ແຊບ, ສົດ, ສະອາດ ຕ້ອງໄປທີ່ ຮ້ານ ສີສະມຸດ ຈຸ່ມຈີ້ມ

ເມື່ອເວົ້າເຖິງຮ້ານອາຫານແລ້ວກໍມີຢ່າງຫຼວງຫຼາຍ, ແຕ່ປະເພດຊີ້ນຈຸ່ມ-ດາດ ແມ່ນຈະແຕກຕ່າງຈາກຮ້ານອື່ນຄື ເມື່ອລູກຄ້າສັ່ງໜຶ່ງ set ຈະໄດ້ຮັບຊີ້ນ 3 ປະເພດເຊັ່ນ: ຊີ້ນງົວ, ໝູສາມຊັ້ນ  ແລະ ນົມ ພ້ອມດ້ວຍຜັກ, ສະອາດ ປອດໄພ ສະຖານທີ່ກວ້າງຂວາງ,  ບັນຍາກາດປອດໂປ່ງດີເຊິ່ງມີທັງໝົດ 5 ຊັ້ນ.

ດັ່ງ: ທ່ານນາງ ບົວໄຂ ເພຍເທບ ເຈົ້າຂອງຮ້ານ ສີສະມຸດ ຈຸ່ມຈີ້ມ ໃຫ້ຮູ້ວ່າ: ຮ້ານພວກເຮົາເປັນຮ້ານ ທີ່ມີຊື່ສຽງໂດ່ງດັງ ແລະ ເປັນທີ່ຮູ້ຈັກກັນດີຂອງຊາວ ນະຄອນຫລວງວຽງຈັນ ແລະ ແຂກຈາກປະເທດເພື່ອນ ບ້ານ. ເພາະຈຸດເດັ່ນຂອງຮ້ານແມ່ນມີລົດຊາດແຊບຊ້ອຍ ແລະ ຖືກປາກຄົນບ້ານເຮົາ.

ເມື່ອເວົ້າເຖິງປາບຶກແລ້ວ ແຂກຫວຽດນາມຈະຮູ້ຈັກ ກັນດີ ເພາະຢູ່ລາວເຮົາມີແຕ່ຮ້ານ ສີສະມຸດ ຈຸ່ມຈີ້ມ ແຫ່ງດຽວເທົ່ານັ້ນ ຊຶ່ງຈະເປັນເມນູປາ: ຈຸ່ມປາ-ດາດປາ ມີທັງຊຸດນ້ອຍ ແລະ ໃຫຍ່; ຕົ້ມສົ້ມຫົວປາ, ເຄື່ອງໄນປາ. ນອກນີ້ຍັງມີຊີ້ນດາດເຊັ່ນ: ຊີ້ນງົວ, ໝູ ແລະ ອາຫານທະເລຊະນິດດີ, ພ້ອມນັ້ນຍັງມີເມນູແບບດັ້ງເດີມຂອງອາຫານລາວ ເປັນຕົ້ນແມ່ນຕົ້ມສົ້ມຫົວປາຊຶ່ງຈະມີກິ່ນຫອມສະໝູນໄພທີ່ເປັນເອກະລັກສະເພາະຂອງຮ້ານ ພ້ອມນັ້ນກໍມີເມນູສຸກີ່ແບບດັ້ງເດີມມີກິ່ນຫອມ ແລະ ລົດຊາດຈະນົວ.

ນອກຈາກນີ້, ລູກຄ້າທີ່ເຂົ້າໃຊ້ບໍລິການຍັງສາມາດເລືອກກິນອາຫານໄດ້ທຸກປະເພດ ແລະ ເລືອກຫ້ອງໄດ້ແບບສະບາຍ, ມີຫລາຍຊັ້ນໃຫ້ເລືອກນັ່ງແຕ່ ຊັ້ນ1 ເຖິງຊັ້ນ 5 ແລະ ພິເສດສະເພາະຊັ້ນ 3-4 ຈະເປັນຫ້ອງ VIP ມີຄາຣາໂອເກະໃຫ້ພ້ອມ, ຈະໄປແບບເປັນກຸ່ມ ຫລື ຄອບຄົວກໍໄດ້ ແລະ ຊັ້ນ 5 ຈະເປັນດາດຟ້າເປັນຊັ້ນຊີ້ນດາດ ຊຶ່ງຊັ້ນນີ້ແຂກຈະໄດ້ກິນອາຫານປະສານກັບຄວາມບັນເທີງ ດ້ວຍສຽງເພງເບົາໆໄປກັບການຊົມວິວຂອງຕົວເມືອງຫຼວງວຽງຈັນຢ່າງມີບັນຍາກາດອີກດ້ວຍ, ໂດຍສະເພາະ ໃນຍາມອາກາດໜາວແບບນີ້ຍິ່ງເໝາະສົມ, ພ້ອມຍັງ ມີບັດສ່ວນຫລຸດ, ສຳລັບແຂກທີ່ຕ້ອງການຈັດງານວັນເກີດ, ງານລ້ຽງສັງສັນຕ່າງໆກໍສາມາດໂທສັ່ງຈອງກ່ອນເພິ່ນຈະແຖມເຄັກແຊບໆ, ສີສັນສວຍງາມໃຫ້ອີກດ້ວຍ.

ສີສະມຸດ ຈຸ່ມຈີ້ມ ເປັນຮ້ານອາຫານເກົ່າແກ່ທີ່ສືບ ທອດມາຈາກແມ່ທີ່ມີອາຊີບຂາຍປາມາແຕ່ປີ 1998  ແລະ ເປັນທຸລະກິດຮ້ານອາຫານແບບຄອບຄົວ, ເພື່ອຕອບໂຈດຄວາມຕ້ອງການຂອງລູກຄ້າ ໂດຍເອົາຊື່ແມ່ມາເປັນຊື່ຮ້ານ. ຕະຫລອດການເປີດບໍລິການມາໄດ້ 20 ກວ່າປີ, ທັງລູກຄ້າເກົ່າ ແລະ ໃໝ່ກໍມາໃຊ້ບໍລິການເປັນປົກກະຕິສ່ວນຫລາຍ ລູກຄ້າຈະຮູ້ຕໍ່ໆກັນຍ້ອນຕິດອົກຕິດໃຈເລື່ອງອາຫານ, ລາຄາທີ່ບໍ່ແພງເກີນໄປ, ເປັນຮ້ານບໍລິການດີ, ເຈົ້າຂອງ ຮ້ານ ແລະ ພະນັກງາມມີມາລະຍາດ, ບໍລິການວ່ອງໄວ ພ້ອມນັ້ນ ເພິ່ນຍັງອຳນວຍຄວາມສະດວກຄືນເງິນ ສ່ວນຫຼຸດໃຫ້ລູກຄ້າທີ່ຝາກລົດໃຫຍ່ໂດຍ ນໍາເອົາປີ້ໄປ ຍື່ນເອົາເງິນຄືນໄດ້ 50%, ສ່ວນລົດຈັກບໍ່ໄດ້ເສຍຄ່າໃດໆ.