ນັກຕົ້ມຕຸນຕົວອັນຕະລາຍຖືກເຈົ້າໜ້າທີ່ຈັບຕົວມາດຳເນີນຄະດີແລ້ວ
ເຈົ້າໜ້າທີ່ ປກສ ເມືອງ ຫາດຊາຍຟອງ ນະຄອນ ຫລວງວຽງຈັນ ໃຫ້ຮູ້ວ່າ: ເມື່ອ ບໍ່ດົນມານີ້, ໄດ້ກັກຕົວທ້າວ ແຫລ້ ອາຍຸ 52 ປີຢູ່ບ້ານດົງ ໂພນເລົາເມືອງຫາດຊາຍຟອງ ມາດໍາເນີນຄະດີຕາມລະບຽບກົດໝາຍ, ພາຍຫລັງ ເຄື່ອນໄຫວຕົ້ມຕຸນສໍ້ໂກງຊັບ ພົນລະເມືອງເປັນຈໍານວນຫລາຍ, ໂດຍການແອບອ້າງ ວ່າສາມາດຊ່ວຍວິ້ງເຕັ້ນຕິດ ຕໍ່ຄົນເຂົ້າຮຽນ, ເຂົ້າລັດຖະກອນ, ຕໍາຫລວດ ແລະ ທະຫານ, ໂດຍຮຽກຮ້ອງຄ່າ ນາຍໜ້າສູງ, ເຊິ່ງມີຜູ້ຫລົງ ເຊື່ອ ແລະ ຕົກເປັນເຫຍື່ອ ຈໍານວນຫລາຍ.
ຜ່ານການສອບສວນ-ສືບສວນຂອງເຈົ້າໜ້າທີ່ ທ້າວ ແຫລ້ ໄດ້ຮັບສາລະພາບວ່າ: ຕົນເອງໄດ້ຮູ້ຈັກທະຫານລະ ດັບຊັ້ນໃຫຍ່ຫລາຍຄົນຢູ່ນະຄອນຫລວງວຽງຈັນ ແລະ ໃນປີ 1996 ໄດ້ຮູ້ຈັກກັບພະ ນັກງານທະຫານຢູ່ເມືອງຫາດ ຊາຍຟອງແລ້ວໄດ້ເອົາຕົນ ໄປຊ່ວຍວຽກຢູ່ໃນການຈັດ ຕັ້ງຈົນຮອດປີ 2016 ຈຶ່ງໄດ້ ເລີ່ມພົວພັນແລ່ນເອົາຄົນເຂົ້າ ເປັນທະຫານ 2 ຄົນ, ໂດຍ ແມ່ນພະນັກງານທີ່ຮູ້ຈັກເປັນ ຄົນຊ່ວຍເອົາເຂົ້າ ແລະ ຕົນ ເອງແມ່ນໄດ້ຮັບເປີເຊັນ. ຈາກ ນັ້ນກໍໄດ້ ຕິດຕໍ່ຫລາຍຄົນໂດຍ ສ່ວນໃຫຍ່ແມ່ນຢູ່ຕ່າງແຂວງ ແລະ ໄດ້ເອົາເງິນກ່ອນເພື່ອ ເປັນຄ່າແລ່ນເອກະສານຕົກ ເປັນມູນຄ່າຫລາຍກວ່າ 129 ລ້ານກີບ ແລະ ເມື່ອຮູ້ວ່າບໍ່ສາມາດເອົາຄົນ ເຂົ້າເຮັດວຽກໄດ້ ກໍມິດງຽບ ຫາຍໄປເລີຍ. ຈາກນັ້ນຜູ້ເສຍ ຫາຍຈຶ່ງໄດ້ແຈ້ງຄວາມກັບ ເຈົ້າໜ້າທີ່ໃຫ້ກັກຕົວຜູ້ກ່ຽວ ມາດໍາເນີນຄະດີຕາມລະບຽບກົດໝາຍ. ສະນັ້ນ, ຂໍຮຽກ ຮ້ອງໃຫ້ປະຊາຊົນຜູ້ທີ່ຕ້ອງ ການເຮັດວຽກ ແລະ ຮຽນຕໍ່ ຫລື ເຂົ້າເປັນຕໍາຫຼວດ ແລະ ທະຫານ ຈົ່ງມີສະຕິລະວັງຕົວ ສູງຂຶ້ນເພື່ອບໍ່ໃຫ້ຕົກເປັນ ເຫຍື່ອຂອງຄົນບໍ່ດີຕົວະເອົາ ຊັບສີນເງິນຄໍາຂອງຕົນໄປ ໄດ້ງ່າຍ.
