໍາທ່ຽວພາສາຈີນ ແລະ ໄດ້ມອບລົດ ຈໍານວນ 22 ຄັນ ເປັນຂອງຂວັນໃຫ້ຝ່າຍລາວ, ພ້ອມໄດ້ເປີດຖ້ຽວບິນປະຖົມມະເລິກ ວຽງຈັນ-ຊຽງໄຮ້-ວຽງຈັນ ໃນລະຫວ່າງວັນທີ 6-9 ມີນາ 2019 ທີ່ນະຄອນຊຽງໄຮ້ ສປ ຈີນ. ໄລຍະທີ່ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ຢູ້ຽມຢາມລັດຖະກິດຢູ່ ສປ ຈີນ ເມື່ອທ້າຍເດືອນເມສາ 2019 ທີ່ຜ່ານມາ ກໍໄດ້ຈັດຕັ້ງງານວາງສະແດງການທ່ອງທ່ຽວ ແລະ ສະແດງສິລະປະວັດທະນະທໍາລາວ ທີ່ແຂວງຟູຈ້ຽນ; ໄດ້ເຄື່ອນໄຫວຮ່ວມກອງປະຊຸມເວທີປຶກສາຫາລືຫົວຂໍ້“ຄວາມສີວິໄລແຫ່ງອາຊີ” ແລະ ງານວາງສະແດງການທ່ອງທ່ຽວແຫ່ງອາຊີ ໃນລະຫວ່າງວັນທີ 14-18 ພຶດສະພາ 2019 ທີ່ນະຄອນຫລວງປັກກິ່ງ. ໃນໄລຍະດຽວກັນນີ້, ຝ່າຍຈີນຍັງໄດ້ຕ້ອນຮັບຄະນະສິລະປະລາວຈໍານວນ 30 ສະຫາຍ ຮ່ວມພິທີເດີ່ນຂະບວນພາເລດຮ່ວມກັບບັນດາປະເທດຕ່າງໆໃນພາກພືີ້ນອາຊີ ຢ່າງຟົດຟືີ້ນ; ເປີດຖ້ຽວບິນຮອບປະຖົມມະເລິກ ວຽງຈັນ-ຫາງໂຈ່ວ-ວຽງຈັນ ໃນລະຫວ່າງວັນທີ 30 ສິງຫາ – ທີ 1 ກັນຍາ 2019 ທີ່ແຂວງເຈີີ້ຈຽງ ສປ ຈີນ. ຄຽງຄູ່ກັບການຈັດຕັ້ງປະຕິບັດກິດຈະກໍາທີ່ກ່າວມາຂ້າງເທິງນັ້ນ ສປ ຈີນ ກໍໄດ້ໃຫ້ໂອກາດຄະນະຜູ້ແທນລາວເຂົ້າຮ່ວມຫລາຍໆກິດຈະກໍາປິ່ນອ້ອມວຽກງານການທ່ອງທ່ຽວເຊັ່ນ: ງານວາງສະແດງອຸດສາຫະກໍາການທ່ອງທ່ຽວສາກົນ ທີ່ແຂວງກວາງຕຸ້ງ, ງານວາງສະແດງອາຊຽນ-ຈີນ ທີ່ກຸຍຫລີນ, ງານວາງສະແດງທ່ອງທ່ຽວສາກົນ ທີ່ຄຸນໝິງ, ກອງປະຊຸມແລກປ່ຽນດ້ານວິຊາການ, ຊຸດຝຶກອົບ ຮົມຍົກລະດັບຄວາມອາດສາມາດໃຫ້ແກ່ບຸກຄະລາກອນລາວ, ກອງປະຊຸມເວທີປຶກສາຫາລືລະດັບວິຊາການ ແລະ ເທດສະການດ້ານວັດທະນະທໍາຕ່າງໆ ທີ່ ສປ ຈີນ ໄດ້ເປັນເຈົ້າພາບ.
ການເປີດປີທ່ອງທ່ຽວດັ່ງກ່າວສະແດງໃຫ້ເຫັນໂດຍຜ່ານສະຖິຕິນັກທ່ອງທ່ຽວຈີນທີ່ເຂົ້າມາທ່ຽວລາວຈາກ 199.857 ຄົນ ໃນປີ 2012 ເປັນ 799.929 ຄົນ ໃນປີ 2018 ນັບມື້ເພີ່ມຂຶ້ນຕໍໍ່ເນື່ອງ, ປີ 2019 ຕາມສະຖິຕິທາງການຈໍານວນ 9 ເດືອນຕົ້ນປີມີນັກທ່ອງທ່ຽວຈີນທີ່ເຂົ້າມາທ່ອງທ່ຽວລາວຫລາຍກວ່າ 756.952 ເທື່ອຄົນ ແລະ ມີຄວາມຫວັງຄາດຄະເນໃນໄລຍະ 3 ເດືອນສຸດທ້າຍ ຂອງໄຕມາດປີນີີ້ ຈະບັນລຸເຖິງ 1 ລ້ານເທື່ອຄົນ. ຄຽງຄູ່ກັນນັ້ນ ນັກທ່ອງທ່ຽວລາວຈໍານວນບໍໍ່ໜ້ອຍກໍພາກັນໄປທ່ຽວຈີນເຊັ່ນດຽວກັນ, ຈາກນັ້ນ ກໍໄດ້ມີການຊົມວີດີໂອໂຄສະນາການທ່ອງທ່ຽວລາວ ແລະ ການສະແດງສິລະປະ ຈາກຄະນະສິລະປະຂອງ ສປປ ລາວ ອີກດ້ວຍ.
