ສາທາແຂວງຈໍາປາສັກລົງຊ່ວຍເຫລືອຜູ້ປະສົບໄພນໍ້າຖ້ວມ

ແຫລ່ງຂ່າວທ້ອງຖິ່ນລາຍງານວ່າ: ໃນວັນທີ 5 ກັນຍານີ້, ທ່ານດຣສົມກຽດວໍລະລາດຫົວຫນ້າພະແນກສາທາລະນະສຸກແຂວງຈໍາປາສັກ ໄດ້ນໍາພາທີມແພດເຄື່ອນທີ່ໄປຊ່ວຍກວດສຸຂະພາບແລະປິ່ນປົວພະຍາດໃຫ້ປະຊາຊົນປະສົບໄພນໍ້າຖ້ວມທີ່ຍົກຍ້າຍໄປຢູ່ທີ່ສູນພັກຊົ່ວຄາວເຂດບ້ານປາກຊອນຄືຈຸດໂຮງຮຽນປະຖົມແລະຈຸດຂອງ ອພບຕ, ເພື່ອໃຫ້ການບໍລິການດ້ານສຸຂະພາແລະໃຫ້ການປິ່ນປົວພະຍາດໂດຍສະເພາແມ່ນພະຍາດທີ່ມາກັບນໍ້າເຊັ ນ: ພະຍາດຖອກທ້ອງ, ທ້ອງບິດ, ພະຍາດຜິວຫນັງ, ຕາແດງ, ພະຍາດຍ່ຽວຫນູ, ໄຂ້ຫວັດແລະອື່ນໆ, ພ້ອມທັງໃຫ້ສຸຂະສຶກສາກ່ຽວກັບການຮັກສາອະນາໄມ 3 ສະອາດ, ການກໍາຈັດຂີ້ເຫຍື້ອ, ຜົນຮ້າຍຈາກການຖ່າຍຊະຊາຍແລະອື່ນໆ