”ນັດເປີດສະໜາມການເເຂ່ງຂັນ ໂກປາອາເມຣິກາ ເບຣຊິນ ບໍ່ມີ ເນມາ”
ເບຣຊິນ ທີມເຈົ້າພາບເປັນເເຊ້ມ ໂກປາອາເມຣິກາ ໃນນັດເປີດສະ ໜາມແມ່ນບໍ່ມີຂາດ ເນມາ ເນື່ອງຈາກໄດ້ຮັບບາດເຈັບຈາກນັດອຸ່ນເຄື່ອງ, ຈິ່ງຖອນໂຕ ໂດຍສົ່ງ ຟີລິບເປ້ ຄູຕິນໂຢ້ ລົງແທນໃນການແຂ່ງຂັນບານເຕະ ໂກປາອາເມຣິກາ ວັນທີ 15 ມິຖຸນາ ທີ່ໃກ້ຈະມາເຖີງນີ້
ເບຣຊິລ ໃນການຄຸມທີມຂອງ ຕີເຕ້ ທີ່ໃນນັດອຸ່ນເຄື່ອງເອົາຊະນະ ກາຕ້າ 2-0 ປະຕູ ແລະ ຖະຫຼົ່ມ ຮອນດູຣັສ 7-0 ປະຕູ ຍັງຄົງໂຊຜົນງານໂດດເດັ່ນ ໂດຍທີ່ຍັງບໍ່ເຄີຍເສຍໃຫ້ທີມໃດ ຫຼັງຈາກຈົບການເເຂ່ງຂັນບານໂລກເມື່ອກາງປີຜ່ານມາ.
ໃນຖານະເປັນເຈົ້າພາບ ແລະ ເປັນທີມເຕັງໜຶ່ງແຊ້ມ ໂກປາອາເມຣິກາ ໃນການແຂ່ງຂັນຄັ້ງນີ້ ທີມເບຣຊີນ ຕ້ອງຂາດ ເນມາ ນັກແຕະຄົນສຳຄັນຂອງທີມໄປ ເນື່ອງຈາກໄດ້ຮັບບາດເຈັບໃນນັດອຸ່ນເຄື່ອງກັບກາຕ້າ ແລະ ເປັນ ວິລລ້ຽມທີ່ຖືກເອີ້ນໂຕຕິດທີມຊາດເເທນ
ສ່ວນການອຸ່ນເຄື່ອງນັດລ່າສຸດ ຕີເຕ້ ໄວ້ວາງໃຈ ກາບຽນ ເຊຊຸສ ຣິຊາສ ລີຊອນ ລວມໄປເຖີງ ດາວິສ ເນເຣສ ລົງສະໜາມເປັນໂຕຈິງ ໃນຂະນະທີ່ ຟິລິບເປ້ ຄູຕິນໂຢ້ ມີລຸ້ນລົງໂຕຈິງແທນ ເນມາ ເພື່ອສ້າງເກມປະສານກັບ ອາຕູເມໂລ່ ແລະ ຄາເຊມີໂຣ່ ໃນແດນກາງ.
