ມອບ​ລາງວັນ ​ໂນ​ເບ​ວ ​ໃຫ້​ໂຄງການ​ລຶບລ້າງ​ຄວາມທຸກ​ຍາກ​​ໃນ​ທົ່ວ​ໂລກ

ຮຽບຮຽງໂດຍ: ລູກເມືອງພວນ

ແຫຼ່ງຂ່າວ VTC News ວັນທີ 14 ຕຸລານີ້ ໃຫ້ຮູ້ວ່າ: ນັກວິທະຍາສາດ 3 ຄົນ: Abhijit Banerjee, Esther Duflo ແລະ Mich ael Kremerໄດ້ຮັບລາງວັນ ໂນເບວ ສາຂາເສດຖະກິດ ໃນວັນທີ 14 ຕຸລານີ້ ໂດຍໂຄງການຄົ້ນຄວ້າການ ລຶບລ້າງຄວາມທຸກຍາກໃນທົ່ວໂລກ.

ສະຖາບັນວິທະຍາສາດແຫ່ງຊາດ ສະວິເດັນ ໃນວັນ ທີ 14 ຕຸລານີ້ໄດ້ປະກາດມອບລາງວັນ ໂນເບວ ເສດຖະກິດປີ 2019 ໃຫ້ນັກວິທະຍາສາດ 3 ຄົນຄື: Abhijit Banerjee, Esther Duflo ແລະ Michael Kremer ໂດຍມີຜົນງານໃນ ການຄົ້ນຄວ້າລຶບລ້າງຄວາມທຸກຍາກໃນທົ່ວໂລກ.

ໃນຈຳນວນນັ້ນ, ທ່ານ ນາງ Esther Duflo ສັນຊາດຝຣັ່ງ ເປັນສະຕີຜູ້ທີ່ ສອງໄດ້ຮັບລາງວັນໃນສາ ຂາດັ່ງກ່າວໃນຮອບ 50 ປີ ແລະ ກໍເປັນຜູ້ໜຸ່ມນ້ອຍທີ່ ສຸດທີ່ໄດ້ຮັບລາງວັນເສດ ຖະກິດ ໃນໄວອາຍຸ 47 ປີ. Esther Duflo ປັດຈຸບັນ ເຮັດວຽກຢູ່ທີ່ສະຖາບັນ ເທັກໂນໂລຢີ Massachusetts ສະຫະລັດອາ ເມລິກາ.

ທ່ານ Abhijit Banerje ເກີດປີ 1961 ທີ່ Mumbai ອິນເດຍ.

Banerje ເປັນເພື່ອນຮ່ວມງານຂອງ Duflo ທີ່ ສະຖາບັນເທັກໂນໂລຢີ Massachusetts ສະຫະລັດ.

ທ່ານ Michael Kremer ສັນຊາດສະຫະລັດເກີດປີ 1964 ເປັນສາດສະດາຈານສອນຢູ່ມະຫາວິທະຍາໄລ Harvard.

ຜົນການຄົ້ນຄວ້າໄດ້ ປະກອບສ່ວນທີ່ເປັນໜ້າ ເພິ່ງພໍໃນການຕ້ານຄວາມທຸກຍາກໃນທົ່ວໂລກ. ພຽງ ແຕ່ສອງທົດສະວັດເຮັດທົດສອບໂຄງການຄົ້ນຄວ້າ ຂອງພວກເຂົາໄດ້ເຮັດໃຫ້ ເສດຖະກິດມີການຂະຫຍາຍຕົວໄດ້ເປັນຢ່າງດີ.

ຂົງເຂດເສດຖະກິດເປັນຂົງເຂດສຸດທ້າຍທີ່ໄດ້ຮັບລາງວັນໂນເບວໃນແຕ່ລະປີ, ຫຼັງຈາກລາງວັນ ໂບເບວການແພດ,ວັດຖຸສາດ, ເຄມີສາດ, ວັນນະຄະດີ ແລະ ສັນຕິພາບ.