ຍ່າງເພື່ອສຸຂະພາບເນື່ອງໃນໂອກາດສະເຫລີມສະຫລອງວັນວິທະຍາສາດແຫ່ງຊາດ 12 ຕຸລາ
ເຊົ້າວັນທີ 14 ຕຸລານີ້, ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດກິດຈະກໍາຍ່າງເພື່ອສຸຂະພາບໄລຍະທາງ 5 ກິໂລແມັດ ແຕ່ປະຕູໄຊຫາທໍານຽບປະທານປະເທດແລ້ວກັບຄືນປະຕູໄຊ ເພື່ອສະເຫລີມສະຫລອງວັນວິທະຍາສາດແຫ່ງຊາດ 12 ຕຸລາ, ໂດຍມີທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງດັ່ງດ່າວ, ພ້ອມດ້ວຍມວນຊົນເຂົ້າຮ່ວມເປັນຈໍານວນຫລາຍ.
ໃນໂອກາດນີ້, ທ່ານລັດຖະມົນຕີກະຊວງດັ່ງກ່າວມີຄໍາເຫັນວ່າ: ວັນວິທະຍາສາດແຫ່ງຊາດ 12 ຕຸລາ, ເປັນວັນທີ່ມີຄວາມຫມາຍສຳຄັນທາງປະຫວັດສາດສຳຄັນຂອງຊາດເຮົາ ຄືວັນປະກາດເອກະລາດ 12
ຕຸລາ 1945
ຄົບຮອບ 74
ປີ. ສະນັ້ນ, ພັກ ແລະ ລັດຖະບານ ໄດ້ກຳນົດເອົາວັນທີ 12
ຕຸລາເປັນວັນວິທະຍາສາດແຫ່ງຊາດ
ແລະ ໄດ້ພ້ອມກັນຈັດງານສະເຫລີມສະຫລອງໃນທຸກປີ
ເພື່ອສ້າງຈິດສຳນຶກ
ແລະ
ຄວາມຮັບຮູ້ໃຫ້ປະຊາຊົນກ່ຽວກັບບົດບາດ ແລະ ຄວາມສຳຄັນຂອງວິທະຍາສາດຕໍ່ການພັດທະນາເສດຖະກິດ-ສັງຄົມແຫ່ງຊາດ
ແລະ ຍົກໃຫ້ເຫັນວ່າການຄົ້ນຄ້ວາ-ການພັດທະນາ ແລະ ການນຳໃຊ້ວິທະຍາສາດ ແລະ ເຕັກໂນໂລຊີ ເປັນປັດໄຈພື້ນຖານ,
ກຳລັງແຮງ ແລະ
ພາຫະ ນະຊຸກຍູ້ສົ່ງເສີມການພັດທະນາເສດຖະກິດ-ສັງຄົມ,
ນຳເອົາປະເທດເຮົາກ້າວສູ່ອຸດສາຫະກຳທັນສະໄຫມ
ແລະ ສ້າງບາດກ້າວໃໝ່ໃຫ້ແກ່ການສ້າງສາເສດຖະ
ກິດແຫ່ງພູມປັນຍາ.
ໃນໄລຍະຜ່ານມາ, ພັກ-ລັດຖະບານໄດ້ເອົາໃຈໃສ່ຕໍ່ການພັດທະນາວຽກງານວິທະຍາສາດ
ແລະ ເຕັກໂນໂລຊີ ຂອງປະເທດເຮົາ ເຊັ່ນ: ການສົ່ງເສີມສະຕິປັນຍາ, ຫົວຄິດປະດິດສ້າງ, ການຄົ້ນຄ້ວາ-ພັດທະນາ, ການຖ່າຍທອດເຕັກໂນໂລຊີ, ສ້າງເປັນນະວັດຕະກຳໃໝ່, ຊັບສິນທາງປັນຍາ, ມາດຕະຖານ ແລະ ວັດແທກໃນການດຶງດູດການລົງທຶນທັງພາຍໃນ
ແລະ ຕ່າງປະເທດ, ການສ້າງນິຕິກຳ ແລະ
ການພັດທະນາຊັບພະຍາກອນມະນຸດ, ການປົກປ້ອງຊັບສິນທາງປັນຍາ ແລະ
ການບໍລິການທາງດ້ານວິທະຍາສາດ ແລະ ເຕັກໂນໂລຊີ ທີ່ເປັນປັດໄຈໃຫ້ແກ່ການຫັນເປັນອຸດສາຫະກຳທັນສະໄໝເທື່ອລະກ້າວ.
