ຊາຣີ ຊີ້ແຈງສາເຫດ ໂຣນັລໂດ້ ບໍ່ພໍໃຈ ຫລັງຖືກປ່ຽນອອກ
ຢູເວນຕຸສ ກາລັນຕີການ ເຂົ້າຮອບໃນເສິກຢູຟາ ແຊມ ປ້ຽນລີກ ໄປແລ້ວ ຫລັງຈາກ ບຸກໄປຊະນະ ໂລໂຄໂມທີບ ມອສໂກ ໂດຍໄດ້ປະຕູໄຊໃນ ຊ່ວງທົດເວລາບາດເຈັບ.
ການແຂ່ງຂັນ ຢູຟາ ແຊມປ້ຽນລີກ ເກມກຸ່ມ ດີ ນັດ ທີ 4 ຢູເວນຕຸສ ບຸກໄປຊະນະ ໂລໂຕໂມທີບ ມອສໂກ 2-1 ຜ່ານເຂົ້າຮອບນ໊ອກເອົາ ພ້ອມ ແຊງຂຶ້ນເປັນຜູ້ນຳຕາຕະລາງ ຂອງກຸ່ມມີ 10 ຄະແນນຈາກ 4 ນັດ ໂດຍໃນເກມນີ້ ຄຣິສ ເຕຍໂນ ໂຣນັລໂດ້ ດາວຍິງ ຊາວປັອກຕຸຍການ ຖືກປ່ຽນ ຕົວອອກນາທີ 81 ແລະ ເມົາ ຣິຊິໂອ ຊາຣີ ຜູ້ຈັດການທີມ ຊາວອິຕາລີ ສົ່ງ ເປົາໂລ ດິບາ ລ່າ ລົງສະໜາມແທນ ເຊິ່ງ ນັກເຕະທີມຊາດປັອກຕຸຍ ການ ສະແດງຄວາມບໍ່ພໍໃຈ ຈະແຈ້ງທີ່ຖືກປ່ຽນອອກຄັ້ງ ທຳອິດ ນັບແຕ່ ຊາຣີ ເຂົ້າມາ ຄຸມທີມ.
ຫລ້າສຸດ ຊາຣີ ຊີ້ແຈງ ຫລັງຈາກຈົບເກມວ່າ: ຄຣິສ ເຕຍໂນ ໂຣນັລໂດ້ ຫວຸດຫງິດ ກັບຮ່າງກາຍຂອງຕົນເອງ ບໍ່ ແມ່ນການຖືກປ່ຽນຕົວອອກ ເພາະຫລາຍມື້ຜ່ານມາ ຮູ້ສຶກ ເຄັ່ງບໍລິເວນຂໍ້ຕີນ ຈຶ່ງເຮັດໃຫ້ ເລີ່ມເຈັບກ້າມຊີ້ນ. ດັ່ງນັ້ນ ການທີ່ປ່ຽນຕົວ ຄຣິສເຕຍໂນ ໂຣນັລໂດ້ ອອກກ່ອນເກມຈົບ ເພາະຢ້ານມີອາການບາດ ເຈັບທີ່ໜັກກວ່ານີ້ ແລະ ຈະສົ່ງ ຜົນເສຍຫາຍຕໍ່ທີມຫລາຍ ກວ່າເກົ່າ.
