U19 ທີມຊາດລາວ ຊະນະ ມາເກົ້າ ຜ່ານສູ່ຮອບສຸດທ້າຍຊີງແຊ້ມອາຊີ 2020
ໃນວັນທີ 10 ພະຈິກນີ້ ຂຸນພົນນັກກິລາບານເຕະຊາຍ ທີມຊາດລາວ ຮຸ່ນອາຍຸບໍ່ເກີນ 19 ປີ ໄດ້ສ້າງຄວາມພູມໃຈ ໃຫ້ປະຊາຊົນລາວທົ່ວປະເທດ ແລະ ທົ່ວທຸກມຸມໂລກ ເມື່ອສາ ມາດຜ່ານການຄັດເລືອກຊີງ ແຊ້ມອາຊີ 2020 ຫລັງຈາກ ນັດສຸດທ້າຍຂອງກຸ່ມ H ເອົາ ຊະນະ ມາເກົ້າ ຕາມເປົ້າໝາຍ 6-0 ມີ 7 ຄະແນນຈາກ 3 ນັດ ມີປະຕູໄດ້ເສຍ +7 ບໍ່ຕ້ອງ ໄປລຸ້ນຜົນອີກຄູ່ໜຶ່ງໃນກຸ່ມ ດຽວກັນ. U19 ລາວ ເຂົ້າ ຮອບໄດ້ໃນຖານະອັນດັບ 1 ຫລື ອັນດັບ 2 ຂອງກຸ່ມນີ້, ຖ້າ ອົດສະຕຣາລີ ຊະນະ ໄຕ້ຫວັນ ດ້ວຍຜົນປະຕູຫລາຍກວ່າ 2 ໜ່ວຍ, ອົດສະຕຣາລີ ຈະໄດ້ ເປັນທີໜຶ່ງຂອງກຸ່ມນີ້ ເພື່ອເຂົ້າ ສູ່ຮອບສຸດທ້າຍຕໍ່ໄປ.
ເມື່ອຕັ້ງຄຳຖາມວ່າ: ດ້ວຍເຫດໃດ ທີມຊາດລາວ ເມື່ອເປັນທີສອງຂອງກຸ່ມນີ້ຈຶ່ງ ສາມາດເຂົ້າຮອບສຸດທ້າຍ ? ຄຳຕອບຄື: ເພາະວ່າຜົນຂອງ ກຸ່ມອື່ນເປັນໃຈ ເຮັດໃຫ້ U19 ທີມຊາດລາວ ຕິດອັນດັບ ສອງດີສຸດ 1 ໃນ 5 ກຸ່ມແນ່ ນອນ ບວກກັບການສ້າງຜົນ ງານທີ່ດີຂອງທີມຊາດລາວ ຊຸດນີ້.
ນີ້ເປັນປະຫວັດສາດໜ້າ ໃໝ່ຂອງ U19 ປະເພດຊາຍ ທີມຊາດລາວ ທີ່ສາມາດຜ່ານ ການຄັດເລືອກເຂົ້າສູ່ຮອບສຸດ ທ້າຍ ເພາະຜ່ານມານັບແຕ່ມີ ການຄັດເລືອກ U19 ທີມ ຊາດລາວ ບໍ່ເຄີຍຜ່ານການ ຄັດເລືອກຈັກເທື່ອ, ສ່ວນການ ເຂົ້າຮ່ວມຮອບສຸດທ້າຍ 4 ຄັ້ງ ຜ່ານມາ ໃນປີ 1969, 1970, 1972 ແລະ 1974 ແມ່ນບໍ່ມີການຄັດເລືອກ ໂດຍ ຜົນງານດີສຸດເຂົ້າຮອບ 8 ທີມ ສຸດທ້າຍໃນປີ 1970 ເສຍໃຫ້ ອິນໂດເນເຊຍ 1-3.
ສຳລັບຮອບສຸດທ້າຍ ປະ ເທດອຸດສະເບກິດສະຖານ ໄດ້ ຮັບກຽດເປັນເຈົ້າພາບ ຈະ ແຂ່ງຂັນໃນລະຫວ່າງວັນທີ 14-31 ຕຸລາ 2020 ມີ 16 ທີມຜ່ານການຄັດເລືອກເຂົ້າ ຮ່ວມ, ທີມທີ່ຕິດ 1 ໃນ 4 ໄດ້ ສິດເປັນຕົວແທນທະວີບອາຊີ ໄປຮ່ວມແຂ່ງຂັນ U20 ຊີງ ແຊ້ມໂລກ ປີ 2021 ທີ່ປະ ເທດອິນໂດເນເຊຍ. n�@��o
