ຈີນສວນສະໜາມຍິ່ງໃຫຍ່ເນື່ອງໃນໂອກາດວັນຊາດ
ຮຽບຮຽງໂດຍ: ລູກເມືອງພວນ
ຈີນຈັດການສວນສະ ໝາມຢູ່ຈະຕຸລັດແດງທຽນ ອານເໝິນໂດຍການເຂົ້າ ຮ່ວມຂອງນາຍທະຫານ 15.000 ຄົນ ເນື່ອງໃນ ວັນ ຊາດຄົບຮອບ 70 ປີ.
ພິທີສວນສະໝາມລະ ນຶກວັນຊາດຄົບຮອບ 70 ປີຂອງຈີນ ເລີ່ມຂຶ້ນເວລາ 10 ໂມງຂອງຕອນເຊົ້າມື້ນີ້ ທີ 1 ຕຸລາ 2019, ໂດຍ ການເຂົ້າຮ່ວມຂອງປະທານປະເທດ ສີຈິ້ນຜິງ ແລະ ການນຳຂັ້ນສູງຜູ້ອື່ນໆ.
ໂດຍຊ່ອງໜ້າປະຊາ ຊົນຈີນ ແລະ ທີ່ປຶກສາການ ທະການຈາກ 97 ປະເທດ ເຂົ້າຮ່ວມ. ປະທານ ສີຈິ້ນຜິງ ອ່ານສູນທອນພົດຍາວ 8 ນາທີ, ໂດຍທ່ານຢືນຢັນວ່າ: “ບໍ່ມີອິດທິກຳລັງໃດທີ່ ຈະສາມາດສັ່ນຄອນພວກ ເຮົາໄດ້” ແລະ “ບໍ່ມີໃຜທີ່ ຈະສາມາດສະກັດກັ້ນບາດກ້າວເດີນຂອງຈີນໄດ້”
“ກອງທັບປົດປ່ອຍ ປະຊາຊົນຈີນ ຈະເຮັດສຸດ ຄວາມສາມາດຂອງຕົນ ເພື່ອປົກປັກຮັກສາຄວາມ ໝັ້ນຄົງ, ອະທິປະໄຕ, ສິດ ຜົນປະໂຫຍດຂອງຊາດ ແລະ ສັນຕິພາບໂລກໃນ ທ່າມກາງທີ່ ປັກກິງ ເປີດກວ້າງການມີໜ້າທາງການທະຫານຢູ່ໃນໂລກ, ນັບທັງການຕັ້ງຖານທັບແຫ່ງ ທຳອິດຢູ່ຕ່າງປະເທດທີ່ Djibouti ” ທ່ານສີຈິ້ນຜິງ ກ່າວ, ພ້ອມດຽວກັນ ທ່ານ ກໍຮຽກຮ້ອງໃຫ້ພັກຄອມ ມຸຍນິດຈີນ ແລະ ປະຊາຊົນ ຈົ່ງອອກແຮງຈັດຕັ້ງປະຕິ ບັດ “ຄວາມຝັນຂອງຕົນ”
ພາຍຫຼັງສຳເລັດການ ອ່ານສູນທອນພົດ, ທ່ານ ສີຈິ້ນຜິງ ກໍໄດ້ອອກກວດ ແຖວກຳລັງປະກອບອາວຸດ ແລະ ອາວຸດຍຸດໂທປະກອນ, ເຮືອບິນ ຢູ່ໃນສະ ໝາມຈະຕຸລັດ ທຽນອານ ເໝິນ.
ນອກຈາກ 47 ກ້ອນ ກຳລັງຂອງນາຍທະຫານ ແລ້ວ ຍັງມີ 15 ກ້ອນທີ່ມາ ຈາກທະຫານ 5 ພາກເຂົ້າຮ່ວມຕື່ມ ໂດຍສະເພາະແມ່ນ ກ້ອນກຳລັງທະຫານເພດຍິງ, ພະນັກງານໃນຖັນແຖວປ້ອງກັນຊາດ, ກຳລັງ ສຳຮອງ, ກອງຫຼອນ ແລະ ກຳລັງປ້ອງກັນສັນຕິພາບ.
ມີເຮືອບິນຮົບ ປະມານ 170 ລຳ ບິນສະແດງເໜືອ ທ້ອງຟ້າຈະຕຸລັດທຽນອານເໝິນ. ການສວນສະໝາມ ຄັ້ງນີ້ ເປັນຄັ້ງທຳອິດທີ່ຈີນ ໄດ້ສະແດງເຄື່ອງບິນທີ່ໄວ
ເໜືອສຽງ DF-17 ເຊິ່ງເປັນການໂຄສະນາລະ ບົບປ້ອງກັນອາກາດທີ່ທັນສະໄໝທີ່ສຸດ.
40% ອາວຸດນຳເອົາ ມາ ສະແດງໃນຄັ້ງນີ້ເປັນ ອາວຸດໃໝ່ ເຊັ່ນ: ລູກສອນ ໄຟນຳວິຖີໄວເໜືອສຽງ CJ-100, ລູກສອນໄຟ DF-41, ລົດຕັງຂະໜາດ ເບົາ Type-15. ເຮືອບິນ ບໍ່ມີຄົນຂັບ(UCAV)… ໃນນັ້ນເດັ່ນກ່ວາໝູ່ແມ່ນ ລູກສອນໄຟ HQ-19 ຍິງ ໄກເຖິງ 175 ກມ ເຊິ່ງສາ ມາດແນໃສ່ 16 ເປົ້າໝາຍ ພ້ອມ ກັນບາດດຽວ. ປືນກົນ Type-19, ລົດຕັງລຸ່ນ Type-99 ເຊິ່ງເປັນລົດຕັງ ຕົບແຕ່ງດ້ວຍສີອຳພາງ ຕົວເຂົ້າກັບສະພາບທະ ເລຊາຍ. ກະຊວງປ້ອງກັນ ປະເທດຈີນໃຫ້ຮູ້ວ່າ: ການ ສວນສະໝາມຄັ້ງນີ້ ເປັນ ການສວນສະໝາມໃຫຍ່ ທີ່ສຸດທີ່ບໍ່ເຄີຍມີມາກ່ອນ ເຊິ່ງມີກຳລັງຂອງກອງທັບຈາກ 59 ກົມກອງ, ອາວຸດ ຕ່າງໆ 580 ຊະນິດ ແລະ ເຮືອບິນຊະນິດຕ່າງໆ 160 ລຳເຂົ້າຮ່ວມ. ກອງກຳລັງ ປ້ອງກັນສັນຕິພາບ 8.000 ນາຍໄດ້ເຂົ້າຮ່ວມເປັນຄັ້ງ ທຳອິດ.
ລາຍການສຸດທ້າຍ ຂອງການສວນສະໝາມ ມີການປ່ອຍນົກ 70.000ໂຕ ແລະ ປູມເປົ້າ 70.000 ໜ່ວຍ.
