ຄວາມເປັນຈິງການຫ້າມ Facebook ນຳໃຊ້ຂ້ໍມູນຂອງບຸກຄົນ
ຮຽບຮຽງໂດຍ: ລູກເມືອງພວນ
ແຫຼງຂ່າວ vtcNEWS, ວັນທີ 22 ສິງຫານີ້ໃຫ້ຮູ້ວ່າ: ໃນຫວ່າງມໍ່ໆມານີ້, ຫຼາຍຄົນໃຊ້ ເຟສບຸກ ກະຊິບກະຊັບກັນກ່ຽວກັບການລົງ ຂ່າວໃນໜ້າ ເຟສບຸກສ່ວນບຸກຄົນວ່າ: ເພື່ອປ້ອງກັນບັນຊີ ຫຼື ປ້ອງກັນຂໍ້ມູນຂອງຕົນເອງ. ມີບົດໜຶ່ງຂຽນວ່າ: “ຂ້ອຍບໍ່ອະນຸຍາດໃຫ້ ເຟສ ບຸກ ຫຼື ບຸກຄົນໃດ ເຊື່ອມຕໍ່ກັບ ເຟສບຸກ ທີ່ນຳໃຊ້ຮູບພາບ, ຂໍ້ມູນຂ່າວສານ, ການ ສົ່ງຂໍ້ຄວາມຂ່າວ ແລະ ບົດຂຽນຂອງຂ້ອຍເດັດຂາດນັບທັງອະດີດ, ປັດຈຸບັນ ແລະ ໃນອະນາຄົດ…” ແລະ ໃນ ນັ້ນຍັງເວົ້າຕື່ມ ອີກວ່າ: “ຜູ້ໃດຫາກບໍ່ນຳເອົາຄຳປະກາດດັ່ງກ່າວນັ້ນມາລົງຕໍ່ ຢ່າງໜ້ອຍໜຶ່ງຄັ້ງ, ກໍຈະອະນຸຍາດໃຫ້ຮູບພາບກໍຄືຂໍ້ມູນ ຂ່າວສານໃນ ເຟສບຸກຂອງ ຕົນຕົກຢູ່ໃນພາວະ ທັງເປີດເຜີຍ ແລະ ທັງເປັນສ່ວນຕົວ ຂອງຕົນເອງ ທີ່ສາມາດນຳໃຊ້ໄດ້ ”
ມີຄົນຈຳນວນໜຶ່ງຍັງ ຂຽນລົງເປັນພາສາອັງກິດ ຕື່ມອີກ, ເພື່ອຫວັງຈະໃຫ້ເຈົ້າ ຂອງ ເຟສບຸກ ໄດ້ເຫັນໄດ້ອ່ານ ແລະ ໃຫ້ປະຕິບັດຕາມ ຄຳປະ ກາດດັ່ງກ່າວ.
ເຖິງຢ່າງໃດກໍດີ, ມີນັກ ຊ່ຽວຊານດ້ານ ເຟສບຸກຄົນ ໜຶ່ງໃຫ້ຮູ້ວ່າ: ຄຳປະກາດ ເຕືອນດັ່ງກ່າວ ພຽງແຕ່ເປັນ ຂ່າວປອມເທົ່ານັ້ນ(fake news) ແລະ ກໍບໍ່ມີຜົນປະໂຫຍດຫຍັງ. ທ່ານກ່າວວ່າ: “ ການປ້ອງກັນຂໍ້ມູນຂອງ ບຸກຄົນ ມັນແມ່ນສິ່ງຈຳເປັນ ແລະ ເຮັດໄດ້, ແຕ່ການລົງໃນ status ແລະ ຮຽກຮ້ອງໃຫ້ ເຟສບຸກ ປະຕິບັດຕາມຄຳປະ ກາດດັ່ງກ່າວ ແມ່ນໄຮ້ສາລະ ທີ່ສຸດ ”
ປະກົດການດັ່ງກ່າວ, ເກີດຂຶ້ນໃນຕົ້ນປີນີ້, ຫຼັງຈາກນັ້ນກໍງຽບຫາຍໄປ ແລະ ມັນໄດ້ກັບຄືນມາເນືອງນັນອີກ ຄັ້ງໃນຫວ່າງມໍ່ໆມານີ້, ພາຍຫຼັງມີການແຊຣຕໍ່ກັນໃນເລື່ອງ “hot Facebooker”
ໃນຕົ້ນປີນີ້, ເຟສບຸກ ໄດ້ລົງບົດຂ່າວຢ່າງເປີດເຜີຍ ແລະ ທັງຢືນຢັນວ່າ: “ ຜູ້ທີ່ນຳໃຊ້ ເຟສບຸກ ສາມາດ ເປັນເຈົ້າຂອງເນື້ອໃນ ແລະ ຂໍ້ມູນຂ່າວສານທັງໝົດທີ່ນຳລົງມາໂພສໃນ ເຟສບຸກໄດ້. ບັນຫາດັ່ງກ່າວ, ເນື້ອໃນແມ່ນໄດ້ມີຢູ່ໃນຂໍ້ກຳນົດໃນການນຳໃຊ້ຢູ່ແລ້ວ, ຜູ້ທີ່ນຳໃຊ້ ເຟສບຸກສາມາດກວດສອບ ສິດຂອງຕົນເອງໄດ້ດ້ວຍວິທີການ, ຕັ້ງຄ່າເປັນສ່ວນຕົວ ແທນທີ່ຈະເຮັດຄືກັນກັບບົດ ປະກາດຂ້າງເທິງ ”.
