ກຳມະການຕັດສິນຜິດພາດ ! ກະຕໍ້ ລາວ-ມຽນມາ ປະທ້ວງເກມຢຸດຍາວ
ຕາມການລາຍງານ ຂອງເພສ “ເກາະຕິດ Sea Games 30” ລາຍງານ ຈາກປະເທດຟີລິບປິນ ໃນ ຕອນເຊົ້າຂອງວັນທີ 4 ທັນວາ 2019: ເກີດສະຖານະການ ວຸ້ນວາຍພໍສົມຄວນໃນສະ ໜາມກະຕໍ້ຊີເກມ ໃນເກມ ລາວ ພົບ ມຽນມາ ປະເພດ ທີມຄູ່ຊາຍ ຍ້ອນກຳມະການ ຜິດພາດຕັດສິນໄປໆມາໆ ເຮັດໃຫ້ມີການປະທ້ວງເກີດ ຂຶ້ນ, ໃນເບື້ອງຕົ້ນໃຫ້ ມຽນ ມາ ນຳ 3-2 ແຕ່ແຂ່ງໄປ 3 ລູກແລ້ວພັດກັບມາປ່ຽນໃຫ້ ມຽນມາ ນຳເປັນ 4-1 ທ່າມ ກາງຄວາມງຸນງົງຂອງຄະ ນະນັກກິລາລາວ ແລະ ຜູ້ຊົມ ທັງສະໜາມ.
ເບື້ອງຕົ້ນທີມລາວເຂົ້າ ປະທ້ວງ ແຕ່ກຳມະການບໍ່ ຍອມປ່ຽນການຕັດສິນ, ຂະ ນະທີ່ ທີມລາວກໍຈະບໍ່ຍອມ ແຂ່ງຕໍ່ ຈົນເກມຢຸດໄປເກືອບ ເຄິ່ງຊົ່ວໂມງ ກຳມະການເຫັນ ວ່າລາວເຮົາຖືກຕ້ອງ ມາ ປ່ຽນຄຳຕັດສິນໃຫ້ ລາວ ໄດ້ ຄະແນນ ຝ່າຍມຽນມາກໍຈະ ບໍ່ຍອມເຕະອີກ. ໄກ່ເກ່ຍກັນດຸ ເດືອດ ຄະນະນຳລົງໄປຊ່ວຍ ປະທ້ວງ ຈົນສຸດທ້າຍລົງເອີ່ຍ ກັນ ດ້ວຍຄະແນນເປັນຂອງ ລາວ.
ຕາມແຫລ່ງຂ່າວບອກ ວ່າ: ກຳມະການຊຸດນີ້ເປັນຊຸດ ຝຶກມາໃໝ່ ຜ່ານມາຫລາຍ ເກມກໍຜິດພາດຕະຫລອດ ເຊິ່ງ ຜົນຄູ່ດັ່ງກ່າວ ທີມຊາດລາວ ເສຍໃຫ້ ມຽນມາ 1-2.
