ເພີ່ມຄວາມໝັ້ນໃຈໃນມື້ສຳຄັນໂດຍປາສະຈາກກິ່ນປາກ
– ດື່ມນຳ້ບໍລິສຸດ ຫລື ນຳ້ຊາທີ່ບໍ່ມີສ່ວນປະສົມຂອງນົມ : ເພາະການນັ່ງຢູ່ລ້າໆ, ບໍ່ປາກບໍ່ເວົ້າເປັນເວລາດົນ ອາດເຮັດໃຫ້ນຳ້ລາຍບູດໄດ້ ສະນັ້ນການກືນນຳ້ລາຍຫລາຍໆ ຫລື ດື່ມນຳ້ຫລາຍໆກໍຊ່ວຍດັບກິ່ນປາກໄດ້ຄືກັນ.
– ຫຍຳ້ໝາກຝຣັ່ງ : ຈະຊ່ວຍເພີ່ມຄວາມຫອຍໃຫ້ປາກຂອງທ່ານ ຍັງຊ່ວຍກຳຈັດເສດອາຫານທີ່ຕິດຢູ່ນຳແຂ້ວໄດ້ພ້ອມ.
– ອົມເຂົ້າໜົມອົມ : ວິທີນີ້ກໍຄ້າຍຄືກັບການຫຍຳ້ໝາກຝຣັ່ງ, ແຕ່ຕ້ອງລະມັດລະວັງວ່າຄວາມຫວານຂອງເຂົ້າໜົມອົມອາດເຮັດໃຫ້ຄໍແຫ້ງ ແລ້ວນຳ້ລາຍບູດໃນພາຍຫລັງໄດ້.
– ໃຊ້ສະເປຣດັບກິ່ນປາກ : ວິທີຮີບດ່ວນສຸດໆແມ່ນສີດສະເປຣດັບກິ່ນປາກເຂົ້າໄປເພື່ອເພີ່ມຄວາມຫອມ. ຂໍ້ຄວນລະວັງແມ່ນຄວນເລືອກໃຊ້ສະເປຣດັບກິ່ນປາກທີ່ມີຄຸນນະພາບ, ປອດໄພ ແລະ ສາມາດກິນໄດ້.
– ບ້ວນປາກ : ຂັ້ນຕອນທຳອິດລອງບ້ວນປາກດ້ວຍນຳ້ດື່ມເບິ່ງກ່ອນ ແລ້ວທົດລອງດົມກິ່ນປາກໂຕເອງເບິ່ງວ່າໃຄຂຶ້ນຫລືຍັງ ຫາກຍັງບໍ່ດີຂຶ້ນ ມາທົດລອງຂັ້ນຕອນຕໍ່ໄປ.
– ແປງລີ້ນ : ເຊື່ອຫລືບໍ່ວ່າກິ່ນປາກຂອງເຮົານັ້ນສ່ວນໜຶ່ງມາຈາກຝ້າຂາວໆທີ່ຈັບຢູ່ເທິງລີ້ນ ຫາກເຮົາໝັ່ນແປງລີ້ນເປັນປະຈຳສະໝໍ່າສະເໝີກໍຈະສາມາດຫລຸດກິ່ນປາກລົງໄດ້, ແຕ່ອາຫານປາກບາງຊະນິດ ເຊັ່ນ : ນົມ ກໍສາມາດຈັບລີ້ນຢ່າງໜຽວແໜ້ນຫລາຍ ລອງຫາແປງຖູແຂ້ວຂົນອ່າວແຂງມາຖູ ຫລື ຂູດຝ້າຂາວໆເທິງລີ້ນອອກ.
– ຖູແຂ້ວ : ວິທີງ່າຍທີ່ສຸດ ຖ້າມີຮ້ານຂາຍແປງຖູແຂ້ວ ຫລື ມິນິມາກຢູ່ໃກ້ໆ ຮີບຫາຊື້ແປງ ແລະ ຢາຖູແຂ້ວດ່ວນ ເພື່ອຄວາມສະອາດ ໝັ້ນໃຈ ພ້ອມລົມກັບທຸກຄົນແນ່ນອນ.
