ອີຣານ ປະກາດວ່າ ບໍ່ຍອມຈຳນົນເຖິງແມ່ນຈະຖືກຖີ້ມລະເບີດລົງໃສ່ກໍຕາມ
ຮຽບຮຽງໂດຍ: ລູກເມືອງພວນ
ປະທານາທິບໍດີ ອີຣານ Hassan Rouhani ປະກາດ ວັນທີ 23 ພຶດສະພານີ້ວ່າ: ອີຣານ ຈະບໍ່ຍອມຈຳນົນ ຕໍ່ ການກົດດັນຂອງ ອາເມລິກາ ແລະ ກໍຈະບໍ່ປະລະຈຸດປະສົງຂອງຕົນເອງ ເຖິງແມ່ນວ່າຈະຖືກຖິ້ມລະເບີດໃສ່ກໍຕາມ.
ນີ້ແມ່ນທ່າທີໃໝ່ຫຼ້າສຸດຂອງສົງຄາມ ນໍ້າລາຍ ທີ່ນັບມື້ນັບຮ້າຍແຮງລະ ຫວ່າງອີຣານ ແລະ ອາເມລິກາ, ໃນວັນດຽວກັນຣອຍເຕີ ໃຫ້ຮູ້ວ່າ: ລັດຖະມົນຕີກະຊວງປ້ອງກັນປະເທດສະຫະລັດ Patrick Shanahan ເວົ້າວ່າ: ທຳນຽບ ຫ້າແຈ ກຳລັງ ພິຈາລະນານາການສົ່ງທະຫານໄປເພີ່ມເຕີມຢູ່ຕາເວັນອອກກາງເພື່ອປົກປ້ອງກຳລັງຂອງຕົນ.
ກ່ອນໜ້ານັ້ນ, ສຳນັກ ຂ່າວ AP ໄດ້ອ້າງຄວາມ ເວົ້າ ຂອງນາຍທະຫານອາເມລິກາຄົນໜຶ່ງທີ່ບໍ່ອອກຊື່ວ່າ: ທຳນຽບຫ້າແຈຈະສະເໜີ ຕໍ່ທຳນຽບຂາວ ເລື່ອງແຜນການສົ່ງທະຫານອາເມລິກາຈຳນວນ 10.000 ນາຍໄປ ຍັງຕາເວັນອອກກາງ, ແຕ່ປັດຈຸບັນຍັງບໍ່ທັນມີການຕົກລົງທີ່ແນ່ນອນຈາກທຳນຽບຂ່າວ ແລະ ບໍ່ຮູ້ວ່າທຳນຽບ ຂາວຈະເຫັນດີຫຼືບໍ່.
