ຫວຽດນາມ ລົງໂທດນາຍທະຫານ ຂັ້ນສູງ

ຮຽບຮຽງໂດຍ: ລູກເມືອງພວນ

ແຫລ່ງຂ່າວ https: // tuoitre .vn ລາຍໃຫ້ວ່າ:

ຜູ້ບັນຊາການທະຫານ ຫງວຽນ ວັນ ຮຽນ  ອະດິດກຳມະການສູນກາງພັກ, ອະດີດກຳມະການພັກທະຫານສູນກາງ, ອະດີດ ຮອງລັດຖະມົນຕີກະຊວງປ້ອງກັນປະເທດ, ອະດີດ ຮອງເລຂາຄະນະພັກ, ອະດີດຜູ້ບັນຊາການທະຫານເຮືອ.

ທ່ານດຶກ ໂຄສົກກອງທັບ ປະຊາຊົນຫວຽດນາມໃຫ້ຮູ້ວ່າ: ອັນນີ້ແມ່ນການລົງວິໄນຕາມຂັ້ນຕອນກົດລະບຽບຂອງພັກ. ກ່ອນໜ້ານີ້, ວັນທີ 21 ມິຖຸນາຜ່ານມາ, ກົມການເມືອງສູນກາງພັກ ໄດ້ລົງວິໄນທ່ານ ຫງວຽນ ວັນ ຮຽນໄປແລ້ວ, ດ້ວຍການປົດຕຳແໜ່ງ ກຳມະການພັກທະຫານສູນກາງ, ສະໄໝ 2005-2010, ກຳມະການພັກທະຫານເຮືອ, ສະໄໝ 2005​-​2010(ລວມທັງຮອງເລຂາອົງຄະນະພັກ, ກຳມະການປະຈຳພັກ, ຄະນະກຳມະການພັກທະຫານເຮືອ ສະໄໝ 2005-2010.

ທ່ານ ດຶກ ເວົ້າວ່າ: “ ນອກຈາກປະຕິບັດວິໄນຕາມກົດລະບຽບຂອງພັກແລ້ວ, ກົມການເມືອງຍັງຮຽກຮ້ອງ ໃຫ້ພາກສ່ວນຕ່າງໆທີ່ມີອຳນາດ ດຳເນີນການລົງວິໄນທາງດ້ານບໍລິຫານ ຕໍ່ທ່ານ ຫງວຽນ ວັນ ຮຽນ ຕື່ມອີກ ”

ຫົວໜ້າຝຶກອົບຮົມໃຫ້ຮູ້ຕື່ມອີກວ່າ: ການທີ່ຄະນະປະຈຳຂອງຄະນະພັກທະຫານລົງວິໄນບຸກຄົນ ແລະ ການຈັດຕັ້ງນັ້ນ ລ້ວນແຕ່ໄດ້ລ່ວງລະເມີດວິໄນ “ ແມ່ນເລື່ອງບໍ່ເພິ່ງປາຖະໜາ ແຕ່ມີຄວາມຈຳເປັນ ເພື່ອຮັກສາກົດລະບຽບຂອງພັກ ແລະ ກົດໝາຍຂອງລັດ ” .

ອີງຕາມແຈ້ງການຂອງກົມການເມືອງສູນກາງພັກ ກອມມູນິດຫວຽດນາມໃຫ້ຮູ້ວ່າ: ໃນຖານະເປັນຮອງເລຂາອົງຄະນະພັກ ກອງບັນຊາການທະຫານເຮືອສູງສຸດ, ທ່ານ ຫງວຽນ ວັນ ຮຽນ ໄດ້ລະເມີດຕໍ່ໜ້າທີ່ຂອງຄະນະປະຈຳພັກທະຫານເຮືອຢ່າງຮ້າຍແຮງ, ໃນການຈັດຕັ້ງປະຕິບັດມະຕິຕົກລົງຂອງອົງຄະນະພັກ, ໃນວຽກງານຄຸ້ມຄອງ, ການນຳໃຊ້ທີ່ດິນ ທີ່ກອງທັບເຮືອຄຸ້ມຄອງ.

ນອກຈາກນັ້ນ ທ່ານຍັງລະເມີດ ເກີນຕຳແໜ່ງໜ້າທີ່ຂອງຕົນຮັບຜິດຊອບ, ລ່ວງລະເມີດກົດໝາຍໃນການຄຸ້ມຄອງຂອງລັດ, ນຳໃຊ້ທີ່ດິນ 10 ຕອນ ທີ່ກອງທັບຄຸ້ມຄອງ ເຂົ້າໃນການກໍ່ສ້າງ, ລະເມີດຫຼັກການລວມສູນປະຊາທິປະໄຕຂອງພັກ, ຂໍ້ກຳນົດຂອງກອງທັບເຮືອ, ເມີນເສີຍຕໍ່ການຊີ້ນຳນຳພາ, ຂາດການກວດກາ, ບໍ່ຕິດແທດກັບການຄຸ້ມຄອງ, ນຳໃຊ້ທີ່ດິນບໍ່ຖືກເປົ້າໝາຍ…