ກາແດງລາວແລະສາກົນຫາລືວຽກງານຊ່ວຍເຫຼືອຜູ້ປະສົບໄພພິບັດ
ກອງປະຊຸມຫາລືວຽກງານຊ່ວຍເຫຼືອຜູ້ປະສົບໄພພິບັດລະຫວ່າງອົງການກາແດງລາວ ແລະ ສາກົນໄດ້ຈັດຂຶ້ນ ໃນວັນທີ 8 ຕຸລານີ້ ຢູ່ນະຄອນຫຼວງວຽງຈັນ, ໂດຍການເປັນປະທານຂອງທ່ານ ທອງພະຈັນ ສອນມະໂນສິນ ຮອງປະທານອົງການກາແດງລາວ ແລະ ຜູ້ຕາງໜ້າຈາກ ICRC ທ່ານ Giannivolpin – headof mission ຫົວໜ້າຫ້ອງການອົງການກາແດງສາກົນ
ຮອງປະທານອົງການກາແດງລາວໃຫ້ຮູ້ວ່າ: ປັດຈຸບັນນີ້ ມະນຸດ ເຮົາກຳລັງປະເຊີນກັບຫຼາຍປັນຫາບໍ່ວ່າຈະເປັນສົງຄາມ,ການກໍການຮ້າຍ,ພະຍາດລະບາດ ແລະ ໄພພິບັດຕ່າງໆ,ໃນປີທີຜ່ານມາ ສປປລາວ ກໍໄດ້ປະສົບໄພພິບັດໜັກໜ່ວງບໍ່ວ່າຈະເປັນເຂື່ອນແຕກຢູ່ສະໜາມໄຊແຂວງອັດຕະປືແລະນ້ຳຖ້ວມ 43 ເມືອງໃນ 6 ແຂວງພາກກາງແລະພາກໃຕ້ ເຊີງເປັນໄພພິບັດທີ່ຮ້າຍແຮງນຳມາຊື່ງຄວາມສູນເສຍບໍ່ວ່າຈະເປັນຊັບສີນແລະຊີວິດຂອງປະຊາຊົນຢ່າງຫຼວງຫຼາຍ ສະນັ້ນການຄົ້ນຫາສືບທາວຜູ້ສູນຫາຍຈາກສາເຫດຕ່າງໆແລະການຊອກຫາຫຼັກຖານ,ຮ່ອງຮອຍຂອງຜູ້ເສຍຊີວິດແມ່ນເລື່ອງທີ່ສຳຄັນເພື່ອເປັນຫຼັກຖານຢັ້ງຢືນໃຫ້ຍາດພີ່ນ້ອງແລະຄອບຄົວຂອງເຂົາເຈົ້າ. ໃນກອງປະຊຸມບັນດາເຈົ້າໜ້າທີ່ຈາກກະຊວງຕ່າງໆທີ່ກ່ຽວຂ້ອງໃນວຽກງານນີ້ຈະໄດ້ຮັບຮູ້ເບື້ອງຕົ້ນກ່ຽວກັບລະບຽບການ,ຂັ້ນຕອນແລະວິທີການໃນການປະຕິບັດໜ້າທີຄົ້ນຫາ,ກຳນົດທີໄປທີມາແລະສາຍກ່ຽວພັນທາງຊີວະວິທະຍາກັບຍາດຕິພີ່ນ້ອງແລະຄອບຄົວຜູ້ປະສົບເຄາະຮ້າຍຈາໄພພິບັດຮ້າຍແຮງນີ້ .
