ເກີດເຫດໄຟໄໝ້ ຫໍຜາສາດຊູຣິ ມໍລະດົກໂລກ ເກາະໂອກິນາວາ ປະເທດຍີ່ປຸ່ນ

ເມື່ອເວລາ 2:40 ນາທີ ຂອງວັນທີ 31 ຕຸລານີ້ ມີລາຍງານວ່າໄດ້ເກີດມີໄຟໄໝ້ “ຜາສາດຊູຣິ” ອັນເປັນມໍລະດົກໂລກທີ່ຮັບຮອງຈາກອົງການສຶກສາວິທະຍາສາດ ແລະ ວັດທະນະທຳ (ອຸຍເນັສໂກ) ມີອາຍຸເກົ່າແກ່ 600 ກວ່າປີ ເຊິ່ງຕັ້ງຢູ່ເກາະ ໂອກິນາວາ ປະເທດຍີ່ປຸ່ນ.

ຈຸດທີ່ໄຟໄໝ້ ແລະ ໄດ້ຮັບຄວາມເສຍຫາຍແມ່ນ ຫໍໄຊເດັນ ເປັນຫໍທີ່ມີຄວາມສຳຄັນທີ່ສຸດ ແລະ ໃຫຍ່ທີ່ສຸດໃນຈຳນວນ 5 ຫໍ.

ຈາກການລາຍງານໃຮູ້ວ່າ: ເຈົ້າໜ້າທີ່ດັບເພີງໄດ້ທຳການລະດົມກຳລັງໃນການມອດໄຟດັ່ງກ່າວໃຫ້ເຖິງທີ່ສຸດ ໂດຍໃຊ້ເວລາຫຼາຍກວ່າ 2 ຊົ່ວໂມງ ຈາກເຫດດັ່ງກ່າວເຮັດໃຫ້ຫໍໄຊເດັນໄດ້ຮັບຄວາມເສຍຫາຍທັງໝົດຫໍ ແລະ ຫໍໂຮກຸເດັນ ຢູ່ທາງທິດເໜືອກໍໄດ້ຮັບຄວາມເສຍຫາຍດ້ວຍ.

ສ່ວນສາເຫດຍັງຢູ່ໃນລະຫວ່າງການສອບສວນ ແຕ່ມີບາງຂລ້ສັນນິຖານໄດ້ວ່າ ອາດກ່ຽວຂ້ອງກັບເຊັນເຊີທີ່ຕອບປະຕິກິລິຍາກັບຄວາມຮ້ອນ.

ທີ່ມາ: https://www.silpa-mag.com/news/article_41003