ນາງ ມາຣຕາ! ຫຍັບ​ຂຶ້ນ​ເປັນ​ນັກ​ເຕະ​ທີ່ ຍິງ​ປະຕູ​ສູງ​ສຸດ​ຂອງ​ຟີ​ຟ່າ​ເວີລຄັບ

ນາງ ມາຣຕາ ກອງໜ້າ ຍອດນັກເຕະຍິງທີມຊາດເບຣຊິນ ໄດ້ກາຍເປັນຜູ້ຫລິ້ນ ທີ່ຍິງປະຕູໄດ້ຫລາຍທີ່ສຸດ ໃນການແຂ່ງຂັນ ຟີຟ່າ ເວີລຄັບ ຮອບສຸດທ້າຍລວມທັງໝົດ 17 ປະຕູ, ພາຍຫລັງຍິງຈຸດ ໂທດ ຊ່ວຍທີມເອົາຊະນະ ທີມຊາດ ອີຕາລີ 1-0 ໃນການ ແຂ່ງຂັນ ຟີຟ່າ ວູແມັນ ເວີລ  ຄັບ 2019 ຮອບແບ່ງກຸ່ມ ກຸ່ມຊີ ນັດສຸດທ້າຍ ໃນວັນທີ 18 ມິຖຸນານີ້.

ປະຕູດັ່ງກ່າວເຮັດໃຫ້ ນາງ ມາຣຕາ ອາຍຸ 33 ປີ ກ້າວຂຶ້ນເປັນນັກເຕະຍິງທີ່ຍິງປະຕູສູງສຸດຂອງ ຟີຟ່າ ເວີລ ຄັບ ໂດຍແຊງສະຖິຕິ ມິໂຣສ ລາຟ ໂຄສເຊ່ ຕໍານານທີມ ຊາດເຢຍລະມັນປະເພດຊາຍ ທີ່ເຮັດໄດ້ 16 ປະຕູໃນການ ແຂ່ງຂັນບານເຕະໂລກຮອບສຸດທ້າຍ.

ສໍາລັບໄຊຊະນະຄັ້ງນີ້, ຍັງເຮັດໃຫ້ ເບຣຊີນ ຈັບມື ອີຕາລີ ເຂົ້າສູ່ຮອບ 16 ທີມສຸດ ທ້າຍເຊັ່ນດຽວກັນກັບອົດ ສະຕຣາລີ ສ່ວນຈາໄມກາບໍ່ ຜ່ານຮອບທໍາອິດ ໂດຍມີຄະ ແນນຕໍ່າທີ່ສຸດຂອງກຸ່ມຊີ.