ບໍລິສັດ ສະຫຍາມ ຄູໂບຕາ ແຈກໂຊກໃຫຍ່ຄັ້ງທີ 2
ໃນວັນທີ 14 ກັນຍານີ້, ບໍລິສັດ ສະຫຍາມຄູໂບຕ້າ ຈໍາກັດ ໄດ້ຈັດກິດຈະກຳຈັບສະຫລາກແຈກໂຊກໃຫ້ລູກຄ້າ ພາຍໃຕ້ຄຳຂວັນ “Kubota ZT
lucky draw” ຂຶ້ນທີ່ນະຄອນຫລວງວຽງຈັນ,
ໂດຍມີຕົວແທນຈຳໜ່າຍເຂົ້າຮ່ວມງານຄັ້ງນີ້ນຳດ້ວຍ.
ທ່ານ ບຸນເກີດ ສະລຽວໄວ ຜູ້ຈັດການບໍລິສັດ ໃຫ້ຮູ້ວ່າ: ການແຈກໂຊກ ຄັ້ງນີ້ ແມ່ນສະເພາະລູກຄ້າທີ່ຊື້ເຄື່ອງຈັກແຕ່ເດືອນ ກຸມພາຫາທັນວານີ້ເທົ່ານັ້ນ, ເຊິ່ງຈະແບ່ງອອກເປັນ 3 ຄັ້ງຄື: ຄັ້ງທີ 1 ວັນທີ 15 ມິຖຸນາ, ສ່ວນຄັ້ງທີ 2 ແມ່ນວັນທີ 14 ກັນຍາ 2019 ແລະ ຄັ້ງທີ 3 ຈະຈັດໃນວັນທີ 20 ມັງກອນ 2020 ໂດຍມີເງື່ອນໄຂຄື: ລູກຄ້າທີ່ຊື້ເຄື່ອງຈັກກາຊວນ ZT ຫລື RT ແລະ ໂຄງເຫລັກສະຫຍາມ NC PlusX ທຸກແບບຈະໄດ້ຮັບສິດລຸ້ນຮັບລາງວັນມູນຄ່າຫລາຍກວ່າ 270 ລ້ານກີບ ແລະ ລູກຄ້າທີ່ຊື້ເຄື່ອງຈັກ ZT 1 ເຄື່ອງມີສິດລຸ້ນຮັບລາງວັນ 1 ຄັ້ງ, NC Plus X 1 ໂຄງ ຈະມີສິດລຸ້ນຮັບລາງວັນ 2 ຄັ້ງດ້ວຍກັນ. ລູກຄ້າທີ່ມີສິດລຸ້ນໂຊກຕ້ອງຂຽນຂໍ້ມູນ ຊື່-ນາມສະກຸນ, ທີ່ຢູ່, ເບີໂທຕິດຕໍ່, ເລກບັດປະຈໍາຕົວ ພ້ອມລະບຸວັນທີຊື້ໃຫ້ຖືກຕ້ອງ ແລະ ເກັບໃບຮັບປະກັນເພື່ອກວດສອບໃນການຮັບລາງວັນ. ເຊິ່ງຈະຈັບລາງວັນຄັ້ງທີ 1 ມີໂທລະພາບ ຊໍາຊຸງ 32 ນິ້ວ 4 ລາງວັນ ແລະ ລົດຈັກຮອນດາເວບ 100 ພ້ອມໝວກກັນກະທົບ 6 ລາງວັນ.
ສຳລັບຜູ້ໂຊກດີໄດ້ຮັບໂທລະພາບຂະໜາດ 32 ນິ້ວມີ 4 ທ່ານຄື: ນາງ ຈີນ ແພມີໄຊ ບ້ານນ້ຳປຸຍ ເມືອງພຽງ ແຂວງໄຊຍະບູລີ, ທ້າວ ຄົມພອນ ບ້ານໂຕນ ເມືອງແປກ ແຂວງຊຽງຂວາງ, ອາສາມ ບ້ານວັດຫລວງ ເມືອງລະມາມ ແຂວງເຊກອງ, ທ້າວ ພອຍຄຳ ບ້ານບານ ເມືອງຄຳ ແຂວງຊຽງຂວາງ.
ຜູ້ໂຊກດີໄດ້ຮັບລົກຈັກ HONDA WAVE 100 ມີ 6 ທ່ານຄື: ອາດີ ບ້ານຫຼັກ3 ເມືອງສາມັກຄີໄຊ ແຂວງອັດຕະປື, ທ້າວ ບຸນທະວີ ບ້ານໄຮໃຕ້ ເມືອງສັງທອງ ນະຄອນຫຼວງວຽງຈັນ, ທ້າວ ເຢ້ງເຮີ ຫວ່າງ ບ້ານໂພນທັນ ເມືອງໄຊຈຳພອນ ແຂວງບໍລິຄຳໄຊ, ອາສາມ ບ້ານວັດຫຼວງ ເມືອງລະມາມ ແຂວງເຊກອງ, ອາຫຼຽງ ບ້ານ ແລະ ເມືອງສຸຂຸມາ ແຂວງຈຳປາສັກ, ອາໝີ ເມືອງໂຂງ ແຂວງຈຳປາສັກ.
ຜູ້ຈັດການບໍລິສັດໃຫ້ຮູ້ຕື່ມວ່າ ທາງບໍລິສັດຈະໄດ້ຕິດຕໍ່ຫາຜູ້ໂຊກດີຕາມເບີຕິດຕໍ່ ໂດຍໃຫ້ກຳນົດເວລາ 10 ວັນນັບແຕ່ມື້ຈັບສະຫລາກຊີງໂຊກເປັນຕົ້ນໄປ ຖ້າຜູ້ກ່ຽວບໍ່ຕິດຕໍ່ ແລະ ບໍ່ເຂົ້າໄປພົວພັນຮັບຂອງລາງວັນ ກໍຈະສະຫລະສິດໃຫ້ກັບຜູ້ສຳຮອງທີ່ບໍລິສັດໄດ້ຈັບສະຫຼາກໄວ້ໃນມື້ດຽວກັນແລ້ວ.
