ເລີ່ມວາງຂາງຂົວ ໂຄງການທາງລົດໄຟລາວ-ຈີນ

    ພິທີເລີ່ມການວາງຂາງຂົວຈຸດທຳອິດເຂດພາກເໜືອຂອງໂຄງການກໍ່ສ້າງເສັ້ນທາງລົດໄຟລາວ-ຈີນ ໄດ້ຈັດຂຶ້ນໃນວັນທີ 26 ພະຈິກ ຜ່ານມານີ້ ຢູ່ຈຸດບ້ານ ນາເຕີຍ ແຂວງ ຫຼວງນໍ້າທາ, ໂດຍມີທ່ານ ບູນຍີ່ ແກ້ວຄູນເມືອງ ຮອງເຈົ້າແຂວງ  ຫຼວງນ້ຳທາ, ທ່ານ ຫວູ໋ຫຼິງ ຫົວໜ້າຜູ້ຊີ້ນຳລວມໂຄງການດັ່ງກ່າວ ພ້ອມທັງອໍານາດການປົກຄອງທ້ອງຖິ່ນ ເຂົ້າຮ່ວມ.

     ສໍາລັບສະໜາມຫຼໍ່ຂາງຂົວນາເຕີຍ ຂອງໂຄງການທາງລົດໄຟລາວ-ຈີນ ແມ່ນ ບໍລິສັດກໍ່ສ້າງທາງລົດໄຟເລກ 5 ສປ ຈີນ ຮັບຜິດຊອບຜະລິດຫຼໍ່ຂາງຂົວແຕ່ບໍ່ເຕນຫານະຄອນຫວງວຽງຈັນຊ່ວງສັນຍາI, ຈໍານວນ 309.5 ຄູ່ ແລະ ຈະເຊື່ອມຈອດຂາງຂົວທັງໝົດໃຫ້ສໍເລັດໃນປີ 2020 ເລີ່ມແຕ່ຈຸດ DK3+425 ຫາ D3K41+000 ມີຄວາມຍາວທັງໝົດ 37,575 km, ລວມມີຂົວທັງໝົດ 27 ແຫ່ງ.ການວາງຂາງຂົວ ແມ່ນນໍາໃຊ້ກົນຈັກ ຍົກໄດ້180 ໂຕນ ເພື່ອຍົກ, ເຄື່ອນຍ້າຍ ແລະ ຕິດຕັ້ງຂາງຂົວ, ພ້ອມທັງນໍາໃຊ້ລົດ ເພື່ອຂົນສົ່ງຂາງຂົວ ຂະໜາດLPLC200TK,TLQ100-102 ແລະ ວິທີການກໍໍ່ສ້າງແມ່ນ ນໍາໃຊ້ໂຄງເຫຼັກກົນຈັກສໍາຫລັບວາງຂາງຂົວ JQT180, ເລີ່ມວາງມາເບື້ອງ ບໍໍ່ເຕນກ່ອນ ລວມມີຂົວ 7 ແຫ່ງ ຈະໄດ້ນໍາໃຊ້ ຂາງຂົວ 102.5 ຄູ່, ເຊິ່ງໄດ້ຜ່ານຊັັ້ນພື້ນທາງລົດໄຟ 8 ຈຸດ ແລະ 2 ອຸໂມງ, ສ່ວນການວາງຂາງຂົວລົງໄປທາງເມືອງນາໝໍ້ ລວມມີຂົວ 20 ແຫ່ງ ຈະໄດ້ນໍາໃຊ້ ຂາງຂົວ 207 ຄູ່, ເຊິ່ງໄດ້ຜ່ານຊັັ້ນພື້ນທາງລົດໄຟ 26 ຈຸດ ແລະ 6 ອຸໂມງ.