ກະຊວງແຮງງານຈັດກິດຈະກຳປູກໄມ້ເພື່ອຕ້ອນຮັບວັນປູກໄມ້ແຫ່ງຊາດ

ໃນວັນທີ 27 ພຶດສະພານີ້, ກະຊວງແຮງງານ ແລະ ສະຫວັດດີການສັງຄົມ ໄດ້ຈັດກິດຈະກຳປູກໄມ້ໃຫ້ຮົ່ມ ແລະ ໄມ້ໃຫ້ໝາກ ຫລາຍກວ່າ 100 ຕົ້ນຂຶ້ນທີ່ກະຊວງຂອງຕົນຫລັງໃໝ່, ຢູ່ບ້ານ ດົງໝາກຄາຍ, ເມືອງໄຊທານີນະຄອນຫລວງວຽງຈັນ ໂດຍມີ ທ່ານລັດຖະມົນຕີ, ຮອງລັດຖະມົນຕີ, ວິຊາການ ແລະ ພະນັກງານລັດຖະກອນກະຊວງດັ່ງກ່າວເຂົ້າຮ່ວມເປັນຈຳນວນຫລາຍ.

ທ່ານລັດຖະມົນຕີຄຳແພງ ໄຊສົມແພງ ກ່າວວ່າ: ດັ່ງທີ່ຮູ້ ນຳກັນແລ້ວວ່າ ປ່າໄມ້ມີຄຸນຄ່າ ແລະ ເປັນເອກະລັກທາງດ້ານ ນິເວດ, ເຊິ່ງບໍ່ພຽງແຕ່ສຳຄັນດ້ານເສດຖະກິດເທົ່ານັ້ນ, ແຕ່ຍັງເປັນແຫລ່ງສະໜອງສະບຽງອາຫານ ແລະ ປົກປັກຮັກສາ ສິ່ງແວດລ້ອມ, ທັງເປັນຖິ່ນອາໄສຂອງຊີວະນາໆພັນ ແລະ ເຮັດໜ້າທີ່ປ້ອງກັນດິນ, ແຫລ່ງນ້ຳ ແລະ ຊັບພະຍາກອນນ້ຳໃຫ້ອຸ ດົມສົມບູນ ແລະ ເປັນການປະກອບສ່ວນເຂົ້າໃນການພັດ ທະ ນາເສດຖະກິດ-ສັງຄົມຂອງຊາດໃຫ້ເຕີບໃຫຍ່ຂະຫຍາຍ ຕົວອີກດ້ວຍ.