ຄິງຄັບ (King’s Cup) ຄັ້ງທີ 47! ໄທ ເຈົ້າພາບປະທະຫວຽດນາມແຊ້ມອາຊຽນ 5 ມິຖຸນານີ້!!
ການແຂ່ງຂັນເຕະບານ 4 ເສົ້າ ລາຍການຄິງຄັບ (King’s Cup) ຄັ້ງທີ 47, ຈະແຂ່ງຂັນໃນລະຫວ່າງວັນ ທີ 5-8 ມິຖຸນານີ້, ຢູ່ສະໜາມ ຊ້າງ ອາຣິນາ ແຂວງບຸຣິຣັມ ປະເທດໄທ ມີ 4 ທິມເຂົ້າຮ່ວມ ປະກອບຄື ໄທເຈົ້າພາບອັນ ດັບ 114 ຂອງໂລກ ອະດິດ ແຊ້ມ 15 ສະໄໝ, ຫວຽດ ນາມ ອັນດັບ 98 ຂອງໂລກ ແຊ້ມ ອາຊຽນ 2018, ອິນເດຍອັນດັບ 101 ຂອງ ໂລກ ແລະ ຄຸ ຣາເຊົາ ທິມຈາກ ເຂດທະເລຄາຣິບ້ຽນ ທີ່ຂຶ້ນ ກັບສະຫະພັນບານເຕະ ອາເມຣິ ກາເໜືອ, ອາເມຣິ ກາກາງ ແລະ ຄາຣິບ້ຽນ (CONC ACAF) ອັນດັບ ທີ 82 ຂອງໂລກ.
ຜົນການຈັບສະຫລາກ ຄຸຣາເຊົາ ພົບອິນເດຍ ຈະ ແຂ່ງຂັນໃນວັນທີ 5 ມິຖຸນາ ນີ້, ເປັນຄູ່ທີ 1 ເວລາ 15:30 ແລະ ເວລາ 19:45 ຄູ່ທີ 2 ໄທ ເຈົ້າພາບພົບຫວຽດນາມ. ສ່ວນການຊິງອັນດັບ 3 ແລະ ການຊິງຊະນະເລີດ ຈະແຂ່ງ ຂັນໃນວັນທີ 8 ມິຖຸນາ 2019.
ທີມຊາດໄທ ເຈົ້າພາບປະກາດລາຍຊື່ 23 ນັກເຕະນຳໂດຍ: ກະວິນ ທຳມະສັດ ຈານັນ ຜູ້ຮັກສາປະຕູຈາກ ໂອເຮັດ ລຸເວິນ ທີມໃນລິກ 2 ຂອງແບນຊິກທິລະທອນ ບຸນມາທັນ ກອງຫລັງເບື້ອງ ຊ້າຍຈາກໂຍໂກຮາມາ ເອຟ ມາຣິນັອສ ທີມໃນເຈລິກ 1, ຖິຕິພັນພ່ວງຈັນ ກອງກາງ ຈາກໂອອິຕະ ທຣິນິຕະ ທີມໃນ ເຈລິກ1, ທີລະສິນ ແດງດາ ກອງໜ້າຫົວໜ້າ ທີມຈາກ ເອັດຊີຈີ ເມືອງທອງ ຢູໄນເຕັດທີມໃນໄທລີກ 1 ແລະ ສຸພະໜັດເໝືອນໃຈກອງໜ້າ ດາວຮຸ່ງອາຍຸ 16 ປີ ທີ່ສ້າງ ສະຖະຕິຕິດທີມຊາດຊຸດໃຫຍ່ດ້ວຍ ອາຍຸພຽງ 16 ປີ 1 ຕັ້ງເປົ້າຄວ້າແຊ້ມເປັນ ສະໄໝທີ 16, ຫລັງຈາກຄັ້ງ ຜ່ານມາເສຍໃຫ້ສະໂລວັກ ໃນນັດຊິງ 2-3.
ຂະນະທີ່ ຫວຽດນາມ ສົ່ງ 23 ນັກເຕະນຳໂດຍ: ດັງວັນເລີມ ຜູ້ຮັກສາປະຕູ ຈາກ ເອັດຊີຈິ ເມືອງທອງ ຢູໄນເຕັດ ທີມ ໃນໄທລິກ 1, ເກວຫງັອກຮ໊າຍ ກອງຫລັງ ຫົວໜ້າທີມຈາກຫວຽດເທວ ທີມໃນ ວິລິກ, ເລືອງຊວນ ເຈືອງ ກອງກາງຈາກ ບຸຣິຣັມ ຢູໄນເຕັດ ທີມໃນໄທລິກ1, ຫງຽນກວ້າງຮ໊າຍ ກອງໜ້າ ຈາກ ຮ່າໂນ້ຍ ທີມໃນ ວີລິກ ແລະ ຫງຽນກວາງເຟືອງ ກອງໜ້າຈາກ ອິນຊອນ ຢູ ໄນເຕັດ ທີມໃນ ເຄລີກ.
ສະຖິຕິການພົບກັນລະ ຫວ່າງທີມຊາດໄທ ພົບຫວຽດນາມ 21 ນັດ, ໄທ ຊະນະ 14 ນັດ, ສະເໝີ 4 ນັດ ແລະ ຫວຽດນາມ ຊະນະ 3 ນັດ. 4 ນັດຫລັງສຸດໄທຊະນະ ຫວຽດ ນາມ 3 ສະເໝີ 1 ນັດ, ສ່ວນຫວຽດນາມ ຊະນະໄທ ຫລັງ ສຸດເມື່ອປີ 2008. ໄທ ຍິງໄດ້ 41 ປະຕູ, ເສຍ 17 ປະຕູ, ການພົບກັນໃນວັນທີ 5 ມິຖຸນາ 2019 ເປັນຄັ້ງທຳອິດ ໃນຮອບ 4 ປີນັບແຕ່ ວັນທີ 13 ຕຸລາ 2015 ໃນການ ແຂ່ງຂັນບານໂລກ 2018 ຮອບຄັດເລືອກຮອບ 2: ໄທບຸກໄປຖະຫລົ່ມຫວຽດນາມ 3-0.
