ນາງສາວຢາກແຕ່ງງານກັບເຮືອບິນ ໂບອິ້ງ
ຮຽບຮຽງໂດຍ: ລູກເມືອງພວນ
Michele Kobke ຊາວ ເຢຍລະມັນ, ອາຍຸ 30 ປີ ປະກາດວ່າຕົນເອງຫຼົງຮັກມັກ ກັບເຮືອບິນ ໂບອິ້ງ 737-800 ຕະຫຼອດ 5 ປີທີ່ຜ່ານມາ ແລະ ປາຖະໜາຢາກແຕ່ງງານກັບຊາຍ ໂບອິ້ງ ຄົນນີ້.
Kobke ດຳລົງຊີວິດຢູ່ ນະຄອນຫຼວງ ເບີລິນ ເຢຍລະມັນ, ພາຍຫຼັງທີ່ເຂົາໄດ້ຂີ່ເຮືອ ບິນເປັນຄັ້ງທຳອິດໃນຊີວິດໃນເດືອນພະຈິກ ປີ 2013, ກໍເກີດຄວາມຮັກມັກກັບເຮືອບິນ. ຫຼັງຈາກນັ້ນ 4 ເດືອນ ເຂົາກໍໄດ້ຂີ່ ໂບອິ້ງ 737-800 ເປັນຄັ້ງທຳອິດອີກໃນຊີວິດ ກໍເກີດມີຄວາມຮັກມັກກັບ ໂບອິ້ງລຳດັ່ງກ່າວ.
ນາງເວົ້າວ່າ: “ເມື່ອຂ້ອຍ ຈັບເບິ່ງ ປີກຂອງ ອ້າຍ ໂບອິ້ງ ໄດ້ເຮັດໃຫ້ຂ້ອຍເຫື່ອແຕກ ອອກ ແລະ ເກີດມີຄວາມ ສົນໃຈທັນທີ ”
ໃນສາຍຕາຂອງ Kobke ເຮືອບິນ ໂບອິ້ງ 737-800 ໄດ້ສ້າງຄວາມ ດຶງດູດໃຈເຂົາ. “ອ້າຍ ໂບອິ້ງ ຖືກສ້າງຂຶ້ນມາໃຫ້ງາມທີ່ສຸດເປັນເຮືອບິນທີ່ມີມົນສະເໜ່” – ນາງກ່າວ. Kobke ເອີ້ນເຮືອບິນລຳດັ່ງກ່າວວ່າ: “schatz” ມີຄວາມ ໝາຍວ່າ “ອ້າຍທີ່ຮັກ” ໃນພາສາເຢຍລະມັນ.
ນາງໃຫ້ຮູ້ວ່າ: ສາຍພົວພັນລະຫ່ວາງສອງຄົນເປັນ “ຄວາມຈິງ” ເຂົາມີຄວາມເພິ່ງປາຖະໜາຢາກແຕ່ງງານ ແລະ ຮ່ວມຊີວິດຄູ່ກັບ “ອ້າຍທີ່ຮັກ” ລຳດັ່ງກ່າວ. ນາງ ໃຫ້ຮູ້ຕື່ມອີກວ່າ: ຄວາມຮັກຂອງເຂົາກໍຄືກັບຄວາມຮັກຄູ່ ອື່ນໆ, ເຂົາຮ່ວມຊີວິດນຳກັນແຕ່ລະຄືນ. ເຖິງແມ່ນວ່າ ນາງ ຈະບໍ່ມີໂອກາດໄດ້ເຂົ້າໃກ້ກັບເຮືອບິນລຳດັ່ງກ່າວກໍຕາມແຕ່ເຂົາໄດ້ມີຮູບຈຳລອງຂອງເຮືອບິນລຳດັ່ງກ່າວໄວ້ຄອບຄອງເພື່ອກອດນອນ ແຕ່ລະຄືນ.
ນາງເວົ້າວ່າ: ການຮັກກັບເຮືອບິນກໍບໍ່ແມ່ນເລື່ອງ ງ່າຍຊໍ້າບໍ່ໜຳຍັງມີຄວາມຫຍຸ້ງຍາກອີກຕ່າງຫາກ.
ນາງບອກວ່າ: “ຂ້ອຍສາມາດຢູ່ໃກ້ກັບທີ່ຮັກຂອງຕົນໄດ້ໃນເວລາເຂົາບິນ ຫຼື ອາດຈະໄປຫາເຂົາຢູ່ທີ່ກາຣາ, ຄວາມຮັກນີ້ ແມ່ນຄວາມຮັກໜຶ່ງດຽວໃນຊີວິດຂອງຂ້ອຍ”. “ມັນແມ່ນຄວາມຮັກພິເສດຊຶ່ງບໍ່ສ້າງຄວາມລຳ ຄານໃຫ້ແກ່ໃຜ”
ຄວາມຮັກລະຫວ່າງ Kobke ກັບເຮືອບິນ ໄດ້ສັນຍານາມວ່າ: “objectophilia” ມີຄວາມໝາຍວ່າ: ທ່າອ່ຽງຄວາມຮັກ ຫຼື ເພດສຳພັນ ກັບສິ່ງວັດຖຸທີ່ບໍ່ມີຊີວິດ.
