IMF ເລືອກນັກເສດຖະສາດຍິງ ບຸນກາຣີ ໄວ 66 ປີ ເປັນຜູ້ອຳນວຍການຄົນໃໝ່

ຮຽບຮຽງໂດຍ: ລູກເມືອງພວນ

ໄອເອັມເອບ ເລືອກນັກເສດຖະສາດຍິງ ຊາວບຸນກາຣີ ເປັນຜູ້ອຳນວຍການຄົນໃໝ່ ຕັ້ງແຕ່ເດືອນຕຸລາ ເປັນເວລາ 5 ປີ ນັບວ່າເປັນຜູ້ຍິງຄົນທີສອງທີ່ໄດ້ຮັບຕຳແໜ່ງນີ້.

ສຳນັກຂ່າວຕ່າງປະເທດລາຍງານເມື່ອວັນທີ 25 ກັນຍານີ້ວ່າ: ກອງທຶນການເງິນລະຫ່ວາງປະເທດ ຫຼື ໄອເອັມເອບ ເລືອກນາງ ຄຣິສຕາລີນາ ຈໍເຈຍວາ ນັກເສດຖະສາດຍິງ ຊາວບຸນກາຣີ ໄວ 66 ປີ ເປັນຜູ້ສືບທອດຕຳແໜ່ງຜູ້ອຳນວຍການ ໄອເອັມເອບ ແທນນາງ  ຄຣິສຕີນ ລາກາສ ຊຶ່ງກຳລັງຈະລົງຈາກຕຳແໜ່ງໃນໄວໆນີ້.

ນາງ ຈໍເຈຍວາ  ກາຍເປັນຜູ້ທີ່ມາຈາກປະເທດເສດຖະກິດເກີດໃໝ່ຄົນທຳອິດທີ່ໄດ້ນັ່ງເກົ້າອີ້ ຜູ້ອຳນວຍການ ໄອເອັມເອບ ແລະ ຈະເປັນຜູ້ຍິງຄົນທີສອງໃນປະຫວັດສາດທີ່ໄດ້ຮັບຕຳແໜ່ງນີ້ ໂດຍຈະດຳລົງຕຳແໜ່ງເປັນເວລາ 5 ປີ ເລີ່ມຕັ້ງແຕ່ວັນທີ 1 ຕຸລາ ນີ້ເປັນຕົ້ນໄປ.