ການແຂ່ງຂັນບານໂລກເພດຍິງ 2019 ຈະເປີດສາກທາງການ 7 ກໍລະກົດນີ້
ການແຂ່ງຂັນເຕະບານ ຍິງ ຊີງແຊ້ມໂລກ ຄັ້ງທີ 8 ຈະເປີດສາກຂຶ້ນໃນວັນທີ 7 ກໍລະກົດ 2019 ທີ່ປະເທດ ຝຣ່ັງ ໂດຍມີ 24 ທີມທີ່ຜ່ານ ການຄັດເລືອກ 6 ຂົງເຂດທົ່ວ ໂລກນຳໂດຍ: ສະຫະລັດ ອາເມລິກາ USA ແຊ້ມເກົ່າ, ຍີ່ປຸ່ນ ຮອງແຊ້ມ, ເຢຍລະມັນ ແຊ້ມ 2 ສະໄໝ ແລະ 4 ທີມ ນ້ອງໃໝ່: ຊີເລ້, ສະກັອດແລນ, ຈາໄມກ້າ ແລະ ອາຟຣິກາໃຕ້. 24 ທີມໃນຮອບ ສຸດທ້າຍ ແບ່ງອອກເປັນ 6 ກຸ່ມ, ກຸ່ມລະ 4 ທີມແຂ່ງແບບພົບ ກັນ ໝົດໃນກຸ່ມແລ້ວຄັດເອົາທີ 1-2 ຂອງກຸ່ມ ບວກກັບອັນດັບ 3 ດີສຸດ 4 ທີມຈາກ 6 ກຸ່ມເຂົ້າ ສູ່ຮອບ 16 ທີມສຸດທ້າຍ.
ກຸ່ມ A ປະກອບມີ: ຝຣັ່ງ ເຈົ້າພາບ, ສາທາລະນະລັດ ເກົາຫລີ ນອກແວ ອະດີດ ແຊ້ມປີ 1995 ແລະ ນີເຊຣີ ແຊ້ມອາຟຣິກາ 2018.
ກຸ່ມ B ມີ: ເຢຍລະມັນ ແຊ້ມ 2 ສະໄໝ, ສປ ຈີນ ອະດີດຮອງແຊ້ມປີ 1999, ແອັສປາຍ ແລະ ອາຟຣິກາໃຕ້ ນ້ອງໃໝ່.
ກຸ່ມ C ມີ: ອົດສະຕຣາລີ, ອີຕາລີ, ເບຣຊິນ ອະດີດຮອງ ແຊ້ມປີ 2007 ແຊ້ມອາເມ ຣິກາໃຕ້ 2018 ແລະ ຈາໄມ ກ້າ ນ້ອງໃໝ່.
ກຸ່ມ Dມີ: ຍີ່ປຸ່ນ ແຊ້ມປີ 2011 ຮອງແຊ້ມຈາກຄັ້ງ ຜ່ານມາ, ອັງກິດ, ອາກຊັງຕິນ ແລະ ສະກັອດແລນ ນ້ອງໃໝ່.
ກຸ່ມ E ມີ: ການາດາ, ຄາເມີຣຸນ, ນຸແວນເຊລັງ ແລະ ໂຮນລັງ.
ກຸ່ມ F ມີ: ສະຫະລັດອາ ເມລິກາ (USA) ແຊ້ມເກົ່າ, ຊູແອັດ ອະດີດຮອງແຊ້ມປີ 2003, ໄທ ແລະ ຊີເລ້ ອີກໜຶ່ງ ທີມນ້ອງໃໝ່.
ການແຂ່ງຂັນຄັ້ງນີ້ ເຈົ້າ ພາບຝຣັ່ງ ນຳໃຊ້ 9 ສະໜາມ ຮອງຮັບໃຫ້ແກ່ການແຂ່ງຂັນທີ່ນະຄອນຫລວງ ປາຣິສ, ລີຢົງ, ມ໋ອງເປລີເຢ້, ແຣນສ໌, ວາລ໊ອງຊຽນ, ເລີເອຟ, ແຣັງສ໌ ແລະ ເກຣໂນເບິນ, ຄູ່ເປີດ ສະໜາມເຈົ້າພາບຝຣັ່ງພົບ ສາທາລະນະລັດເກົາຫລີ ທີ່ ສະໜາມ ປ໊າກເດີແປັງ (Parc des Princes) ສ່ວນຄູ່ຊິງຈະແຂ່ງຢູ່ສະໜາມ ປ໊າກ ໂອລິມປິກ ລີຢົງ (Parc Olympique Lyonnais).
