ລັດປັບລົງລາຄາຄັງແຮນ້ຳມັນເຊື້ອໄຟ 10-60 ກີບຕໍ່ລິດ
ກະຊວງອຸດສາຫະກຳ ແລະ ການຄ້າ ໄດ້ອອກແຈ້ງການໃຫ້ສະມາຄົມນ້ຳມັນເຊື້ອໄຟ-ອາຍແກັສ ແລະ ບັນດາບໍລິສັດນ້ຳມັນເຊື້ອໄຟທົ່ວປະເທດຂາຍນ້ຳມັນເຊື້ອໄຟໃຫ້ເປັນເອກະພາບຕາມລັດຖະບານກໍານົດ, ຫລັງຈາກໄດ້ປັບລົງລາຄາ ຄັງແຮນໍ້າມັນແອັດຊັງພິເສດ ແລະ ແອັດຊັງທໍາມະດາ 10 ກີບ ແລະ ກາຊວນ 60 ກີບຕໍ່ລິດ, ໂດຍໃຫ້ປະຕິບັດແຕ່ເວລາ 6:00 ໂມງຂອງວັນທີ 19 ກັນຍານີ້ເປັນຕົ້ນໄປ. ສ່ວນການຄິດໄລ່ເສຍພັນທະ ແລະ ຄ່າທໍານຽມຕ່າງໆແມ່ນໃຫ້ຄິດໄລ່ຕາມໂຄງສ້າງລາຄານໍ້າມັນເຊື້ອໄຟສະບັບເລກທີ 1053/ກຄພນ.ຄສລ ລົງວັນທີ 18 ກັນຍາ 2019 ຈົນກວ່າຈະມີການປ່ຽນແປງ, ເຊິ່ງຈະເຮັດໃຫ້ລາຄານ້ຳມັນຢູ່ບັນດາແຂວງຕ່າງໆມີດັ່ງນີ້:
ນະຄອນຫລວງວຽງຈັນ: ແອັດຊັງພິເສດ 10.250, ແອັດຊັງທໍາມະດາ 8.910 ແລະ ກາຊວນ 8.560 ກີບຕໍ່ລິດ, ຜົ້ງສາລີ: ແອັດຊັງທໍາມະດາ 9.670 ແລະ ກາຊວນ 9.320 ກີບຕໍ່ລິດ, ຫລວງນໍ້າທາ: ແອັດຊັງທໍາມະດາ 9.270 ແລະ ກາຊວນ 8.920 ກີບຕໍ່ລິດ, ອຸດົມໄຊ: ແອັດຊັງພິເສດ 10.730, ແອັດຊັງທໍາມະດາ 9.390 ແລະ ກາຊວນ 9.040 ກີບຕໍ່ລິດ, ບໍ່ແກ້ວ: ແອັດຊັງພິເສດ 10.350, ແອັດຊັງທໍາມະດາ 9.010 ແລະ ກາຊວນ 8.660 ກີບຕໍ່ລິດ, ຫລວງພະບາງ: ແອັດຊັງພິເສດ 10.650, ແອັດຊັງທໍາມະດາ 9.310 ກາຊວນ 8.960 ກີບຕໍ່ລິດ, ໄຊຍະບູລີ: ແອັດຊັງພິເສດ 10.500, ແອັດຊັງທໍາມະດາ 9.160 ແລະ ກາຊວນ 8.810 ກີບຕໍ່ລິດ, ຫົວພັນ: ແອັດຊັງທໍາມະດາ 9.310 ແລະ ກາຊວນ 8.960 ກີບຕໍ່ລິດ, ຊຽງຂວາງ: ແອັດຊັງທໍາມະດາ 9.000 ແລະ ກາຊວນ 8.750 ກີບຕໍ່ລິດ, ແຂວງວຽງຈັນ: ແອັດຊັງພິເສດ 10.250, ແອັດຊັງທໍາມະດາ 8.910 ແລະ ກາຊວນ 8.560 ກີບຕໍ່ລິດ, ບໍລິຄໍາໄຊ: ແອັດຊັງພິເສດ 10.330, ແອັດຊັງທໍາມະດາ 8.990 ແລະ ກາຊວນ 8.640 ກີບຕໍ່ລິດ, ຄໍາມ່ວນ: ແອັດຊັງພິເສດ 10.280, ແອັດຊັງທໍາມະດາ 8.940 ແລະ ກາຊວນ 8.590 ກີບຕໍ່ລິດ, ສະຫວັນນະເຂດ: ແອັດຊັງພິເສດ 10.280, ແອັດຊັງທໍາມະດາ 8.940 ແລະ ກາຊວນ 8.590 ກີບຕໍ່ລິດ, ສາລະວັນ: ແອັດຊັງທໍາມະດາ 9.120 ແລະ ກາຊວນ 8.770 ກີບຕໍ່ລິດ, ຈໍາປາສັກ: ແອັດຊັງພິເສດ 10.310, ແອັດຊັງທໍາມະດາ 8.970 ແລະ ກາຊວນ 8.620 ກີບຕໍ່ລິດ, ເຊກອງ: ແອັດຊັງທໍາມະດາ 9.150 ແລະ ກາຊວນ 8.800 ກີບຕໍ່ລິດ, ອັດຕະປື: ແອັດຊັງພິເສດ 10.490, ແອັດຊັງທໍາມະດາ 9.150 ແລະ ກາຊວນ 8.800 ກີບຕໍ່ລິດ ແລະ ໄຊສົມບູນ ແອັດຊັງທໍາມະດາ 9.150 ແລະ ກາຊວນ 8.800 ກີບຕໍ່ລິດ.
