ຖືພາ ລູກຜູ້ທີ່ 22

ຮຽບຮຽງໂດຍ: ລູກເມືອງພວນ

Sue Radford ອາຍຸ 44 ປີ, ຜົວ ອາຍຸ 48 ປີ ຜົວເມຍຄູ່ນີ້ມີລູກຫຼາຍທີ່ສຸດໃນ ອັງກິດ. ພວກເຂົາພ້ອມດ້ວຍລູກໆ 21 ຄົນດີໃຈທີ່ຈະໄດ້ຕ້ອນຮັບສະມາຊິກໃໝ່ ໃນຄອບຄົວ ຜູ້ທີ່ 22 ຊຶ່ງຈະກຳເນີດໃນເດືອນ ເມສາ 2020 ທີ່ຈະມາເຖິງ.

ຄອບຄົວຄູ່ຜົວເມຍດັ່ງກ່າວ ປັດຈຸບັນດຳລົງຊີວິດຢູ່ Morecambe, Lancs. ລູກຜູ້ນ້ອຍສຸດແມ່ນ Bonnie Raye ເກີດເມື່ອເດືອນ ພະຈິກ ປີ 2018.

Bonnie Raye ມີເອື້ອຍ-ອ້າຍຄີງຄື: Chris ອາຍຸ 30 ປີ , Sophie  25 ປີ, Chloe  23 ປີ, Jack  22 ປີ, Daniel  20 ປີ, Luke  18 ປີ, Millie  17 ປີ, Katie  16 ປີ, James  15 ປີ, Ellie  14 ປີ, Aimee  13 ປີ, Josh 12 ປີ, Max 11 ປີ, Tillie 9 ປີ, Oscar 7 ປີ, Casper 6 ປີ, Hallie 3 ປີ, Phoebe 2 ປີ ແລະ Archie 18 ເດືອນ. Alfie ລູຜູ້ທີ່ 17 ເສຍຊີວິດພາຍຫຼັງຄອດອອກມາ ໃນວັນທີ 6/7/2014.

ເຖິງແມ່ນພວກເຂົາຈະມີລູກຫຼາຍກໍຕາມ ແຕ່ພວກເຂົາກໍບໍ່ໄດ້ຮັບເອົາການຊ່ວຍເຫຼືອໃດໆ, ພວກເຂົາອາໄສລາຍໄດ້ຈາກການຂາຍເຂົ້າໜົມເພື່ອລ້ຽງຊີບ ແລະ ພວກເຂົາໄດ້ຊື້ເຮືອນຫຼັງໜຶ່ງມີ 10 ຫ້ອງນອນ.

ແຕ່ລະມື ຄອບຄົວຂອງພວກເຂົາຕ້ອງໃຊ້ນໍ້ານົມ 10 ລິດ, ນໍ້າໝາກໄມ້ເພື່ອກິນເຂົ້າເຊົ້າ. ເນື່ອງໃນໂອກາດປີໃໝ່ ປີກາຍນີ້ ຂ້າໄກ່ 3 ໂຕ, ມັນຝຣັ່ງ 3,5 ກລ ເຂົ້າຈີ່ 56 ກ້ອນ. ແຕ່ລະອາທິດພວກເຂົາຕ້ອງເສຍເວລາທຳຄວາມສະອາດ 14-21 ຊົ່ວໂມງ, ຕ້ອງຊັກເຄື່ອງນຸ່ງ 3 ຄັ້ງຕໍ່ວັນ.

Sue ໃຫ້ຮູ້ວ່າ: ສິ່ງທ້າທາຍໃຫ່ຍທີ່ສຸດຂອງເຂົາແມ່ນການດູແລລູກໆຜູ້ທີ່ຍັງນ້ອຍ. ເຂົາເວົ້າວ່າ: “ຕ້ອງດູແລລູກໆ ໃຫ້ທົ່ວເຖິງ ກໍເປັນແຕ່ບຸນ ທີ່ລູກຜູ້ໃຫ່ຍມີຄວາມອົດທົນ ເພື່ອດູແລນ້ອງໆ”

ປັດຈຸບັນ Chris ແລະ Sophie ໄດ້ອອກຈາກຄອບຄົວໄປຢູ່ຕ່າງຫາກ. ນອກຈາກພໍ່ແມ່ ແລະ ລູກອີກ 22 ຄົນແລ້ວ Noel ແລະ Sue ໄດ້ກາຍເປັນພໍ່ຕູ້ ແມ່ຕູ້ອີກ ເພາະ Sophie ໄດ້ເກີດລູກອີກ 3 ຄົນ.