ປະໂຫຍດດີໆຈາກໝາກພຣຸນ
ປະໂຫຍດຂອງໝາກພຣຸນຕໍ່ສຸຂະພາບ ໄດ້ແກ່ : ການເບິ່ງເຫັນທີ່ດີຂຶ້ນ, ປ້ອງກັນພະຍາດມະເຮັງ, ສຸຂະພາບຫົວໃຈ ແລະ ຫລອດເລືອດ. ນອກຈາກນີ້, ຍັງປ້ອງກັນພະຍາດເລືອດຈາງ ແລະ ເພີ່ມພູມຕ້ານທານຮ່າງກາຍ, ຊ່ວຍການຍ່ອຍອາຫານທີ່ດີ, ຫລຸດຜ່ອນອາການຂາປັ້ນ, ປະໂຫຍດດ້ານສຸຂະພາບອື່ນໆ ລວມເຖິງເບິ່ງແຍງຮັກສາສຸຂະພາບຂອງກະດູກ ເຮັດໃຫ້ຜົມແຂງແຮງ ແລະ ເສີມສ້າງສຸຂະພາບຜິວທີ່ດີ.
1. ມີສຸຂະພາບທີ່ດີຂຶ້ນ : ຈໍປະສາດຕາເສື່ອມ, ຕາແຫ້ງ ແລະ ຕາບອດກາງຄືນ ເປັນອາການທີ່ພົບໄດ້ຫລາຍທີ່ສຸດຂອງການຂາດວິຕາມິນອາ ໝາກພຣຸນມີປະໂຫຍດຢ່າງຫລາຍຕໍ່ການເບິ່ງເຫັນ ເພາະໃຫ້ວິຕາມິນອາຫລາຍເຖິງ 3% ຂອງຄ່າແນະນຳຕໍ່ມື້. ນອກຈາກນີ້ຍັງອຸດົມໄປດ້ວຍແຄໂຣທີນ ເຊິ່ງເປັນສານໄຟໂຕນິວທຣຽນທີ່ຈຳເປັນ.
2. ຕໍ່ຕ້ານມະເຮັງ : ໝາກພຣຸນອຸດົມໄປດ້ວຍສານຕ້ານອະນຸມູນອິດສະລະ ເຊິ່ງປ້ອງກັນພະຍາດຊຳ້ເຮື້ອ ເຊັ່ນ : ມະເຮັງ ເພາະມີແຮ່ທາດ ແລະ ວິຕາມິນຕ່າງໆ ດັ່ງນີ້ : ຊີລີນຽມ, ວິຕາມິນເບ, ໄຣໂບຟລາວິນ, ໄນອາຊີນ ແລະ ໄຟໂຕນິວທຣຽນອື່ນໆ ເປັນຕົ້ນ. ໝາກພຣຸນຍັງເປັນແຫລ່ງຂອງຟີນັອນຂອງພືດທີ່ຊ່ວຍປ້ອງກັນອະໄວຍະວະຕ່າງໆຂອງຮ່າງກາຍຈາກຄວາມເຄັ່ງຄຽດ ແລະ ພະຍາດມະເຮັງ. ໃນກໍລະນີເປັນຜົນມາຈາກຄວາມເສຍຫາຍຂອງອະນຸມູນອິດສະລະໄປຍັງພາກສ່ວນຕ່າງໆຂອງຮ່າງກາຍ ປະລິມານສານຕ້ານອະນຸມູນອິດສະລະໃນໝາກພຣຸນນັ້ນສູງກ່ວາໃນໝາກບລູເບີຣີຫລາຍ.
3. ເບິ່ງແຍງສຸຂະພາບຫົວໃຈ ແລະ ຫລອດເລືອດ : ມີໂປຕັສຊຽມ ແລະ ໄຍອາຫານ ເຮັດໃຫ້ລະບົບຫົວໃຈ ແລະ ຫລອດເລືດສຸຂະພາບດີ. ກຳຈັດໄຂມັນສ່ວນເກີນອອກຈາກຫລອດເລອດ. ນອກນີ້, ໄຟເບີ ແລະ ໂປຕັສຊຽມ ຍັງເປັນອາຫານວ່າງທີ່ເໝາະສົມກັບຄົນທີ່ມີບັນຫາເລື່ອງຫົວໃຈ.
4. ຕໍ່ສູ້ກັບພະຍາດເລືອດຈາງ : ພະຍາດເລືອດຈາງອາດເປັນອັນຕະລາຍຕໍ່ສຸຂະພາບໂດຍລວມຂອງຮ່າງກາຍມະນຸດ ນີ້ແມ່ນຜົນກະທົບການຜະລິດແຊນເມັດເລືອດແດງໃນຮ່າງກາຍ ແລະ ເຮັດໃຫ້ອ່ອນເພຍຢ່າງຮຸນແຮງ. ໝາກພຣຸນເປັນແຫລ່ງທີ່ດີຂອງໂຟເລດ, ທາດເຫລັກ, ສັງກະສີ ແລະ ທອງແດງ ເຊິ່ງເໝາະສົມກັບການຜະລິດແຊນເມັດເລືອດແດງ.
5. ເພີ່ມພູມຕ້ານທານ : ຮ່າງກາຍມະນຸດມີກົນໄກທີ່ຈຳເປັນຕ້ອງແຂງແຮງ ພໍທີ່ຈະເຮັດໃຫ້ມັນປອດໄພຈາກພະຍາດ ແລະ ການຕິດເຊື້ອພາຍໃນ. ສານຕ້ານອະນຸມູນອິດສະລະ ແລະ ວິຕາມິນເຊຈາກໝາກພຣຸນນັ້ນ ຊ່ວຍໃຫ້ລະບົບພູມຕ້ານທານດີຂຶ້ນ. ວິຕາມິນເຊເປັນໜຶ່ງໃນສານຕ້ານອະນຸມູນອິດສະລະທີ່ມີປະສິດທິພາບທີ່ສຸດ.
6. ລະບົບຍ່ອຍອາຫານດີຂຶ້ນ : ດີຕໍ່ລະບົບຍ່ອຍອາຫານ, ຊ່ວຍໃຫ້ລຳໄສ້ແຂງແຮງ, ອຸດົມໄປດ້ວຍເສັ້ນໄຍ ແລະ ແຮ່ທາດຕ່າງໆທີ່ຊ່ວຍໄລ່ສິ່ງເສດເຫລືອ ເຮັດໃຫ້ລະບົບຂັບຖ່າຍດີ ແລະ ຫລຸດອາການຖ່າຍຍາກ.
7. ຫລຸດອາການຂາປັ້ນ : ມີໄຟເບີ ແລະ ສານຕ້ານອະນຸມູນອິດສະລະ ເຊິ່ງເຮັດໃຫ້ໝາກພຣຸນເປັນອາຫານວ່າງທີ່ເໝາະສົມສຳລັບຫລຸດອາການຂາປັ້ນ.
8. ຕ້ານການອັກເສບ : ໝາກພຣຸນມີຄຸນສົມບັດຕ້ານການອັກເສບ ຊ່ວຍຫລຸດການອັກເສບໄດ້ທຸກບ່ອນພາຍໃນຮ່າງກາຍ. ການມີວິຕາມິນເບ ແລະ ໄຣໂບຟລາວິນ ເຮັດໃຫ້ເປັນອາຫານທີ່ເໝາະສົມສຳລັບການຫລຸດການອັກເສບ ແລະ ການຕິດເຊື້ອໃນຮ່າງກາຍ.
9. ຊ່ວຍເລື່ອງກະດູກ : ໝາກພຣຸນມີສ່ວນປະສົມຂອງແຮ່ທາດທີ່ຈຳເປັນຕໍ່ການຟື້ນຟູ ແລະ ພັດທະນາໂຄງສ້າງກະດູກ, ມີທາດການຊຽມ ແລະ ທອງແດງ, ຟົສຟໍ ແລະ ວິຕາມິນກາ ເຊິ່ງເປັນສິ່ງຈຳເປັນສຳລັບຮ່າງກາຍ.
10. ສຸຂະພາບເສັ້ນຜົມ : ທອງແດງ ແລະ ທາດເຫລັກໃນໝາກພຣຸນຊ່ວຍປ້ອງກັນການຫລຸດຫລົ່ນຂອງເສັ້ນຜົມ, ການຂາດແຮ່ທາດທັງສອງນີ້ອາດສົ່ງຜົນຢ່າງຫລາຍຕໍ່ຄວາມສົມບູນຂອງເສັ້ນຜົມ.
11. ສຸຂະພາບຜິວທີ່ດີ : ວິຕາມິນເຊ ແລະ ເອີ ເປັນສ່ວນປະສົມຫລັກໃນຜະລິດຕະພັນບຳລຸງຜິວ ຈະດີກ່ວາບໍ່ຫາກທ່ານກິນອາຫານທີ່ອຸດົມໄປດ້ວຍສ່ວນປະສົມເສີມສຸຂະພາບຜິວ. ວິຕາມິນເຊຍັງມີຄຸນສົມບັດຕໍ່ຕ້ານຮອຍຫ່ຽວທີ່ຊ່ວຍໃຫ້ຜິວແຂງແຮງ ແລະ ຫົດຢືດໄດ້ດີນຳ.
